完整藏文原文 · 德格版页 当前仅加载第 36 函德格 348b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན་པ་རབ་ཏུ་ཤེས་སོ། །དེའི་ཕྱིར་འཇིག་རྟེན་གྱི་ཁམས་ཐམས་ཅད་སྣང་བར་བྱ་བ་རབ་ཏུ་ཤེས་སོ། །དེའི་ཕྱིར་སེམས་ཅན་ཐམས་ཅད་ལ་བསྒྲིབས་པ་མེད་པའི་ཡེ་ཤེས་ཁོང་དུ་ཆུད་པར་འགྱུར་རོ། །དེའི་ཕྱིར་དོན་ཐམས་ཅད་བསྒྲུབས་པར་
D44.036.0348b01.01ཡོན་ཏན་ཐམས་ཅད་ལ་ཡན་ལག་རབ་ཏུ་གནས་པར་འགྱུར་རོ། །དེའི་ཕྱིར་ཐེག་པའི་དམ་པ་རབ་ཏུ་བརྩོན་པར་བྱས་ཏེ། སེམས་ཅན་ཐམས་ཅད་ལ་མཉམ་པར་གཞག་པ་རྣམ་པར་དག་པ་རབ་ཏུ་བརྗོད་དོ། །དེ་ཅིའི་ཕྱིར་ཞེ་ན། དེ་ནི་
D44.036.0348b02.01བྱང་ཆུབ་སེམས་དཔའ་སེམས་ཅན་གྱི་དོན་ལ་གནས་པ་སྙིང་རྗེ་ཆེན་པོ་དེ་ལྟ་བུ་རྣམ་པར་འཕེལ་བར་བྱེད་པ་དང་། དགེ་བའི་བཤེས་གཉེན་དང་བསྟེན་པར་འདོད་པ། སངས་རྒྱས་ཐམས་ཅད་བལྟ་བར་འདོད་པ། ཆོས་ཐམས་ཅད་
D44.036.0348b03.01སྣང་བར་བྱ་བར་འདོད་པ། ཞིང་ཐམས་ཅད་དུ་འགྲོ་བར་འདོད་པ། ཕྱོགས་ཐམས་ཅད་དུ་རྒྱུ་བར་འདོད་པ། དུས་གསུམ་མཉམ་པ་ཉིད་ཁོང་དུ་ཆུད་པར་འདོད་པ། ཆོས་ཐམས་ཅད་མཉམ་པ་ཉིད་མངོན་པར་
D44.036.0348b04.01འཚང་རྒྱ་བར་འདོད་པ། སངས་རྒྱས་མཉམ་པ་ཉིད་ལ་རབ་ཏུ་གནས་པར་འདོད་པ། ཡེ་ཤེས་མཉམ་པ་ཉིད་ལ་འདུག་པར་འདོད་པས་ཆོས་འདི་དག་ལ་ལས་དེ་ལྟ་བུར་བརྩོན་ཞིང་ལས་གཞན་མེད་པ་དང་། ངོམས་མི་ཤེས་པ་དང་། སེམས་
D44.036.0348b05.01མ་འཁྲུགས་པ་དང་། ཡིད་རྩེ་གཅིག་ཏུ་གྱུར་པ་དང་། དེ་ལྟར་གནས་པ་ལ་བརྩོན་པ་དང་། དེ་ལྟར་ཁོང་དུ་ཆུད་པའི་ཡིད་དང་། དེ་ལྟར་མ་ཉམས་པའི་སེམས་དང་། དེ་ལྟ་བུའི་ཡིད་བདེ་བ་དང་། དེ་ལྟར་ལས་སུ་རུང་བ་དང་། དེ་ལྟར་
D44.036.0348b06.01བརྩོན་པ་དང་། དེ་ལྟར་མཐར་འབྱིན་པ་དང་། དེ་ལྟར་རྣམ་པར་སྤྱོད་པས་ནན་ཏན་དུ་བྱ་ཞིང་མངོན་པར་བསྒྲུབ་པར་བྱའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་རྣམས་ནི་ལོག་པར་སྨྲ་བ་མ་ཡིན། བྱང་ཆུབ་སེམས་དཔའ་རྣམས་
D44.036.0348b07.01