完整藏文原文 · 德格版页 当前仅加载第 36 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་སྣང་བས་རྒྱས་པར་བཀང་ཞིང་། སེམས་ཅན་རྣམས་ཀྱི་ཉོན་མོངས་པའི་ཡོངས་སུ་གདུང་བ་མཐར་གྱིས་ཞི་བར་བྱེད་དོ། །ལུས་ཀྱང་ཤིན་ཏུ་ཚིམ་པར་བྱེད་དོ། །དེ་བཞིན་དུ་ཕ་རོལ་དུ་ཕྱིན་པ་བཅུ་ལས་སྨོན་ལམ་གྱི་ཕ་རོལ་ཏུ་ཕྱིན་པའི་ཤས་
D44.036.0248a01.01ཆེ་བ་ཡིན་ཏེ། ལྷག་མ་རྣམས་ཀྱང་ཅི་ཚུལ་ཅི་ནུས་སུ་ཡང་དག་པར་མི་བསྒྲུབ་པ་མ་ཡིན་ནོ། །ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའི་ས་མི་གཡོ་བ་ཞེས་བྱ་བ་སྟེ། བྱང་ཆུབ་སེམས་དཔའི་ས་བརྒྱད་པ་མདོར་བསྟན་པའོ། །རྒྱ་ཆེར་ནི་བསྐལ་པ་མུ་མེད་
D44.036.0248a02.01པས་བསྟན་པའི་མཐར་ཐུག་པར་ཤེས་པར་བྱའོ། །དེ་ལ་གནས་པའི་བྱང་ཆུབ་སེམས་དཔའ་ནི་ཕལ་ཆེར་སྟོང་གི་བདག་པོ་ཚངས་པ་ཆེན་པོར་འགྱུར་ཏེ། གཞན་ཟིལ་གྱིས་གནོན་ཅིང་། གཞན་གྱི་ཟིལ་གྱིས་མི་གནོན་པ་དང་། དོན་མཐོང་ཞིང་དབང་ཐོབ་པར་འགྱུར་ཏེ།
D44.036.0248a03.01སེམས་ཅན་རྣམས་ལ་ཉན་ཐོས་དང་རང་སངས་རྒྱས་དང་བྱང་ཆུབ་སེམས་དཔའི་ཕ་རོལ་ཏུ་ཕྱིན་པ་སྟོན་པ་ལ་མཁས་ཤིང་མཐུ་ཡོད་པ་ཡིན། འཇིག་རྟེན་གྱི་ཁམས་རྣམ་པར་ཕྱེ་བ་ཡོངས་སུ་དྲིས་པས་མི་འཕྲོགས་པ་ཡིན། དེ་སྦྱིན་པ་འམ། ངག་སྙན་པ་འམ། དོན་བསྒྲུབ་པ་འམ།
D44.036.0248a04.01དོན་འཐུན་པས་དགེ་བའི་རྩ་བ་གང་ཅི་རྩོམ་ཡང་རུང་སྟེ། དེ་ཐམས་ཅད་ཇི་ལྟར་ན་སེམས་ཅན་ཐམས་ཅད་ཀྱི་མཆོག་ཏུ་འགྱུར། གཙོ་བོར་འགྱུར། ཐུ་བོར་འགྱུར། ཕུལ་དུ་འགྱུར། དམ་པར་འགྱུར། བླ་ན་མེད་པར་འགྱུར། འདྲེན་པར་འགྱུར། ཡོངས་སུ་འདྲེན་པར་འགྱུར་
D44.036.0248a05.01བ་ནས་ཐམས་ཅད་མཁྱེན་པའི་ཡེ་ཤེས་ལ་བརྟེན་པའི་བར་དུ་འགྱུར་སྙམ་སྟེ། སངས་རྒྱས་ཡིད་ལ་བྱ་བ་དང་། ཆོས་ཡིད་ལ་བྱ་བ་དང་། དགེ་འདུན་ཡིད་ལ་བྱ་བ་དང་། བྱང་ཆུབ་སེམས་དཔའ་ཡིད་ལ་བྱ་བ་དང་། བྱང་ཆུབ་སེམས་དཔའི་སྤྱོད་པ་ཡིད་ལ་བྱ་བ་དང་། བྱང་ཆུབ་
D44.036.0248a06.01སེམས་དཔའི་ས་ཡིད་ལ་བྱ་བ་དང་། ཕ་རོལ་ཏུ་ཕྱིན་པ་ཡིད་ལ་བྱ་བ་དང་། སྟོབས་ཡིད་ལ་བྱ་བ་དང་། {མྱི་,མི་}འཇིགས་པ་ཡིད་ལ་བྱ་བ་དང་། སངས་རྒྱས་ཀྱི་ཆོས་མ་འདྲེས་པ་ཡིད་ལ་བྱ་བ་ནས་རྣམ་པའི་མཆོག་ཐམས་ཅད་དང་ལྡན་པའི་ཐམས་ཅད་མཁྱེན་པའི་ཡེ་ཤེས་ཀྱི་བར་དུ་
D44.036.0248a07.01