完整藏文原文 · 德格版页 当前仅加载第 36 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཅིག །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་སྦྱིན་པས་འབྱུང་བ་ལ་{སྩོགས་,སོགས་}པའི་དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། དགེ་བའི་རྩ་བ་འདིས་འཇིག་རྟེན་གྱི་ཁམས་ཐམས་ཅད་དུ་རྗེས་སུ་
D44.036.0152a01.01སོང་བའི་ལུས་ཀྱིས་བྱང་ཆུབ་སེམས་དཔའི་སྤྱད་པ་སྤྱོད་པར་གྱུར་ཅིག །འགྲོ་བ་ཐམས་ཅད་ཀྱིས་བལྟ་ན་དོན་ཡོད་ཅིང་། བྱང་ཆུབ་ཀྱི་སེམས་ལས་ཕྱིར་མི་ལྡོག་པ་དང་། སེམས་ཅན་ཐམས་ཅད་ལ་མཐུན་པར་གྱུར་པས་བསམ་པ་མི་འཁྲུགས་པ་དང་། བསྐལ་
D44.036.0152a02.01པ་ཐམས་ཅད་དུ་སྐྱོ་བ་མེད་པར་བྱང་བས། འཇིག་རྟེན་གྱི་ཁམས་ཐམས་ཅད་དུ་མ་འོངས་པའི་དུས་ཀྱི་ཕྱི་མའི་མཐའི་མུར་ཐུག་པར་གནས་པ་དང་། ཆོས་ཀྱི་དབྱིངས་ཚད་མེད་པར་སྙིང་རྗེ་ཆེན་པོ་རྒྱུན་མི་གཅོད་པས། སེམས་ཅན་ཐམས་ཅད་
D44.036.0152a03.01ལ་དུས་ལ་བབ་པར་ཆོས་སྟོན་པ་མི་གཏོང་བས་དབང་པོ་ཡང་དག་པ་ཇི་ལྟ་བ་བཞིན་དུ་ཤེས་པ་དང་། དགེ་བའི་བཤེས་གཉེན་དྲན་པའི་ཁོངས་སུ་གཏོགས་པའི་སེམས་དང་ལྡན་པས་སེམས་བསྐྱེད་པ་གཅིག་དང་ཡང་མི་འབྲལ་བ་དང་།
D44.036.0152a04.01སངས་རྒྱས་ཐམས་ཅད་འདོད་ཅིང་ཞལ་ལྟ་བའི་སེམས་ཀྱིས་དེ་བཞིན་གཤེགས་པ་ཡིད་ལ་བྱེད་པ་མི་གཏོང་བ་དང་། དགེ་བའི་རྩ་བ་བརྩམས་པ་ཐམས་ཅད་རྗེས་མེད་པར་མི་བྱེད་ཅིང་སེམས་ཅན་ཐམས་ཅད་ཐམས་ཅད་མཁྱེན་པའི་སེམས་ལ་རབ་ཏུ་
D44.036.0152a05.01དགོད་པའི་སེམས་ཀྱིས་ཕྱིར་མི་ལྡོག་པའི་འཁོར་ལོ་ཐོབ་པར་བྱ་བའི་ཕྱིར་སངས་རྒྱས་ཀྱི་ཆོས་སྣང་བ་ཐམས་ཅད་ཀྱིས་ཆོས་ཐམས་ཅད་ལ་བལྟ་ཞིང་བྱང་ཆུབ་སེམས་དཔའ་ཡང་དག་པར་ལེན་པས། ཆོས་ཀྱི་སྤྲིན་ཡང་དག་པར་འཛིན་པའི་བྱིན་གྱི་རླབས་
D44.036.0152a06.01ཀྱིས་བྱང་ཆུབ་སེམས་དཔའི་སྤྱད་པ་སྤྱོད་པར་གྱུར་ཅིག །སེམས་ཅན་ཐམས་ཅད་ལ་འཇུག་པ་དང་། ཞིང་ཐམས་ཅད་ལ་འཇུག་པ་དང་། ཆོས་ཐམས་ཅད་ལ་འཇུག་པ་དང་། འཇིག་རྟེན་དང་དུས་ཐམས་ཅད་ལ་འཇུག་པ་དང་།
D44.036.0152a07.01