完整藏文原文 · 德格版页 当前仅加载第 36 函德格 72a 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པའི་དགེ་འདུན་དཀོན་མཆོག་གམ། ཕ་དང་མ་དང་། སློབ་དཔོན་དང་། བླ་མའི་སྦྱིན་པའི་གནས་ལ་བྲན་དང་། ལས་བྱེད་པའི་མི་འབུལ་བ་དང་། སེམས་ཅན་ནད་པ་རྣམས་ལ་རིམ་གྲོ་བྱེད་པ་མེད་པས་
D44.036.0072a01.01འཆི་བར་མི་འགྱུར་བའི་རིམ་གྲོ་བྱ་བའི་ཕྱིར་བྲན་དང་། ལས་བྱེད་པའི་མི་སྦྱིན་པ་འམ། དེ་མ་ཡིན་པའི་སེམས་ཅན་གཡོག་མེད་པ་ལ་བྲན་དང་ལས་བྱེད་པའི་མི་གཏོང་བ་འམ། ཕོངས་པ་དང་བཀྲེན་པ་སློང་ཞིང་ལེན་པ་གཞན་དང་། གཞན་
D44.036.0072a02.01དག་ལ་བྲན་དང་ལས་བྱེད་པའི་མི་གཏོང་བ་འམ། དེ་བཞིན་གཤེགས་པ་མྱ་ངན་ལས་འདས་པའི་སངས་རྒྱས་ཀྱི་མཆོད་རྟེན་བསྲུང་བའི་ཕྱིར་འབུལ་བ་འམ། དམ་པའི་ཆོས་ཡོངས་སུ་བསྲུང་བའི་ཕྱིར་ཡི་གེ་དང་གྲངས་ལ་ཤིན་ཏུ་བསླབས་པའི་
D44.036.0072a03.01མི་བྱེ་བ་ཁྲག་ཁྲིག་བརྒྱ་སྟོང་མང་པོ་འབུལ་བ་བྱེད་ཅིང་རིམ་གྲོ་བ་དེ་དག་ཀྱང་མཁས་པ། ཚུལ་ཤེས་པ། ཅང་ཤེས་པ། བརྩོན་པ། ལེ་ལོ་མེད་པ། དྲང་བ། དྲང་པོ་དང་ལྡན་པ། ཕན་པར་སེམས་པ། བདེ་བར་སེམས་པ། བྱམས་
D44.036.0072a04.01པར་སེམས་པ། རིམ་གྲོ་བྱེད་པའི་ངང་ཚུལ་ཅན། ཁོན་མེད་པ། གཅུགས་མེད་པར་ཡོངས་སུ་སྤྱོད་པ། བཟོ་དང་སྒྱུ་རྩལ་སྣ་ཚོགས་དང་། གྲངས་ལ་ཤིན་ཏུ་བསླབས་པའི་ཤེས་པ་གསལ་བ་ཅན། རིམ་པའི་ཚུལ་ཤེས་པ། དགའ་བར་
D44.036.0072a05.01བྱེད་ཅིང་རིམ་གྲོ་བྱེད་པ་ལ་བརྩོན་ཞིང་སྟོང་བ། བྱང་ཆུབ་སེམས་དཔའི་ལས་ལས་བྱུང་བ། ཡིད་དུ་འཐད་པ། རིམ་གྲོ་བྱེད་པ། སེམས་ཤིན་ཏུ་དང་བ། དེ་ལྟ་བུའི་རིམ་གྲོ་བ་དག་གནས་གར་འོས་པ་དང་། ཅི་རིགས་པ་དང་།
D44.036.0072a06.01ཕན་འདོགས་པ་དེ་དང་དེ་དག་ལ་འབུལ་ཞིང་ཡོངས་སུ་གཏོང་བ་དང་། སྦྱིན་པ་བྱེད་པའི་ཚེ་དགེ་བའི་རྩ་བ་དེ་དག་སེམས་ཅན་ཐམས་ཅད་ལ་འདི་ལྟར་ཡོངས་སུ་བསྔོ་སྟེ། རིམ་གྲོ་པ་ཡང་དག་པར་གཏོང་བ་དང་ལྡན་པའི་དགེ་བའི་རྩ་བ་འདིས།
D44.036.0072a07.01