完整藏文原文 · 德格版页 当前仅加载第 36 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་བསྔོའོ། །དག་པའི་ཡིད་ཀྱིས་ཡོངས་སུ་བསྔོའོ། །ཡངས་པའི་ཡིད་ཀྱིས་ཡོངས་སུ་བསྔོའོ། །དགའ་བའི་ཡིད་ཀྱིས་ཡོངས་སུ་བསྔོའོ། །རངས་པའི་ཡིད་ཀྱིས་ཡོངས་སུ་བསྔོའོ། །སྤྲོ་བའི་ཡིད་ཀྱིས་
D44.036.0057b01.01ཡོངས་སུ་བསྔོའོ། །ཞུམ་པ་མེད་པའི་ཡིད་ཀྱིས་ཡོངས་སུ་བསྔོའོ། །བདེ་བའི་ཡིད་ཀྱིས་ཡོངས་སུ་བསྔོའོ། །དང་བའི་ཡིད་ཀྱིས་ཡོངས་སུ་བསྔོའོ། །མགུ་བའི་ཡིད་དང་རབ་ཏུ་དགའ་བའི་ཡིད་དང་། ཡིད་བདེ་ཞིང་རངས་པ་སྐྱེས་པས།
D44.036.0057b02.01དགེ་བའི་རྩ་བ་དེ་ཡོངས་སུ་བསྔོའོ། །འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གཏོང་བའི་སེམས་གཞལ་དུ་{མྱེད་,མེད་}པའི་དགའ་བས་རྣམ་པར་འཕེལ་བ་དང་། བྱང་ཆུབ་སེམས་དཔའ་དང་མཁས་པའི་སྐྱེ་བོས་བསྟེན་པའི་ཟླ་{མྱེད་,མེད་}པའི་
D44.036.0057b03.01དགེ་བའི་རྩ་བ་དང་། ལྷག་པའི་བསམ་པ་དམ་པ་འཇིག་རྟེན་གྱི་དྲི་མ་བསྩལ་བ་དང་། སློང་བ་ཐམས་ཅད་ཀྱིས་ཟད་པར་མི་ནུས་པའི་ནང་གི་ལུས་ཉེ་བར་བླངས་བའི་ཡོངས་སུ་གཏོང་བ་དང་། ཡོན་ཏན་རིན་པོ་ཆེས་ཡང་དག་པར་བླངས་པའི་དགེ་བ་
D44.036.0057b04.01འབྱམ་ཀླས་པ་དང་། བྱང་ཆུབ་སེམས་དཔའ་ཐམས་ཅད་ཀྱི་ཡི་དམ་གྱིས་ཉེ་བར་བླངས་པའི་སྦྱིན་པའི་ཚོགས་ཆེན་པ་དང་། སློང་བ་ཐམས་ཅད་ཀྱི་ཡིད་ཀྱིས་འདོད་པར་བསམ་པ་བཏང་ཡང་འགྱོད་པ་{མྱེད་,མེད་}པའི་སེམས་དང་སྦྱིན་པ་ལ་{དམྱིགས་,དམིགས་}པའི་དངོས་པོས་ཤིན་
D44.036.0057b05.01ཏུ་བརྟགས་པའི་ལས་ཀྱི་རྣམ་པར་སྨིན་པའི་རྟེན་དང་། ལེན་པ་རྣམས་ལ་སྦྱིན་པ་ཡོངས་སུ་གཏོང་བའི་སེམས་ཉམས་པ་མེད་པ་དང་། སངས་རྒྱས་ཐམས་ཅད་མངོན་དུ་གྱུར་བ་ཕ་ལྟ་བུའི་འདུ་ཤེས་སུ་མངོན་པར་འཛིན་པ་དང་། འགྲོ་བ་ཐམས་ཅད་ལ་མངོན་
D44.036.0057b06.01དུ་གྱུར་པའི་སེམས་ཅན་ཐམས་ཅད་རྣམ་པར་དག་པ་ལ་གནས་པ་དང་། འཇིག་རྟེན་གྱི་ཁམས་ཐམས་ཅད་མངོན་དུ་གྱུར་པའི་སངས་རྒྱས་ཀྱི་ཞིང་གི་རྒྱན་ཐམས་ཅད་དང་། འགྲོ་བ་ཐམས་ཅད་ལ་མངོན་དུ་གྱུར་པའི་སྙིང་རྗེ་ཆེན་པོས་ཡོངས་སུ་སྐྱོབ་པ་དང་།
D44.036.0057b07.01