完整藏文原文 · 德格版页 当前仅加载第 36 函德格 387b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་ཀྱང་བརྗོད་དུ་མེད་པ་སྟེ། །སྐྲ་རྩེ་གཅིག་ལ་ཐམས་ཅད་རབ་ཏུ་གཞོལ། །དེ་བཞིན་གཤེགས་པའི་མཚན་རྣམས་རེ་རེ་ཡང་། །བརྗོད་དུ་མེད་པའི་བརྗོད་དུ་མེད་པ་ཡིན། །སངས་རྒྱས་རེ་རེ་བརྗོད་དུ་མེད་པ་ཡི། །སྐུ་རྣམས་བ་
D44.036.0387b01.01སྤུའི་ཁུང་བུར་བྱིན་གྱིས་རློབ། །སྤུ་གཅིག་ནས་ཀྱང་བརྗོད་དུ་མེད་པ་ཡི། །ཁ་དོག་སྣ་ཚོགས་མང་པོ་རབ་ཏུ་འབྱུང་། །སྤུ་གཅིག་ནས་ཀྱང་བརྗོད་དུ་མེད་པ་ཡིན། །འོད་གཟེར་བརྗོད་དུ་མེད་པ་རབ་ཏུ་འགྱེད། །འོད་ཟེར་རེ་རེ་ལས་ཀྱང་
D44.036.0387b02.01བརྗོད་མེད་པའི། །པད་མོ་བརྗོད་དུ་མེད་པ་མང་པོ་འབྱུང་། །པད་མོ་རེ་རེ་ལས་ཀྱང་བརྗོད་མེད་པའི། །ལོ་མ་བརྗོད་དུ་མེད་པ་མང་པོ་འབྱུང་། །བརྗོད་དུ་མེད་པའི་བརྗོད་དུ་མེད་པ་ཡི། །ལོ་མ་ཁ་དོག་བརྗོད་དུ་མེད་པ་སྟེ། །
D44.036.0387b03.01ཁ་དོག་རེ་རེ་དེ་བཞིན་བརྗོད་དུ་མེད། །པད་མོ་རེ་རེ་ལོ་མ་བརྗོད་དུ་མེད། །ལོ་མ་རེ་རེའི་འོད་གཟེར་བརྗོད་དུ་མེད། །ཁ་དོག་ཐ་དད་རྣམ་པ་བརྗོད་དུ་མེད། །ཁ་དོག་རེ་རེ་བརྗོད་མེད་དེ་དག་ལས། །འོད་ཟེར་མང་པོ་བརྗོད་དུ་མེད་
D44.036.0387b04.01པ་འབྱུང་། །འོད་ཟེར་ཀུན་ལས་བརྗོད་མེད་ཟླ་བ་འབྱུང་། །ཟླ་བ་ལས་ཀྱང་ཟླ་བ་བརྗོད་དུ་མེད། །ཟླ་བ་རེ་རེ་ལས་ཀྱང་བརྗོད་མེད་པའི། །ཁ་དོག་མཐའ་ཡས་ལྡན་པའི་འོད་མང་འབྱུང་། །ཁ་དོག་རེ་རེ་ལས་ཀྱང་བརྗོད་
D44.036.0387b05.01མེད་པའི། །ཉི་མ་ཀུན་ཏུ་སྣང་བ་བརྗོད་དུ་མེད། །ཉི་མ་རེ་རེ་ལས་ཀྱང་བརྗོད་མེད་པའི། །ཁ་དོག་བརྗོད་དུ་མེད་པ་སྣ་ཚོགས་འབྱུང་། །ཁ་དོག་རེ་རེ་ལས་ཀྱང་བརྗོད་མེད་པའི། །འོད་གཟེར་བརྗོད་དུ་མེད་པ་རབ་ཏུ་འབྱུང་། །
D44.036.0387b06.01འོད་ཟེར་རེ་རེ་ལ་འང་བརྗོད་མེད་པའི། །སེང་གེའི་ཁྲི་མང་བརྗོད་མེད་སྣ་ཚོགས་གནས། །སེང་གེའི་ཁྲི་མང་སྣ་ཚོགས་རེ་རེ་ལས། །འོད་གསལ་བརྗོད་དུ་མེད་པའི་བརྗོད་མེད་འབྱུང་། །ཁ་དོག་སྣ་ཚོགས་བརྗོད་དུ་མེད་པ་དང་། །
D44.036.0387b07.01