完整藏文原文 · 德格版页 当前仅加载第 36 函德格 318b 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་པ་མེད་པ་ལ་སྤྱོད་པ་ཡོངས་སུ་རྫོགས་པས། སྟོབས་བཅུ་མངའ་བ་ཞེས་བྱ། ཆོས་ཀྱི་འཁོར་ལོ་ཐམས་ཅད་ལ་དབང་བའི་ཕ་རོལ་ཏུ་ཕྱིན་པ་ཐོབ་པས་ཐམས་ཅད་གཟིགས་པ་ཞེས་བྱ་བ་སྟེ། ཀྱེ་རྒྱལ་བའི་སྲས་དག །བྱང་ཆུབ་སེམས་དཔའ་དེ་
D44.036.0318b01.01ནི་རབ་ཏུ་བསྔགས་པའི་ཆོས་འདི་བཅུས་རབ་ཏུ་བསྔགས་པ་ཡིན་བྱང་ཆུབ་སེམས་དཔའ་དེ་ནི་སྣང་བ་བཅུས་སྣང་བར་བྱས་པ་ཡིན་ཏེ། བཅུ་གང་ཞེ་ན་འདི་ལྟ་སྟེ། སངས་རྒྱས་ཐམས་ཅད་ཀྱི་སྣང་བ་དང་། སེམས་ཅན་གྱི་ཁམས་ཡང་དག་པར་བླངས་ཏེ། རྣམ་པར་བརྒྱན་
D44.036.0318b02.01ཅིང་བྱིན་གྱིས་བརླབས་པའི་སྣང་བ་དང་། གདུལ་ཞིང་བྱིན་གྱིས་བརླབས་པའི་སྣང་བས་སེམས་ཅན་ཐམས་ཅད་ཀྱི་སྣང་བ་དང་། ཆོས་ཀྱི་དབྱིངས་ཀྱི་དཀྱིལ་འཁོར་ཐམས་ཅད་དུ་སྟོན་པས་མི་འཇིགས་པ་ཚད་མེད་པའི་སྣང་བ་དང་ཆོས་ཐམས་ཅད་
D44.036.0318b03.01ལ་ཐ་དད་པར་བྱེད་པ་མེད་པས་ཐ་དད་པར་བྱེད་པ་མེད་པའི་སྣང་བ་དང་། ཆོས་ཐམས་ཅད་འདོད་ཆགས་དང་བྲལ་བར་ཁོང་དུ་ཆུད་པས་ཚུལ་ལ་འཇུག་པའི་སྣང་བ་དང་། ཆོས་ཐམས་ཅད་འདོད་ཆགས་དང་བྲལ་བས་མཉམ་པ་ཉིད་ཀྱིས་ཐ་དད་པར་བྱ་བ་མེད་
D44.036.0318b04.01པ་ལ་འཇུག་པའི་སྣང་བ་དང་། སངས་རྒྱས་ཐམས་ཅད་ཀྱི་བྱིན་གྱི་རླབས་རྒྱུན་མི་འཆད་པས་འགྲོ་བ་ཐམས་ཅད་ཀྱི་སྐྱབས་སུ་རྣམ་པར་འཕྲུལ་པའི་སྣང་བ་དང་། སངས་རྒྱས་ཐམས་ཅད་ཀྱི་ཁྱུ་མཆོག་གི་མཐུ་ཕྱུང་བ་ཕ་རོལ་ཏུ་ཕྱིན་པ་
D44.036.0318b05.01ཐོབ་པས། མུན་པ་ཤིན་ཏུ་བསྩལ་བའི་སྣང་བ་དང་། ཐམས་ཅད་ལ་གནས་པར་ཤིན་ཏུ་བསྟན་པ་ལ་མཁས་ཤིང་གཞོལ་བས། ཆོས་ཐམས་ཅད་ཀྱི་དེ་བཞིན་ཉིད་ཀྱི་སྣང་བ་སྟེ། སྣང་བ་འདི་བཅུས་བྱང་ཆུབ་སེམས་དཔའ་དེ་སྣང་
D44.036.0318b06.01བར་བྱས་པ་ཡིན། བྱང་ཆུབ་སེམས་དཔའ་དེ་ཐམས་ཅད་དུ་མངོན་པར་འདུ་བྱ་བ་མེད་པ་བཅུས་ཤིན་ཏུ་བསླབས་པ་ཡིན། བཅུ་གང་ཞེ་ན་འདི་ལྟ་སྟེ། མངོན་པར་འདུས་མ་བྱས་པའི་ལུས་ཀྱི་ལས་དང་། མངོན་པར་འདུས་མ་
D44.036.0318b07.01