完整藏文原文 · 德格版页 当前仅加载第 36 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་ཐོགས་པ་མེད་པའི་བྱིན་གྱི་རླབས་རྣམ་པ་ཐ་དད་པས་བྱ་བ་ཐམས་ཅད་ཡང་དག་པར་སྟོན་པ་ལ་མཁས་པ། བྱང་ཆུབ་སེམས་དཔའི་སྨོན་ལམ་ཐམས་ཅད་མངོན་པར་བསྒྲུབ་ཅིང་བསྐལ་པ་དང་ཞིང་དང་དུས་སུ་སྤྱོད་པ་ལ་གནས་པའི་རྒྱུན་
D44.036.0166b01.01མི་གཅོད་པ། །བྱང་ཆུབ་སེམས་དཔའི་བསོད་ནམས་དང་ཡེ་ཤེས་དང་རྫུ་འཕྲུལ་གྱི་ཚོགས་ཡོངས་སུ་རྫོགས་ཤིང་འགྲོ་བ་ཐམས་ཅད་ཉེ་བར་འཚོ་བ་མི་ཟད་པ་ལ་རབ་ཏུ་ཞུགས་པ། བྱང་ཆུབ་སེམས་དཔའི་ཤེས་རབ་དང་། ཐབས་ཐམས་ཅད་ཀྱི་ཕ་རོལ་
D44.036.0166b02.01ཏུ་ཕྱིན་པ་དམ་པ་ཐོབ་པ། བྱང་ཆུབ་སེམས་དཔའི་སྤྱོད་པས་འཁོར་བ་དང་། མྱ་ངན་ལས་འདས་པའི་སྒོ་ཡང་དག་པར་བསྟན་ཅིང་ཤིན་ཏུ་བསྒྲུབ་པའི་རྒྱུན་མི་གཅོད་པ། བྱང་ཆུབ་སེམས་དཔའི་བསམ་གཏན་དང་། རྣམ་པར་ཐར་པ་དང་། ཏིང་ངེ་
D44.036.0166b03.01འཛིན་དང་སྙོམས་པར་འཇུག་པ་དང་། མངོན་པར་ཤེས་པ་དང་། རིག་པ་དང་ཡེ་ཤེས་ལ་རྣམ་པར་རོལ་པའི་མངོན་པར་ཤེས་པས་བྱ་བ་ཐམས་ཅད་ཡང་དག་པར་སྟོན་པ་ལ་མཁས་པ། བྱང་ཆུབ་སེམས་དཔའི་རྫུ་འཕྲུལ་དང་སྟོབས་དང་། དབང་ཐམས་
D44.036.0166b04.01ཅད་ཐོབ་ཅིང་མངོན་པར་འདུ་བྱ་བ་མེད་པའི་སེམས་སྐད་ཅིག་གིས་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་འདོད་པ་ལ་སྔུན་དུ་འདྲེན་པའི་གཏམ་གྱི་སྐྱེས་བུ་དམ་པ་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་ཡང་དག་པར་གཟུང་བ་དང་།
D44.036.0166b05.01སངས་རྒྱས་ལ་མཆོད་པ་དང་། རིམ་གྲོ་རྒྱ་ཆེན་པོ་བྱ་བའི་དོན་དུ་མངོན་པར་བརྩོན་པ། བྱང་ཆུབ་སེམས་དཔའི་ལས་ཐམས་ཅད་ཡང་དག་པར་བླང་བ་མཉམ་པ་ཉིད་ཀྱི་སྦྱོར་བས་འཇིག་རྟེན་གྱི་ཁམས་ཐམས་ཅད་དུ་ལུས་ཀྱི་གཟུགས་བརྙན་རབ་ཏུ་འབྱུང་བ་ཆོས་ཀྱི་དབྱིངས་
D44.036.0166b06.01ཐམས་ཅད་དུ་ཆགས་པ་མེད་པའི་དབྱངས་རབ་ཏུ་སྒྲོག་པས་དུས་གསུམ་ཐམས་ཅད་དུ་ཆགས་པ་མེད་པའི་སེམས་དང་། ཡེ་ཤེས་ཀྱི་ཡུལ་རྒྱས་པར་འགེངས་པ། བྱང་ཆུབ་སེམས་དཔའི་ཡོན་ཏན་དང་ནན་ཏན་ཡོངས་སུ་རྫོགས་པ་ཐམས་ཅད་བསྐལ་པ་བརྗོད་དུ་
D44.036.0166b07.01