完整藏文原文 · 德格版页 当前仅加载第 36 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་བཟུང་བའི་དགེ་བའི་རྩ་བ་དེ་དག་སེམས་ཅན་ཐམས་ཅད་ཀྱི་འཁོར་གཞན་གྱིས་མི་ཕྱེད་ཅིང་རྣམ་པར་དག་པ་དང་། བྱང་ཆུབ་སེམས་དཔའི་འཁོར་གྱི་ཚོགས་རབ་ཏུ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །བྱང་ཆུབ་ཏུ་སེམས་
D44.036.0081a01.01བསྐྱེད་པ་ཤིན་ཏུ་རྣམ་པར་དག་པར་འགྱུར་བ་དང་། སངས་རྒྱས་ཀྱི་ཆོས་ཡོངས་སུ་རྫོགས་པ་རབ་ཏུ་ཐོབ་པར་འགྱུར་བའི་ཕྱིར་སེམས་ཅན་ཐམས་ཅད་ལ་ཡོངས་སུ་བསྔོའོ། །ཐམས་ཅད་མཁྱེན་པའི་ཡེ་ཤེས་ཁོང་དུ་ཆུད་པ་དང་། ཐམས་ཅད་མཁྱེན་པའི་སྟོབས་ཡོངས་སུ་
D44.036.0081a02.01རྫོགས་པར་འགྱུར་བའི་ཕྱིར་སེམས་ཅན་ཐམས་ཅད་ལ་ཡོངས་སུ་བསྔོའོ། །སྐལ་པ་མཉམ་པའི་སེམས་ཅན་དང་འགྲོགས་པ་དང་འཐུན་པའི་གཡོག་འཁོར་རབ་ཏུ་འཐོབ་པར་བྱ་བའི་ཕྱིར་སེམས་ཅན་ཐམས་ཅད་ལ་ཡོངས་སུ་བསྔོའོ། །ཁ་ན་མ་ཐོ་བ་མེད་པའི་དགེ་
D44.036.0081a03.01བའི་རྩ་བ་རབ་ཏུ་འགྲུབ་པ་དང་། ཐམས་ཅད་མཁྱེན་པའི་བསོད་ནམས་ཡོངས་སུ་རྫོགས་པར་འགྱུར་བའི་ཕྱིར་སེམས་ཅན་ཐམས་ཅད་ལ་ཡོངས་སུ་བསྔོའོ། །སངས་རྒྱས་ཀྱི་སྐུ་རྣམ་པར་དག་པ་འཐོབ་པ་དང་གཡོག་ངེས་པ་དང་ལྡན་པར་བྱ་བའི་ཕྱིར་
D44.036.0081a04.01སེམས་ཅན་ཐམས་ཅད་ལ་ཡོངས་སུ་བསྔོའོ། །སངས་རྒྱས་ཀྱི་ཆོས་མི་ཟད་པ་ཐམས་ཅད་ཀྱི་མཛོད་ཤིན་ཏུ་རིག་པ་ལ་ཞུགས་པས་རབ་ཏུ་སྟོན་པ་དང་། ཐ་དད་པ་ཡང་དག་པར་ཤེས་པ་གཅིག་ནས་གཅིག་ཏུ་བརྒྱུད་པ་ཐམས་ཅད་འཐོབ་པར་བྱ་བའི་ཕྱིར་
D44.036.0081a05.01སེམས་ཅན་ཐམས་ཅད་ལ་ཡོངས་སུ་བསྔོའོ། །འགྲོ་བ་ཐམས་ཅད་ཀྱི་དགེ་བའི་རྩ་བ་ལས་རྣམ་པར་འདས་པ་དང་། སེམས་ཅན་ཐམས་ཅད་གྲོགས་སུ་འགྱུར་བའི་དགེ་བའི་རྩ་བ་ཡོངས་སུ་རྫོགས་པར་བྱ་བའི་ཕྱིར། སེམས་ཅན་ཐམས་ཅད་
D44.036.0081a06.01ལ་ཡོངས་སུ་བསྔོའོ། །རྣམ་པར་དག་པའི་ཆོས་ཐམས་ཅད་ཡོངས་སུ་རྫོགས་པར་འགྱུར་བ་དང་། ཁ་ན་མ་ཐོ་བ་མེད་པའི་ལས་ཡོངས་སུ་རྫོགས་པར་བྱ་བའི་ཕྱིར། སེམས་ཅན་ཐམས་ཅད་ལ་ཡོངས་སུ་བསྔོའོ། །ཆོས་སྣང་བ་ཐམས་ཅད་
D44.036.0081a07.01