完整藏文原文 · 德格版页 当前仅加载第 36 函德格 364b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྲེང་བའི་སྤྲིན་གྱི་པད་མོ་སྣ་ཚོགས་སུ་བསྒྲུབས་པས་ཡང་དག་པར་བརྒྱན་པའི་ཁ་དོག་དང་། འགྲོ་བ་ཐམས་ཅད་ལས་ཤིན་ཏུ་འདས་པའི་ཁ་དོག་དང་། སྤོས་ཞིམ་པོ་ཐམས་ཅད་ཀྱི་བསུང་འབྱུང་བས་སྤོས་འཕྲོ་བར་འགྱེད་པའི་ཁ་དོག་དང་།
D44.036.0364b01.01དེ་བཞིན་གཤེགས་པ་ཐམས་ཅད་ཀྱི་མཛོད་སྤུ་ནས་བྱུང་བའི་ཁ་དོག་དང་། སྒྲ་དབྱངས་བརྗོད་དུ་{མྱེད་,མེད་}པས་ཆོས་ཐམས་ཅད་བསྟན་པ་ཡང་དག་པར་སྟོན་པའི་ཁ་དོག་དང་། རྣམ་པའི་མཆོག་ཐམས་ཅད་དང་ལྡན་པས་ཀུན་ཏུ་བཟང་པོའི་ཁ་
D44.036.0364b02.01དོག་ཏུ་བདག་གི་ལུས་བྱིན་གྱིས་རློབ་སྟེ། ཀྱེ་རྒྱལ་བའི་སྲས་དག །དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཁ་དོག་མེད་པའི་ཆོས་ཀྱི་དབྱིངས་ལ་ཞུགས་པས་མཐོང་བས་འདུལ་བ་དང་། རྗེས་སུ་དྲན་པས་འདུལ་
D44.036.0364b03.01བ་དང་། ཆོས་ཀྱི་འཁོར་ལོས་འདུལ་བ་དང་། དུས་ཀྱིས་འདུལ་བ་དང་། སྐད་ཅིག་གིས་འདུལ་བ་དང་། བསྙེན་བཀུར་བས་འདུལ་བ་དང་། ཁོང་དུ་ཆུད་པར་བྱ་བས་འདུལ་བ་དང་རྫུ་འཕྲུལ་གྱིས་འདུལ་བ་དང་། རྣམ་པར་འཕྲུལ་བ་སྣ་ཚོགས་ཀྱིས་འདུལ་བ་དང་།
D44.036.0364b04.01ཆོ་འཕྲུལ་བསམ་གྱིས་མི་ཁྱབ་པས་འདུལ་བ་རྣམས་ལ་རྣམ་པ་དེ་ལྟ་བུའི་ཁ་དོག་ཏུ་རང་གི་ལུས་བྱིན་གྱིས་རློབ་པོ། །ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཁ་དོག་གྲངས་མེད་པའི་ལུས་མངོན་པར་བསྒྲུབ་
D44.036.0364b05.01པའི་རྒྱན་ཅེས་བྱ་བ་མངོན་པར་ཤེས་པའི་ཡེ་ཤེས་འགྲོ་བ་ཐམས་ཅད་ཡོངས་སུ་འགྲེལ་བ་ལ་བརྩོན་པ་སྟེ་བརྒྱད་པའོ། །ཀྱེ་རྒྱལ་བའི་སྲས་དག་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་བདག་མེད་པར་རབ་
D44.036.0364b06.01ཏུ་ཤེས་སོ། །ཆོས་ཐམས་ཅད་རིག་མེད་པར་རབ་ཏུ་ཤེས་སོ། །ཆོས་ཐམས་ཅད་འོང་བ་མེད་པར་རབ་ཏུ་ཤེས་སོ། །ཆོས་ཐམས་ཅད་འབྲལ་བ་མེད་པར་རབ་ཏུ་ཤེས་སོ། །ཆོས་ཐམས་ཅད་བྱེ་བྲག་མེད་པར་རབ་ཏུ་ཤེས་སོ། །ཆོས་ཐམས་ཅད་ཐ་དད་པ་མེད་པར་རབ་ཏུ་ཤེས་སོ། །ཆོས་
D44.036.0364b07.01