完整藏文原文 · 德格版页 当前仅加载第 36 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ཐམས་ཅད་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་བཞིན་གཤེགས་པའི་སྐུ་ཆགས་པ་མི་མངའ་བའི་རྒྱན་དང་ལྡན་པ་དུས་གསུམ་མཚུངས་པར་མཉམ་པར་འཇིག་རྟེན་གྱི་ཁམས་འབྱམ་ཀླས་པ་
D44.036.0287a01.01ཐམས་ཅད་ཀུན་ཏུ་ཁྱབ་པ་ཆོས་ཀྱི་དབྱིངས་ཁོངས་སུ་ཆུད་པ། འགྲོ་བ་ཐམས་ཅད་ཀྱི་བསམ་པ་ཇི་ལྟ་བ་བཞིན་དུ་རྣམ་པར་དམིགས་པ་འདི་ལ་ལྟོས་ཤིག་དང་དེ་ལ་འཇིག་རྟེན་གྱི་ཁམས་འབྱམ་ཀླས་པ་ཐམས་ཅད་ཀྱང་གཟུགས་བརྙན་དུ་གྱུར་
D44.036.0287a02.01པར་སྣང་ངོ་། །དེ་བཞིན་གཤེགས་པ་འབྱམ་ཀླས་པ་ཐམས་ཅད་ཀྱང་གཟུགས་བརྙན་དུ་གྱུར་པར་སྣང་ངོ་། །བྱང་ཆུབ་སེམས་དཔའ་འབྱམ་ཀླས་པ་ཐམས་ཅད་ཀྱང་གཟུགས་བརྙན་དུ་གྱུར་པར་སྣང་ངོ་། །སེམས་ཅན་གྱི་ཁམས་འབྱམ་
D44.036.0287a03.01ཀླས་པ་ཐམས་ཅད་ཀྱང་གཟུགས་བརྙན་དུ་གྱུར་པར་སྣང་ངོ་། །ལམ་གྱི་རྒྱུད་འབྱམ་ཀླས་པ་ཐམས་ཅད་ཀྱང་གཟུགས་བརྙན་དུ་གྱུར་པར་སྣང་ངོ་། །ཀྱེ་རྒྱལ་བའི་སྲས་དག་དེ་བས་ན་ཁྱོད་ཀྱིས་རང་གི་ལུས་ཀུན་ཏུ་ལྟ་བའི་{མྱིག་,མིག་}དང་ལྡན་
D44.036.0287a04.01པར་བྱིན་གྱིས་རློབས་ལ་ཤེས་རབ་ཀྱི་མིག་ནམ་མཁའི་དབྱིངས་ཀྱིས་ཀླས་པར་བྱིན་གྱིས་རློབ་སྟེ། ཡེ་ཤེས་ཡངས་པའི་མིག་དམིགས་པ་ཐམས་ཅད་ཀྱི་རྗེས་སུ་སོང་ལ་ཁོང་དུ་ཆུད་པར་གྱིས་ལ་ཕྱོགས་འབྱམ་ཀླས་པ་ཐམས་ཅད་དུ་དེ་བཞིན་
D44.036.0287a05.01གཤེགས་པ་ཐམས་ཅད་བྱིན་གྱིས་རློབ་སྟེ། དེ་བཞིན་གཤེགས་པའི་སྐུ་ཐམས་ཅད་དུ་མི་གནས་པ་འདི་ལ་གནས་པ་ཐམས་ཅད་ཡོངས་སུ་བསྩལ་བའི་ལྟ་བས་ལྟོས་ཤིག །མངོན་པར་ཞེན་པ་ཐམས་ཅད་ལས་གྱེན་དུ་འཕགས་པ་དང་
D44.036.0287a06.01སྲིད་པ་ཐམས་ཅད་ལ་མངོན་པར་ཞེན་པ་མེད་པ་དང་ཤིན་ཏུ་ཕྲ་བའི་ཚུལ་གྱིས་སྟོབས་བཅུའི་སྟོབས་ཡོངས་སུ་ནོན་པ་དང་། དམིགས་པ་ཆུང་ངུ་ལ་རྒྱ་ཆེན་པོར་འཇུག་པའི་བལྟ་བས་ལྟོས་ཤིག །དེ་ནས་བྱང་ཆུབ་སེམས་དཔའ་དེ་དག་གིས་
D44.036.0287a07.01