完整藏文原文 · 德格版页 当前仅加载第 36 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་དབྱིངས་ཚད་མེད་པར་སོང་བའི་བྱང་ཆུབ་སེམས་དཔའ་འབྱུང་བ་ཐམས་ཅད་མཉམ་པ་ཉིད་ལ་གནས་ཤིང་ཡོངས་སུ་བསྔོའོ། ཆོས་ཀྱི་དབྱིངས་ཚད་མེད་པར་སོང་བའི་བྱང་ཆུབ་སེམས་དཔའི་ཡོངས་སུ་སྨིན་པར་བྱ་བ་དང་། འདུལ་བ་ཐམས་ཅད་མཉམ་པ་ཉིད་
D44.036.0160b01.01ལ་གནས་ཤིང་ཡོངས་སུ་བསྔོའོ། །ཆོས་ཀྱི་དབྱིངས་ཚད་མེད་པར་སོང་བའི་བྱང་ཆུབ་སེམས་དཔའི་འཁོར་ཐམས་ཅད་མཉམ་པ་ཉིད་ལ་གནས་ཤིང་ཡོངས་སུ་བསྔོའོ། །ཆོས་ཀྱི་དབྱིངས་ཚད་མེད་པར་སོང་བའི་ཆོས་ཐམས་ཅད་མི་གཉིས་པའི་དབྱིངས་
D44.036.0160b02.01མཉམ་པ་ཉིད་ལ་གནས་ཤིང་ཡོངས་སུ་བསྔོའོ། །ཆོས་ཀྱི་དབྱིངས་ཚད་མེད་པར་སོང་བའི་དེ་བཞིན་གཤེགས་པའི་དཀྱིལ་འཁོར་ཐམས་ཅད་མཉམ་པ་ཉིད་ལ་གནས་ཤིང་ཡོངས་སུ་བསྔོའོ། །དེ་དེ་ལྟར་ཡོངས་སུ་བསྔོ་བས་ཆོས་ཀྱི་དབྱིངས་ཚད་མེད་པ་དང་།
D44.036.0160b03.01མཉམ་པའི་ལུས་ཡོངས་སུ་དག་པ་ཀུན་ནས་གནས་པར་འགྱུར་རོ། །ཆོས་ཀྱི་དབྱིངས་ཚད་མེད་པ་དང་མཉམ་པའི་ངག་ཡོངས་སུ་དག་པ་ཀུན་ནས་གནས་པར་འགྱུར་རོ། །ཆོས་ཀྱི་དབྱིངས་ཚད་མེད་པ་དང་མཉམ་པའི་སེམས་ཡོངས་སུ་དག་པ་ཀུན་ནས་གནས་
D44.036.0160b04.01པར་འགྱུར་རོ། །ཆོས་ཀྱི་དབྱིངས་ཚད་མེད་པ་དང་མཉམ་པའི་བྱང་ཆུབ་སེམས་དཔའི་ཆོས་སྤྱོད་པ་དང་སྨོན་ལམ་ཡོངས་སུ་དག་པ་ཀུན་ནས་གནས་པར་འགྱུར་རོ། །ཆོས་ཀྱི་དབྱིངས་ཚད་མེད་པ་དང་མཉམ་པའི་འཁོར་གྱི་དཀྱིལ་འཁོར་
D44.036.0160b05.01ཡོངས་སུ་དག་པ་ཀུན་ནས་གནས་པར་འགྱུར་རོ། །ཆོས་ཀྱི་དབྱིངས་ཚད་མེད་པ་དང་མཉམ་པའི་ཆོས་ཐམས་ཅད་བསྟན་པ་དང་བརྗོད་པས་བྱང་ཆུབ་སེམས་དཔའ་ཐམས་ཅད་གོ་བར་བྱ་བ་ཡོངས་སུ་དག་པ་ཀུན་ནས་གནས་པར་འགྱུར་རོ། །ཆོས་ཀྱི་དབྱིངས་
D44.036.0160b06.01ཚད་མེད་པ་དང་མཉམ་པའི་འཇིག་རྟེན་གྱི་ཁམས་ཐམས་ཅད་མ་ལུས་པར་ཆོས་ཀྱི་དབྱིངས་ལ་ཡང་དག་པར་གཞོལ་བའི་ཚུལ་གྱིས་ལུས་འབྱམ་ཀླས་པ་རྗེས་སུ་འགྲོ་བ་ཀུན་ནས་གནས་པར་འགྱུར་རོ། །ཆོས་ཀྱི་དབྱིངས་ཚད་མེད་པ་དང་མཉམ་པའི་
D44.036.0160b07.01