完整藏文原文 · 德格版页 当前仅加载第 36 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལྟར། །དེ་བཞིན་འཁོར་འདི་ཁྱོད་ཀྱི་ཚིག་ལ་སྡོད། །དེ་བས་ཤིན་ཏུ་བློ་ཡངས་པས། །རྡུལ་མེད་རྣམས་ལས་ཡི་དམ་པ་འཇུག་པ་ཤོད། །ཆགས་མེད་སྟོབས་བཅུའི་ཚོགས་གྱུར་པ། །བདེ་གཤེགས་སྤྱོད་པ་མ་ལུས་བཤད་
D44.036.0173a01.01པར་མཛོད། །དེ་ནས་དེའི་ཚེ་བཅོམ་ལྡན་འདས་ཤཱཀྱ་ཐུབ་པའི་མཛོད་སྤུ་ནས། བྱང་ཆུབ་སེམས་དཔའི་སྟོབས་སྣང་བ་ཞེས་བྱ་བའི་འོད་ཟེར་འཁོར་གྱི་འོད་ཟེར་བརྒྱ་སྟོང་གྲངས་མེད་པ་དང་ལྡན་པ་བྱུང་ངོ་། །དེ་བྱུང་ནས་ཕྱོགས་བཅུ་ཐམས་ཅད་ཀྱི་འཇིག་རྟེན་
D44.036.0173a02.01གྱི་ཁམས་འབྱམ་ཀླས་པ་ཐམས་ཅད་མ་ལུས་པར་སྣང་བར་བྱས་ནས། སེམས་ཅན་ཐམས་ཅད་ཀྱི་ངན་སོང་གི་སྡུག་བསྔལ་ཐམས་ཅད་རྩེ་ཟིལ་བར་བྱས་ཏེ། བདུད་ཀྱི་ཁྱིམ་ཐམས་ཅད་ཟིལ་གྱིས་མནན་ནས། དེ་བཞིན་གཤེགས་པ་ཐམས་ཅད་
D44.036.0173a03.01ཀྱི་འཁོར་གྱི་དཀྱིལ་འཁོར་སྣང་བར་བྱས་ཏེ། སངས་རྒྱས་ཀྱི་ཡུལ་གྱི་རྣམ་པ་བསམ་གྱིས་{མྱི་,མི་}ཁྱབ་པའི་མཐུ་བསྟན་ནས། ཕྱོགས་བཅུ་ཐམས་ཅད་ཀྱི་འཇིག་རྟེན་གྱི་ཁམས་འབྱམ་ཀླས་པ་ཐམས་ཅད་དུ་དེ་བཞིན་གཤེགས་པ་ཐམས་ཅད་ཀྱི་འཁོར་
D44.036.0173a04.01གྱི་དཀྱིལ་འཁོར་དུ་ཆོས་བསྟན་པའི་བྱིན་གྱི་རླབས་ཀྱིས་བྱིན་དུ་བརླབས་པའི་བྱང་ཆུབ་སེམས་དཔའི་ལུས་སྣང་བར་བྱས་ཏེ། སངས་རྒྱས་ཀྱི་རྣམ་པར་འཕྲུལ་བ་བསམ་གྱིས་མི་ཁྱབ་པ་བསྟན་ནས། སྟེང་གི་བར་སྣང་ལ་འོད་ཟེར་སྟུག་པོའི་སྤྲིན་གྱི་དྲ་
D44.036.0173a05.01བའི་ཁང་པ་བརྩེགས་པ་ཆེན་པོར་བྱས་ཏེ་འདུག་གོ །དེ་བཞིན་དུ་སངས་རྒྱས་བཅོམ་ལྡན་འདས་དེ་དག་གི་མཛོད་སྤུ་དག་ནས་ཀྱང་བྱང་ཆུབ་སེམས་དཔའི་འོད་སྣང་བ་ཞེས་བྱ་བའི་འོད་ཟེར་འཁོར་གྱི་འོད་ཟེར་གྲངས་{མྱེད་,མེད་}པ་དང་ལྡན་པ་དག་བྱུང་བར་གྱུར་ཏོ། །བྱུང་ནས་ཀྱང་དེ་དག་
D44.036.0173a06.01གིས་ཕྱོགས་བཅུ་ཐམས་ཅད་དུ་འཇིག་རྟེན་གྱི་ཁམས་འབྱམ་ཀླས་པ་ཀུན་ཏུ་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་ཆོས་བསྟན་པའི་བྱིན་གྱིས་བྱིན་དུ་བརླབས་པའི་བྱང་ཆུབ་སེམས་དཔའ་རྣམས་སྣང་བར་བྱས་ཏེ། སངས་རྒྱས་ཀྱི་རྣམ་པར་
D44.036.0173a07.01