完整藏文原文 · 德格版页 当前仅加载第 36 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པའི་སྟོབས་བཅུ་ཐ་མི་དད་ཅིང་མ་ཉམས་པ་དང་ལྡན་ཏེ་དཔེ་བྱད་བཟང་པོ་བརྒྱད་ཅུས་རྣམ་པར་བྲིས་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་དེ་བཞིན་གཤེགས་པའི་སྐུ་རབ་ཏུ་ཐོབ་པས་མཐའ་ལས་འདས་པ་ཚད་
D44.036.0058b01.01མེད་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་བདུད་ཐམས་ཅད་ཀྱི་དཀྲུགས་མ་རབ་ཏུ་འཇོམས་པས་ཀུན་ཏུ་ཁྱབ་པའི་སྤྱོད་ལམ་དང་ལྡན་ཞིང་ཐུབ་པ་མེད་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་འདས་པ་དང་། མ་བྱོན་
D44.036.0058b02.01པ་དང་། ད་ལྟར་བྱུང་བའི་སངས་རྒྱས་ཐམས་ཅད་དང་ལུས་གཅིག་པར་གྱུར་ཅིག །སེམས་ཅན་ཐམས་ཅད་ནམ་མཁའི་དབྱིངས་ཀུན་ཏུ་ཆོས་ཀྱི་སྐུས་ཁྱབ་པར་བྱེད་པའི་ཕྱིར་ཆགས་པ་མེད་པའི་ལུས་མངོན་པར་གྲུབ་པར་གྱུར་ཅིག །སེམས་ཅན་ཐམས་
D44.036.0058b03.01ཅད་འགྲོ་བ་ཐམས་ཅད་ཤོང་བའི་ལུས་དང་ལྡན་ཞིང་བྱང་ཆུབ་ཀྱི་ལུས་དམ་པ་དང་ལྡན་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་མཁྱེན་པར་དམིགས་པའི་སེམས་དང་ལྡན་པ། སློང་བ་ལ་ཤ་དང་རྐང་ཡོངས་སུ་གཏོང་བའི་ཚེ་
D44.036.0058b04.01དགེ་བའི་རྩ་བ་དེ་དག་སེམས་ཅན་ཐམས་ཅད་ཀྱིས་སངས་རྒྱས་ཀྱི་སྐུ་མཐའ་ལས་འདས་པ་ཚད་མེད་པ་རྣམ་པར་དག་པ་རབ་ཏུ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་རྒྱུད་ལ་
D44.036.0058b05.01བསླབས་པའི་སེམས་དང་ལྡན་པ་སྦྱིན་པ་ཐམས་ཅད་བྱིན་པས་སྤྱོད་པའི་སེམས་དང་ལྡན་པ་སྦྱིན་པའི་ཕ་རོལ་ཏུ་ཕྱིན་པ་ཆེན་པོ་ཐོབ་པའི་སེམས་དང་ལྡན་པ། ཕ་རོལ་ཏུ་འགྲོ་བའི་སྦྱིན་པ་གྲུབ་པའི་སེམས་དང་ལྡན་པ། བྱང་ཆུབ་སེམས་དཔའ་ཐམས་
D44.036.0058b06.01ཅད་ཀྱི་བྱིན་པའི་རྗེས་སུ་བསླབས་པའི་སེམས་དང་ལྡན་པ་སྦྱིན་པ་དང་། ཡོངས་སུ་གཏོང་བ་ཐམས་ཅད་ཀྱིས་ཟད་མི་ཤེས་པའི་སེམས་དང་ལྡན་པ། སྦྱིན་པའི་གནས་ཐམས་ཅད་ལ་ཤིན་ཏུ་གནས་པའི་སེམས་དང་ལྡན་པ། བྱང་ཆུབ་སེམས་དཔའ་ཐམས་
D44.036.0058b07.01