完整藏文原文 · 德格版页 当前仅加载第 36 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
ཉམས་པ་མེད་པར་བྱ་བའི་ཕྱིར། སེམས་བསྐྱེད་པ་མཐའ་དང་དབུས་མེད་པ་དང་། འདི་ལྟ་སྟེ། སངས་རྒྱས་ཐམས་ཅད་ཀྱི་རྣམ་པར་འཕྲུལ་པའི་བྱེ་བྲག་ཐ་དད་པ་རྣམ་པར་དབྱེ་བ་ལ་མཁས་པར་ཁོང་དུ་ཆུད་
D44.036.0299a01.01པ་བསྐྱེད་པའི་ཕྱིར་སེམས་བསྐྱེད་པ་མཐའ་དང་དབུས་མེད་པ་དང་། འདི་ལྟ་སྟེ། དེ་བཞིན་གཤེགས་པ་རྣམས་ཀྱི་བྱང་ཆུབ་ཀྱི་མཚམས་སྦྱར་བའི་སྟོབས་ལ་འཇུག་པར་བྱ་བའི་ཕྱིར། སེམས་བསྐྱེད་པ་མཐའ་དང་དབུས་མེད་པ་
D44.036.0299a02.01དང་། འདི་ལྟ་སྟེ་ཐམས་ཅད་མཁྱེན་པའི་སྟོབས་མཐའ་ཡས་པས་ཤིན་ཏུ་ཕྲ་བར་དམིགས་ཤིང་། ཡོངས་སུ་མནན་པའི་སངས་རྒྱས་ཀྱི་ཆོས་རབ་ཏུ་བསྟན་པའི་ཕྱིར་སེམས་བསྐྱེད་པ་མཐའ་དང་དབུས་མེད་པ་དང་། འདི་ལྟ་
D44.036.0299a03.01སྟེ། སངས་རྒྱས་ཀྱི་ཁྱུ་མཆོག་གི་མཐུ་བསམ་གྱིས་མི་ཁྱབ་ཅིང་འབྱམ་ཀླས་པ་ལ་འཇུག་པ་དང་ཁོང་དུ་ཆུད་པར་བྱ་བའི་ཕྱིར། སེམས་བསྐྱེད་པ་མཐའ་དང་དབུས་མེད་པ་དང་། འདི་ལྟ་སྟེ་སངས་རྒྱས་ཀྱི་ཐ་དད་པ་ཡང་དག་
D44.036.0299a04.01པར་མཁྱེན་པ་མངོན་དུ་བྱ་བར་ལྷག་པའི་བསམ་པ་ཡང་དག་པར་གཏང་ཞིང་སངས་རྒྱས་ཀྱི་ཆོས་ཐམས་ཅད་ཡང་དག་པར་བླང་བའི་ཕྱིར། སེམས་བསྐྱེད་པ་མཐའ་དང་དབུས་མེད་པ་དང་། འདི་ལྟ་སྟེ། དེ་བཞིན་གཤེགས་
D44.036.0299a05.01པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་འཇུག་ཅིང་། ལུས་སྣ་ཚོགས་ཀྱི་བྱིན་གྱི་རླབས་ཡང་དག་པར་བསྟན་པའི་ཕྱིར། སེམས་བསྐྱེད་པ་མཐའ་དང་དབུས་མེད་པ་སྟེ། ཀྱེ་རྒྱལ་བའི་སྲས་དག །བཅུ་པོ་དེ་དག་ནི་བྱང་
D44.036.0299a06.01ཆུབ་སེམས་དཔའ་རྣམས་ཀྱི་སེམས་བསྐྱེད་པ་མཐའ་དང་དབུས་མེད་པའོ། །ཀྱེ་རྒྱལ་བའི་སྲས་དག །བཅུ་པོ་འདི་རྣམས་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་གྱི་བྱེ་བྲག་ལ་འཇུག་པའི་
D44.036.0299a07.01