完整藏文原文 · 德格版页 当前仅加载第 36 函德格 362b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་འཇུག་གོ །བརྡ་ལ་འཇུག་པ་ཐམས་ཅད་རབ་ཏུ་ཤེས་སོ། །སྤྱོད་པ་རྣམ་པར་དགོད་པ་ཐམས་ཅད་རབ་ཏུ་ཤེས་སོ། །སྐད་རྣམ་པར་དབྱེ་བ་ཐམས་ཅད་རབ་ཏུ་ཤེས་སོ། །སྐད་རྣམ་པ་ཐ་དད་པ་རྒྱ་མཚོ་ཐམས་ཅད་ལ་རབ་ཏུ་འཇུག་སྟེ།
D44.036.0362b01.01དེ་ཇི་ལྟ་ཇི་ལྟར་འཇིག་རྟེན་གྱི་ཁམས་ལ་འཇུག་པ་དེ་ལྟ་དེ་ལྟར་སེམས་ཅན་གྱི་ཁམས་ལ་འཇུག་གོ །ཇི་ལྟ་ཇི་ལྟར་སེམས་ཅན་གྱི་ཁམས་ལ་འཇུག་པ་དེ་ལྟ་དེ་ལྟར་སྐད་རྣམ་པར་ཕྱེ་བ་ཐམས་ཅད་ཁོང་དུ་ཆུད་པར་བྱེད་དེ། དེ་ལ་སེམས་ཅན་
D44.036.0362b02.01གཞན་གྱི་སྐད་ཀྱིས་རྨོངས་པར་འགྱུར་བ་མེད་དོ། །འདི་ལྟ་སྟེ་དཔེར་ན། ལྷའི་བུ་ཉི་མ་ནི་ཤར་མ་ཐག་ཏུ་གཟུགས་རྣམ་པར་ཕྱེ་བའི་རྒྱུད་ཐམས་ཅད་སྣང་བར་བྱེད་དོ། །དེ་ནས་{མྱིག་,མིག་}དང་ལྡན་པ་རྣམས་གཟུགས་དེ་དང་དེ་དག་མཐོང་བས་མཚན་
D44.036.0362b03.01མ་ཡོངས་སུ་འཛིན་ཏོ། །དེ་བཞིན་དུ་བྱང་ཆུབ་སེམས་དཔའ་ཡང་སྐད་ཀྱི་སྤྲིན་རྣམ་པར་ཕྱེ་བ་ཐམས་ཅད་ལ་འཇུག་སྟེ། སྐད་ཐམས་ཅད་མངོན་པར་ཤེས་པའི་ཡེ་ཤེས་ཀྱི་སྐད་དང་དབྱངས་ཀྱི་ཚུལ་མཁས་པ་ལ་འཇུག་ཅིང་ཁོང་དུ་ཆུད་པར་བྱེད་དོ། །
D44.036.0362b04.01ཀྱེ་རྒྱལ་བའི་སྲས་དག་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་སྐད་ཀྱི་ཚུལ་ཐམས་ཅད་ལ་མཁས་པ་ཞེས་བྱ་བ་སྟེ། ཡེ་ཤེས་ཀྱི་མངོན་པར་ཤེས་པ་བདུན་པའོ། །ཀྱེ་རྒྱལ་བའི་སྲས་དག་གཞན་ཡང་བྱང་ཆུབ་སེམས་དཔའ་
D44.036.0362b05.01སེམས་དཔའ་ཆེན་པོ་ཆོས་ཐམས་ཅད་ཁ་དོག་དང་བྲལ་བར་རབ་ཏུ་ཤེས་ཏེ། ཐ་མི་དད་པའི་ཁ་དོག་དང་། རྣམ་པ་མེད་པའི་ཁ་དོག་དང་། བྱེ་བྲག་མེད་པའི་ཁ་དོག་དང་། རྣམ་པར་དབྱེ་བ་མེད་པའི་ཁ་དོག་དང་། སྔོན་པོ་མེད་པའི་ཁ་དོག་དང་།
D44.036.0362b06.01སེར་པོ་མེད་པའི་ཁ་དོག་དང་། དཀར་པོ་མེད་པའི་ཁ་དོག་དང་། ནག་པོ་མེད་པའི་ཁ་དོག་དང་། དམར་པོ་མེད་པ་ཡང་རབ་ཏུ་ཤེས་ཏེ། དེ་དེ་བས་ཀྱང་ཆོས་ཀྱི་དབྱིངས་ལ་འཇུག་པར་བྱེད་པའི་ཚེ་རང་གི་ལུས་ཁ་དོག་སྣ་ཚོགས་དང་ལྡན་པར་
D44.036.0362b07.01