完整藏文原文 · 德格版页 当前仅加载第 36 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་བསྔོ་བ་ཆོས་ཀྱི་དབྱིངས་ཚད་{མྱེད་,མེད་}པ་ཞེས་བྱ་བ་བཅུ་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་སྨྲ་བ་ཆེན་པོར་གྱུར་པས་དྲི་མ་མེད་པའི་གོ་འཕང་ཐོབ་པ། ཆོས་ཀྱི་མཛོད་
D44.036.0141a01.01ཀྱི་སྦྱིན་པ་རབ་ཏུ་བྱིན་ཞིང་། སྙིང་རྗེ་ཆེན་པོ་དང་ལྡན་པས་བྱམས་པ་ཆེན་པོ་ཐོབ་ཅིང་། བྱང་ཆུབ་ཀྱི་སེམས་ལ་སེམས་ཅན་རབ་ཏུ་དགོད་པར་བརྩོན་པ། སེམས་ཅན་གྱི་དོན་ལ་ཞུགས་པས་བྱང་ཆུབ་ཀྱི་སེམས་རྒྱུན་མི་ཆད་པར་དགེ་བའི་རྩ་བ་ཉེ་བར་{སྩོགས་,སོགས་}པ་
D44.036.0141a02.01སེམས་ཅན་ཐམས་ཅད་ཀྱི་ཁ་ལོ་སྒྱུར་བས་འགྲོ་བ་ཐམས་ཅད་ལ་ཐམས་ཅད་མཁྱེན་པའི་ལམ་ཡང་དག་པར་སྟོན་པ། འགྲོ་བ་ཐམས་ཅད་ལ་ཆོས་ཀྱི་ཉི་མ་དམ་པར་གྱུར་པས་དགེ་བའི་རྩ་བ་ཚད་{མྱེད་,མེད་}པས་འཇིག་རྟེན་ཐམས་ཅད་སྣང་བར་བྱེད་པ།
D44.036.0141a03.01འགྲོ་བ་ཐམས་ཅད་ལ་སེམས་རབ་ཏུ་མཉམ་པས་སེམས་ཅན་ཐམས་ཅད་ཀྱི་དགེ་བའི་རྩ་བ་མངོན་པར་འདུ་བྱེད་པ་རྒྱུན་མི་གཅོད་པ། ཡེ་ཤེས་ལ་དབང་སྒྱུར་ཞིང་སེམས་རྣམ་པར་དག་པས་དགེ་བའི་རྩ་བའི་ལས་ཐམས་ཅད་ཉམས་པ་མེད་པར་སྒྲུབ་
D44.036.0141a04.01པ། ཡེ་ཤེས་ཆེན་པོས་འགྲོ་བ་ཐམས་ཅད་ཀྱི་དེད་དཔོན་ཏུ་གྱུར་པས། སེམས་ཅན་ཐམས་ཅད་ལ་བདེ་བའི་ལམ་ཡང་དག་པར་སྟོན་པ། དགེ་བའི་རྩ་བའི་ཆོས་བསྐྱེད་པ་ཐམས་ཅད་ལ་སེམས་ཅན་ཐམས་ཅད་ཀྱི་སྔུན་འདྲེན་པ། སེམས་ཅན་ཐམས་ཅད་ཀྱི་དགེ་
D44.036.0141a05.01བའི་རྩ་བ་དབྱེར་མི་ཕྱེད་པར་གྱུར་པས་འགྲོ་བ་ཐམས་ཅད་ཀྱི་དགེ་བའི་རྩ་བ་སྤེལ་བ་ལ་ཞུགས་པ། །དམ་པའི་ཆོས་སྦྱིན་པ་སྔོན་དུ་གཏོང་བས་ཆོས་དཀར་པོ་ཐམས་ཅད་ཡང་དག་པར་རྩོམ་པ་ཐམས་ཅད་མཁྱེན་པ་ཉིད་དུ་སེམས་བསྐྱེད་པས་ཡོངས་སུ་བཟུང་བའི་ལྷག་པའི་
D44.036.0141a06.01བསམ་པས་སྟོབས་དང་ཤུགས་ཀྱི་ཕ་རོལ་ཏུ་ཕྱིན་པ་ཐོབ་པ། །ལྷག་པའི་བསམ་པ་ཤིན་ཏུ་བརྟན་པ་ལས་བྱུང་བའི་བྱང་ཆུབ་ཀྱི་སེམས་བསྐྱེད་པ་ཡང་དག་པར་བསྒྲུབ་པས་ཉེ་བར་སྟོན་པའི་སྤྱོད་པ་མཐུ་ཆེན་པོའི་སེམས་དང་ལྡན་པས་བྱང་ཆུབ་ཏུ་སེམས་བསྐྱེད་པ་ལ་
D44.036.0141a07.01