完整藏文原文 · 德格版页 当前仅加载第 36 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་ཉིད་ཀྱི་རང་བཞིན་ཅི་འདྲ་བ། །དེ་འདྲར་ལས་རྣམས་ཀུན་ཀྱང་ཡོངས་སུ་བསྔོ། །དེ་དག་མཐའ་ཡས་ལས་ལ་རབ་ཞུགས་ཤིང་། །དེ་བཞིན་ཉིད་དེ་ཇི་ལྟར་མཐའ་ཡས་ཏེ། །དེ་ལ་ཆགས་དང་བཅིངས་པ་མེད་པ་ལྟར། །
D44.036.0120a01.01དེ་ལྟར་ལས་རྣམས་ཤིན་ཏུ་དག་པར་བྱེད། །དེ་ལྟར་རྒྱལ་སྲས་ཤིན་ཏུ་མཁས་པ་དག །བསམ་པས་མི་གཡོ་ཤིན་ཏུ་བརྟན་ཐོབ་པ། །ཡེ་ཤེས་སྟོབས་ལྡན་ཚུལ་ལ་མཁས་གྱུར་པ། །དེ་དག་རྒྱལ་བའི་མཛོད་ཀྱི་ཚུལ་ལ་ཞུགས། །དེ་དག་ཚུལ་གྱི་
D44.036.0120a02.01རྒྱལ་པོའི་ཚུལ་ཤེས་པས། །དེ་ལ་ཆགས་དང་བཅིངས་པ་མེད་པའི་ཕྱིར། །ཆགས་མེད་སེམས་ནི་འཇུག་པར་མི་འགྱུར་ཏེ། །འཇུག་པར་བྱེད་པའང་གང་ཡང་དམིགས་པ་མེད། །ཆོས་ཀྱི་ལུས་ནི་རབ་ཏུ་ཐོབ་བྱས་ཤིང་། །འགྲོ་བ་ཀུན་ལས་
D44.036.0120a03.01མཚན་ཉིད་ཇི་བཞིན་པ། །ཆོས་ཉིད་དེ་ལ་མཚན་ཉིད་མེད་གསུངས་པ། །དེ་འདྲའི་མཚན་ཉིད་ཆོས་ལ་རབ་ཏུ་ཞུགས། །དེ་ལྟར་དེ་དག་འགྲོགས་པ་བསམ་མི་ཁྱབ། །དེ་ལ་སེམས་ནི་ལྷག་མ་མེད་པར་བྱེད། །བསམ་ཡས་ཆོས་རྣམས་ཀུན་ལ་རབ་ཏུ་
D44.036.0120a04.01ཞུགས། །སེམས་ནི་སེམས་མིན་རྣམ་པར་དབེན་པ་ཤེས། །དེ་དག་ཆོས་དབེན་ཉིད་ལ་འཇུག་བྱེད་ཅིང་། །དེ་ལྟར་ཆོས་ཉིད་རྗེས་སུ་སེམས་པ་བྱེད། །གཡོ་དང་རློམ་སེམས་ཐམས་ཅད་འགགས་པ་སྟེ། །དེ་ཕྱིར་ཡོན་ཏན་རྣམ་པར་གྲགས་པ་ཡིན། །
D44.036.0120a05.01དེ་དག་རྣམ་སྨིན་ཐམས་ཅད་མ་ལུས་པར། །ཡེ་ཤེས་རྒྱས་བཏབ་ཟད་པར་མི་འགྱུར་ཏེ། །དེ་ནི་མི་ཟད་མི་ཟད་ཉིད་ཀྱི་དངོས། །མི་ཟད་མཐའ་ཡི་ཚུལ་དང་འགལ་བ་མེད། །བསམ་པ་ལུས་ཀྱི་ཕྱི་རོལ་ཡོད་པ་མིན། །སེམས་ནི་ནང་ན་འང་
D44.036.0120a06.01ཡོད་པ་མ་ཡིན་ཏེ། །དུས་རྣམས་གང་ནའང་སེམས་ནི་ཡོད་པ་མིན། །རློམ་སེམས་རློམ་ཆོས་མེད་པས་ཞི་བར་འགྱུར། །དེ་འདྲའི་སྨོན་ལམ་ལྡན་པ་རྒྱལ་སྲས་རྣམས། །ཆོས་ཀྱི་རང་བཞིན་ཞི་བ་སྟོང་པ་སྟེ། །ཆོས་རྣམས་མ་ལུས་ཐམས་ཅད་གཡོ་
D44.036.0120a07.01