德格《甘珠尔》D44

ཤ་དང་སེན་མོ་ཡོངས་སུ་གཏོང་བ་འམ། ཆོས་ཤིན་ཏུ་དཀོན་པ་ཚོལ་ཞིང་མྱེས་གང་བའི་འོབས་{མྱི་,མི་}འགྲེང་ལག་ཏག་བདུན་དུ་མཆོད་པར་བྱེད་པ་འམ། ཆོས་བསྲུང་བའི་ཕྱིར་སྡུག་བསྔལ་མྱོང་བ་ཐམས་ཅད་ཀྱང་རང་གི་ལུས་ཀྱིས་བཟོད་པར་བྱེད་པ་འམ། ཆོས་ཚོལ་ཞིང་ཆོས་ཀྱི་ཚིག་

དང་། ཡི་གེ་འབྲུ་གཅིག་གི་ཕྱིར་ཡང་རྒྱ་མཚོའི་མཐར་ཐུག་པའི་ས་ཆེན་པོ་ཡོངས་སུ་གཏོང་བ་འམ། ཆོས་ཐམས་ཅད་ཀྱི་དབང་ཕྱུག་བྱེད་པ་འམ། {མྱི་,མི་}དགེ་བའི་ཆོས་ལས་སེམས་ཅན་རྣམས་བཟློག་སྟེ། དགེ་བའི་ཆོས་ལ་རབ་ཏུ་སྦྱོར་བ་འམ། སྐྱེས་བུའི་མཚན་གཅོད་

པ་མཐོང་ནས། སྡིག་པའི་ལས་དེ་དག་ལས་སེམས་ཅན་དེ་དག་རྣམ་པར་བཟློག་པར་བྱེད་པ་འམ། དེ་བཞིན་གཤེགས་པ་མངོན་པར་སངས་རྒྱས་པར་འཇིག་རྟེན་ཐམས་ཅད་དུ་སྒྲོག་ཅིང་གཙུག་ལག་ཁང་དང་ཕོ་བྲང་གི་ལོངས་སྤྱོད་ཀྱི་ཕྱིར་ས་དང་ཁམས་ཡོངས་སུ་གཏོང་བ་འམ།

རིམ་གྲོ་བྱ་བའི་ཕྱིར་བྲན་དང་ལས་བྱེད་པའི་{མྱི་,མི་}རྣམས་གཏོང་བ་འམ། སློང་བ་ལ་རིམ་གྲོ་བྱ་བའི་ཕྱིར་བདག་ཉིད་འབུལ་བ་འམ། ཆོས་ལ་དད་པས་དགའ་ཞིང་མགུ་བའི་སེམས་རྙེད་ནས། རང་གི་ལུས་ཀྱིས་དེ་བཞིན་གཤེགས་པ་ལ་རིམ་གྲོ་བྱེད་པ་འམ། བདག་ཉིད་

སེམས་ཅན་ཐམས་ཅད་ལ་གཏོང་བ་འམ། སངས་རྒྱས་ཐམས་ཅད་ལ་རིམ་གྲོ་བྱ་བའི་ཕྱིར་རྒྱལ་སྲིད་ཡོངས་སུ་གཏོང་བ་འམ། སློང་བ་རྣམས་ལ་ཅི་རིགས་སུ་ཡུལ་དང་མྱིར་བཅས་པ་འམ། གྲོང་ཁྱེར་དང་རྒྱལ་པོའི་ཕོ་བྲང་ངམ་རྒྱན་ཐམས་ཅད་ཀྱིས་བརྒྱན་པ་

ཡོངས་སུ་གཏོང་བ་འམ། སློང་བ་ལ་བུ་དང་བུ་མོ་དང་ཆུང་མ་དག་ཡོངས་སུ་གཏོང་བ་འམ། སློང་བ་རྣམས་ལ་ཅི་རིགས་སུ་ཁྱིམ་ཐམས་ཅད་ཡོངས་སུ་སྦྱིན་ཞིང་གཏོང་བ་འམ། བཟའ་ཤིང་གི་ར་བ་སྦྱིན་པ་འམ། སློང་བ་སྣ་ཚོགས་དང་ལེན་པ་སྣ་ཚོགས་དང་།

སེམས་ཅན་སྣ་ཚོགས་དང་། གང་ཟག་སྣ་ཚོགས། སེམས་སྣ་ཚོགས་དང་ལྡན་པ་ལ་ཕྱོགས་ཐ་དད་པ་ནས་འོངས་པ་ཚད་ལས་འདས་པའི་{མྱི་,མི་}དང་། {མྱི་,མི་}སྣ་ཚོགས་དང་སྦྱིན་པའི་གནས་སྣ་ཚོགས་ལ་མཆོད་སྦྱིན་བྱེ་བ་ཁྲག་ཁྲིག་བརྒྱ་སྟོང་དུ་མ་གྲངས་{མྱེད་,མེད་}