完整藏文原文 · 德格版页 当前仅加载第 36 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བའི་སྲས་དག །འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་པོར་གྱུར་ཏེ། སྲིད་ཆེན་པོ་ཐོབ་ནས་འཚེ་བ་དང་ཕྱིར་རྒོལ་བ་བཅོམ་སྟེ། རྒྱལ་པོ་ཆེན་པོར་གྲགས་པ་དང་། སྲིད་ཆེན་པོའི་ཁམས་ལ་གནས་ཤིང་། སྲིད་ཡོངས་པ་ལ་དབང་བར་གྱུར་
D44.036.0021b01.01ནས། འཁོན་{མྱེད་,མེད་}ཅིང་ལྟོད་པ་མེད་པར་སྲིད་ལ་གནས་པ། ཆོས་ཀྱི་རྒྱལ་སྲིད་སྐྱོང་བར་བྱེད་པ། ཆོས་དང་མཐུན་པ། ཆོས་ཀྱི་རྗེས་སུ་སྙེགས་པ། ཕུན་སུམ་ཚོགས་པའི་སྲིད་ཆེན་པོ་ཐོབ་པ། ས་ཆེན་པོ་ལ་གདུགས་གཅིག་ཏུ་གྱུར་པ། འཁོར་ལོ་ཐོགས་པ་
D44.036.0021b02.01{མྱེད་,མེད་}པས་སྐྱོད་པ། དྲི་མ་{མྱེད་,མེད་}པའི་ཐབས་ཐོབ་པ། སྲིད་པ་ཕ་རོལ་ཀྱི་སྡེས་གཙེ་བ་{མྱེད་,མེད་}པ། ཆོས་དང་ལྡན་པ། དབྱིག་པ་{མྱེད་,མེད་}པ་དང་། མཚོན་ཆ་{མྱེད་,མེད་}པས་འགྲོ་བ་རྣམས་ཤིན་ཏུ་སྐྱོང་བ། ཆོས་ཀྱི་རྗེས་སུ་ཞུགས་ཤིང་བསྡུ་བའི་དངོས་པོ་བཞིས་འགྲོ་བ་
D44.036.0021b03.01སྡུད་པ། འཁོར་ལོས་སྒྱུར་བའི་རྒྱལ་པོར་གྱུར་པ། འགྲོ་བ་ཐམས་ཅད་ལ་མཛོད་ཀྱིས་ཤིན་ཏུ་སྟོབ་པ་དེ་དབང་ཕྱུག་དེ་ལྟ་བུ་ལ་གནས་ཤིང་དེ་ལྟ་བུའི་ཆོས་ལ་གནས་པ། གཡོག་དང་འཁོར་མང་པོ་ཤིན་ཏུ་འདུས་པ་གཟུགས་དང་ལྡན་པ། འགྲོ་བ་ཐམས་ཅད་
D44.036.0021b04.01ལྟ་བས་མི་ངོམས་པ། ཡིད་ལ་ཁ་ན་མ་ཐོ་བ་{མྱེད་,མེད་}པ། བསོད་ནམས་རྣམ་པར་དག་པ་དང་ལྡན་པ། ཟིལ་གྱིས་མི་ནོན་པའི་མཚན་དང་ལྡན་པ། ལུས་ཤིན་ཏུ་རྣམ་པར་ཕྱེ་བ་མཛེས་པ་དང་ལྡན་པ། བལྟ་ན་བཟང་བ་ཚུལ་དང་མཐུན་པའི་ལུས་དང་ལྡན་པ། །
D44.036.0021b05.01སྟོབས་དང་ལྡན་པ། ཐུབ་པ་{མྱེད་,མེད་}པའི་ལུས་དང་ལྡན་པ། སྟོབས་ཆེན་པོ་དང་ལྡན་པ། མཐུ་བོ་ཆེའི་ལུས་ཀྱིས་བཟུང་བ། རྣམ་པར་དག་པའི་ལས་དང་ལྡན་པ། བསྒྲིབས་པ་{མྱེད་,མེད་}པའི་ལས་རྣམ་པར་དག་པ་དང་ལྡན་པ་དེ། ཟས་ཡོངས་སུ་གཏོང་བ་འམ། བཏུང་
D44.036.0021b06.01བ་འམ། རོ་འམ་བཞོན་པ་འམ། གོས་སམ། མེ་ཏོག་གམ། ཕྲེང་བ་འམ། སྤོས་སམ། བྱུག་པ་འམ། མལ་ཆའམ། གནས་སམ། རྒྱབ་རྟེན་ནམ། མར་མེ་འམ། སྒྲོན་མ་འམ། ནད་ཀྱི་རྐྱེན་སྨན་ནམ་ཡོ་བྱད་རྣམས་སྦྱིན་པ་འམ།
D44.036.0021b07.01