完整藏文原文 · 德格版页 当前仅加载第 36 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་གྱེན་དུ་འཕགས་ཤིང་བདག་གི་མེད་པའི་ལུས་རབ་ཏུ་ཐོབ་པར་གྱུར་ཅིག །སེམས་ཅན་ཐམས་ཅད་ལུས་འཕོས་པ་མེད་པར་ལུས་ཡང་དག་པར་སྟོན་ཅིང་། སངས་རྒྱས་ཀྱི་ཞིང་ཐམས་ཅད་དུ་ལུས་རྣམ་པར་བཀྲམ་
D44.036.0075a01.01པར་གྱུར་ཅིག །སེམས་ཅན་ཐམས་ཅད་བདག་གི་མེད་ཅིང་ཡོངས་སུ་འཛིན་པ་མེད་པར་འགྲོ་བས་གཞན་ལ་རག་ལས་པ་མེད་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་བླ་ན་མེད་པའི་ལུས་ཀྱི་རིགས་དང་ལྡན་ཞིང་སངས་རྒྱས་ཀྱི་སྐུར་མངོན་
D44.036.0075a02.01པར་སྐྱེས་པར་གྱུར་ཅིག །སེམས་ཅན་ཐམས་ཅད་བཟོད་པའི་སྟོབས་ཀྱིས་སེམས་ལ་ཐུབ་པ་མེད་ཅིང་ཆོས་ཀྱི་སྟོབས་དང་ལྡན་པའི་ལུས་ཅན་དུ་གྱུར་ཅིག །སེམས་ཅན་ཐམས་ཅད་དེ་བཞིན་གཤེགས་པའི་སྐུ་རྣམ་པར་དག་པར་ཡོངས་སུ་རྫོགས་པས་
D44.036.0075a03.01འདྲ་བ་མེད་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་{དམྱིགས་,དམིགས་}པ་མེད་པའི་དབྱིངས་སུ་བྱུང་བས་འཇིག་རྟེན་ལས་འདས་པའི་བསོད་ནམས་ཀྱི་ལུས་དང་ལྡན་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་
D44.036.0075a04.01པོས་དེ་བཞིན་གཤེགས་པ་ལ་རང་གི་ལུས་ཕུལ་བས་ཡང་དག་པར་བསྡུས་པའི་དགེ་བའི་རྩ་བ་དེ་དག་ཅི་ནས་ཀྱང་སེམས་ཅན་གྱི་ཁམས་ཐམས་ཅད་དུས་གསུམ་གྱི་དེ་བཞིན་གཤེགས་པའི་རིགས་དང་རྒྱུད་དུ་ཡང་དག་པར་འགྲུབ་པར་འགྱུར་བར་བྱ་བའི་ཕྱིར་
D44.036.0075a05.01སེམས་ཅན་ཐམས་ཅད་ལ་ཡོངས་སུ་བསྔོའོ། འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ། སེམས་ཅན་ཐམས་ཅད་ལ་འགྲོ་བ་ཀུན་གྱི་དགེ་བའི་རྩ་བ་ལྟར་ཕན་འདོགས་པས་བདག་ཉིད་ཡོངས་སུ་གཏོང་བ་དང་། སེམས་ཅན་
D44.036.0075a06.01ཐམས་ཅད་ཀྱི་དགེ་བའི་རྩ་བ་ལ་ཡང་དག་པར་སེམས་པ་དང་། མར་མེ་ལྟ་བུར་བདག་སེམས་ཅན་རྣམས་ལ་བསྙེན་པ་དང་། བདེ་བ་ལྟ་བུར་བདག་སེམས་ཅན་ཐམས་ཅད་ལ་བྱིན་གྱིས་རློབ་པ་དང་། ཆོས་ཀྱི་གཞི་ལྟ་བུར་བདག་འགྲོ་བ་
D44.036.0075a07.01