完整藏文原文 · 德格版页 当前仅加载第 36 函德格 306a 版页；藏文 NFD、目录标记与异常页序保留在来源切片中，重复版页行以稳定序号区分。
མི་རྟོག་གོ །རྣམ་པར་མི་རྟོག་གོ །ཆོས་ཐམས་ཅད་ལ་ཉམས་པ་མེད་པར་གཞོལ་བས་བྱམས་པའི་མངོན་པར་ཤེས་པ་དང་ལྡན་པ་ཡིན། ཏིང་ངེ་འཛིན་གྱི་མངོན་པར་ཤེས་པ་དང་ལྡན་པ་ཡིན། ཀྱེ་རྒྱལ་བའི་སྲས་དག །
D44.036.0306a01.01འདི་ལྟ་སྟེ་དཔེར་ན། ལྷའི་བུ་ཉི་མ་ནི་ཉིན་པར་སྣང་བར་བྱེད་ཅིང་འགྲོ་ཡང་། ཉིན་པར་དང་ཡང་འགྲོགས་པ་མེད། མཚན་མོ་དང་ཡང་མི་འགྲོགས་སོ། །འགྲོ་བའི་ཚེ་འང་ཉིན་མོར་སྣང་ལ། ནུབ་ནས་
D44.036.0306a02.01ཀྱང་མཚན་མོར་སྣང་ངོ་། །འོན་ཀྱང་ཉིན་པར་ཡང་སྐྱེད་པ་མེད་ལ་མཚན་མོ་ཡང་གཤིག་པ་མེད་དོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འཇིག་རྟེན་གྱི་ཁམས་གྲངས་མེད་པ་དག་ཏུ་སྙོམས་པར་ཞུགས་ཤིང་།
D44.036.0306a03.01གྲངས་སུ་བརྗོད་པས་རྣམ་པར་སྟོན་ཏོ། །ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་རྒྱ་ཆེན་པོ་ལ་མཁས་པའི་ཡེ་ཤེས་ཞིང་འབྱམ་ཀླས་པ་གཅིག་ནས་གཅིག་ཏུ་བརྒྱུད་པའི་རྗེས་སུ་སོང་བ་
D44.036.0306a04.01ཞེས་བྱ་བ་སྟེ་གསུམ་པའོ། །ཀྱེ་རྒྱལ་བའི་སྲས་དག །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་སེམས་ཅན་གྱི་ལུས་སངས་རྒྱས་ཀྱི་སྐུར་མངོན་པར་མོས་པར་བྱེད་དེ། དེས་དེ་བཞིན་གཤེགས་པ་ཤིན་ཏུ་མང་
D44.036.0306a05.01པོ་མཐོང་བས་འཇིག་རྟེན་གྱི་ཁམས་གྲངས་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་དེ་བཞིན་གཤེགས་པ་དེ་དག་ལ་སྤོས་ཀྱི་རྣམ་པའི་མཆོག་ཐམས་ཅད་ཀྱིས་མཆོད་པ་བྱེད་དོ། །མེ་ཏོག་སྣ་ཚོགས་ཡིད་དུ་འོང་བ་ཐམས་ཅད་ཀྱིས་མཆོད་པ་བྱེད་དོ། །ཞིང་ཡངས་
D44.036.0306a06.01པའི་རྣམ་པ་སངས་རྒྱས་ཀྱི་ཞིང་གྲངས་མེད་པའི་རྡུལ་ཤིན་ཏུ་ཕྲ་བ་སྙེད་ཀྱིས་མཆོད་པ་བྱེད་དོ། །རྒྱན་གྱི་རྣམ་པར་འགྲོ་བ་ཐམས་ཅད་ལས་ཤིན་ཏུ་འདས་པ་ཐམས་ཅད་ཀྱིས་མཆོད་པ་བྱེད་དོ། །འགྲོ་བ་ཐམས་ཅད་ཀྱི་རིན་པོ་ཆེ་སྣ་ཚོགས་ཚད་མེད་པས་ཀུན་ཏུ་
D44.036.0306a07.01