完整藏文原文 · 德格版页 当前仅加载第 36 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་རྣམས་ལ་ཡང་དེ་དག་གནས་མི་འཆའ། །ཚེ་དང་ཆོས་ཀྱིས་རློམ་སེམས་མི་བྱེད་དེ། །འཇིག་རྟེན་དག་ན་རྣམ་པར་རྟོག་མི་བྱེད། །ཕྱོགས་བཅུའི་འཇིག་རྟེན་དག་ན་ཇི་ཡོད་པའི། །འགྲོ་བ་དེ་དག་མ་ལུས་ཀུན་བསྡུས་ཤིང་། །དངོས་པོ་དངོས་མེད་
D44.036.0012b01.01ཆོས་ལ་དབང་བསྒྱུར་འཇུག །དེ་དག་ཐམས་ཅད་མ་ལུས་དུས་སུ་བསྔོ། །འདུས་བྱས་འདུས་མ་བྱས་ཀྱི་ཆོས་བླངས་ཤིང་། །འཇིག་རྟེན་འདི་ལ་རྣམ་པར་རྟོག་མི་བྱེད། །ཇི་ལྟར་འཇིག་རྟེན་དེ་བཞིན་ཆོས་རྣམས་ཏེ། །དེ་ལྟར་འཇིག་རྟེན་སྒྲོན་མ་རྣམ་པར་དག །ཇི་
D44.036.0012b02.01སྙེད་ལས་རྣམས་ཡང་དག་རྩོམ་པ་གང་། །རབ་དང་འབྲིང་དང་དེ་བཞིན་ཐ་མ་རྣམས། །དེ་དག་ཕྱོགས་བཅུའི་འཇིག་རྟེན་མཁྱེན་པ་རྣམས། །ཇི་སྙེད་བཞུགས་ལ་ཡོངས་སུ་བསྔོ་བ་བྱེད། །དེ་དག་ཡོངས་སུ་བསྔོ་བའི་མཐར་ཕྱིན་པ། །སངས་རྒྱས་མཆོག་རྗེས་བསླབ་
D44.036.0012b03.01བྱ་བསླབས་པ་རྣམས། །ཡེ་ཤེས་དམ་པ་རྗེས་སུ་སེམས་བྱེད་ཅིང་། །མི་ཡི་དམ་པའི་ཆོས་རྣམས་རབ་ཏུ་འཐོབ། །སེམས་ཅན་ཕན་པའི་དོན་དུ་རྟག་ཞུགས་ཤིང་། །འགྲོ་བ་ཀུན་ཏུ་འཇིག་རྟེན་སྒྲོན་མ་བཞིན། །ཕྱོགས་རྣམས་ཀུན་ཏུ་མ་ལུས་གྱུར་ཅིག
D44.036.0012b04.01ཅེས། །དགེ་བ་དེ་དག་ཡོངས་སུ་བསྔོ་བ་བྱེད། །དེ་དག་སེམས་ཅན་རྣམ་པར་རྟོག་མི་བྱེད། །ཆོས་ལའང་རྣམ་པར་རྟོག་པ་མི་བྱེད་དེ། །འཇིག་རྟེན་གྱིས་ཀྱང་རློམ་སེམས་{མྱེད་,མེད་}པ་ཡིན། །འགྲོ་བ་ཀུན་ནས་ཕྱིར་ཡང་མི་ལྡོག་གོ །བརྟན་པ་དེ་དག་ཞི་རབ་རབ་ཏུ་
D44.036.0012b05.01ཞི། །དེ་དག་མྱ་ངན་འདས་པའི་སྤྱོད་ཡུལ་ཐོབ། །སེམས་ཅན་རྒྱུད་ན་འང་མི་སྤྱོད་མ་ཡིན་ཏེ། །འདི་འདྲའི་ཡེ་ཤེས་དམ་པ་ཁོང་དུ་ཆུད། །དེ་དག་ནམ་ཡང་རྟོག་དང་རྣམ་རྟོག་མེད། །རྣམ་པར་སྨྱིན་ལ་འང་དེ་དག་གནས་མི་འཆའ། །འཇིག་རྟེན་ཐམས་ཅད་
D44.036.0012b06.01རྒྱུ་དང་བཅས་པས་ན། །ཆོས་རྣམས་རྒྱུ་མེད་པར་ཡང་ལྟ་མ་ཡིན། །དེ་དག་སྤྱོད་ཡུལ་འདི་འདྲ་ཐོབ་པ་སྟེ། །དེ་ལ་རྟོག་དང་རྣམ་པར་རྟོག་པ་བྱེད། །བློ་མཆོག་དེ་དག་འགྲོ་ཀུན་ཁ་ལོ་སྒྱུར། །ཡེ་ཤེས་ཚུལ་ལ་མཁས་པས་ཡོངས་སུ་བསྔོ། །ཐམས་
D44.036.0012b07.01