完整藏文原文 · 德格版页 当前仅加载第 36 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་ན་སངས་རྒྱས་ཀྱི་ཡུལ་གྱི་རྒྱན་རྣམ་པ་ཐམས་ཅད་དང་ལྡན་པ་བརྗོད་དུ་མེད་པའི་བར་དུ་སྟོན་ཏོ། །འདོད་ན་འཇིག་རྟེན་གྱི་ཁམས་བརྗོད་དུ་མེད་པ་དག་ན་རྡུལ་ཤིན་ཏུ་ཕྲ་བ་ཇི་སྙེད་ཡོད་པ་དེ་སྙེད་ཀྱི་ལུས་སྐད་ཅིག་ཡུད་ཙམ་ཐང་ཅིག་ཏུ་ཤིན་ཏུ་
D44.036.0270b01.01སྤྲུལ་པ་བྱེད་དོ། །ལུས་རེ་རེ་ལ་ཡང་དེ་སྙེད་ཀྱི་ལག་པ་ཡོངས་སུ་སྟོན་ཏེ། ལག་པ་དེ་དག་གིས་ཀྱང་ཕྱོགས་བཅུར་སངས་རྒྱས་མཆོད་པ་རབ་ཏུ་བྱེད་དེ། ལག་པ་རེ་རེས་ཀྱང་མེ་ཏོག་གི་ཕུང་པོ་ཆུ་ཀླུང་གང་གཱའི་བྱེ་མ་སྙེད་སངས་རྒྱས་
D44.036.0270b02.01བཅོམ་ལྡན་འདས་དེ་དག་ལ་མངོན་པར་འཐོར་རོ། །མེ་ཏོག་ཇི་ལྟ་བ་དེ་བཞིན་དུ་སྤོས་དང་། ཕྲེང་བ་དང་བྱུག་པ་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། བ་དན་དང་། དེ་བཞིན་དུ་རྒྱན་ཐམས་
D44.036.0270b03.01ཅད་ཀྱང་ཡོངས་སུ་འབུལ་ལོ། །ལུས་རེ་རེ་ལ་ཡང་དེ་སྙེད་ཀྱི་མགོ་བྱིན་གྱིས་རློབ་ཅིང་མགོ་རེ་རེ་ལ་ཡང་དེ་སྙེད་ཀྱི་ལྕེ་བྱིན་གྱིས་བརླབས་ཏེ། དེ་དག་གིས་ཀྱང་སངས་རྒྱས་བཅོམ་ལྡན་འདས་དེ་དག་གི་ཡོན་ཏན་ཤིན་ཏུ་བརྗོད་པ་བྱེད་དོ། །སེམས་བསྐྱེད་པ་
D44.036.0270b04.01རེ་རེ་ལ་ཡང་ཕྱོགས་བཅུ་རྒྱས་པར་ཁྱབ་པར་འགྲོ་སྟེ། སེམས་བསྐྱེད་པ་ཙམ་གྱིས་ཀྱང་མངོན་པར་རྫོགས་པར་བྱང་ཆུབ་པ་ཚད་མེད་པ་ནས། མྱ་ངན་ལས་འདས་པ་ཆེན་པོ་རྒྱན་གྱི་བར་དུ་བྱིན་གྱིས་རློབ་བོ། །དུས་གསུམ་གྱི་ལུས་ཆད་མེད་པ་ཡང་བྱིན་གྱིས་
D44.036.0270b05.01རློབ་སྟེ། རང་གི་ལུས་ལ་སངས་རྒྱས་བཅོམ་ལྡན་འདས་ཆད་མེད་པ་རྣམས་ཀྱི་སངས་རྒྱས་ཀྱི་ཞིང་གི་ཡོན་ཏན་དང་རྒྱན་ཚད་མེད་པ་བྱིན་གྱིས་རློབ་བོ། །འཇིག་རྟེན་གྱི་ཁམས་འཇིག་པ་དང་། འདུ་བ་ཐམས་ཅད་ཀྱང་རང་གི་ལུས་ལ་བྱིན་གྱིས་རློབ་བོ། །རླུང་
D44.036.0270b06.01གི་དཀྱིལ་འཁོར་ཐམས་ཅད་ཀྱང་བ་སྤུའི་ཁུང་བུ་གཅིག་ནས་གཏོང་སྟེ། སེམས་ཅན་རྣམས་ལ་ཡང་གནོད་པར་མི་བྱེད་དོ། །འདོད་ན་ཆུའི་ཕུང་པོ་ཡན་ཅད་འཇིག་རྟེན་གྱི་ཁམས་གཅིག་བྱིན་གྱིས་རློབ་བོ། །དེར་ཡང་པད་མོ་ཆེན་པོ་བྱིན་གྱིས་རློབ་བོ། །
D44.036.0270b07.01