完整藏文原文 · 德格版页 当前仅加载第 36 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཞིང་གི་རྒྱན་བྱུང་བ་དང་། གང་ཇི་སྙེད་དུ་དེ་བཞིན་ཉིད་ཀྱི་གོ་སྐབས་ཐམས་ཅད་ཀྱི་སྔོན་གྱི་མུའི་བསྐལ་པའི་མཐར་གྱུར་པ། ས་མཚམས་མེད་པའི་སངས་རྒྱས་ཀྱི་རིགས་མཐའ་ཡས་པ་དང་། དེ་བཞིན་གཤེགས་པ་
D44.036.0014a01.01ཐམས་ཅད་ཀྱི་ཡེ་ཤེས་ཀྱིས་ཐུགས་སུ་ཆུད་པ། བྱང་ཆུབ་སེམས་དཔའི་བསམ་པས་རྣམ་པར་ཤེས་པ། བྱང་ཆུབ་སེམས་དཔའི་སེམས་ཀྱིས་ཡང་དག་པར་བཟུང་བ་དག་ཏུ་སངས་རྒྱས་ཀྱི་ཞིང་གི་རྒྱན་ཡོངས་སུ་དག་པ་བྱུང་བ་དང་། གང་ཡང་ལས་དང་རྒྱུ་འཐུན་པའི་འབྲས་བུའམ། གང་
D44.036.0014a02.01ཡང་སྤྱོད་པ་ལས་ཡང་དག་པར་བྱུང་བ་འམ། གང་ཡང་སེམས་ཅན་བསྒྲལ་བར་བྱ་བའི་ཚོགས་རྣམ་པར་བསྟན་པ་འམ། གང་ཡང་ཤིན་ཏུ་མོས་པ་རྣམ་པར་དག་པ་འམ། གང་ཡང་དེ་བཞིན་གཤེགས་པའི་བྱིན་གྱི་རླབས་ཀྱིས་ཤེས་པར་བྱ་བ་འམ། གང་ཡང་སངས་རྒྱས་ཀྱི་རྣམ་པར་འཕྲུལ་
D44.036.0014a03.01བ་ཡང་དག་པར་བསྟན་པ་འམ། གང་ཡང་བྱང་ཆུབ་སེམས་དཔའི་ས་རྣམས་སུ་རྣམ་པར་རིག་པ་འམ། གང་ཡང་དེ་བཞིན་གཤེགས་པའི་ཕྲིན་ལས་འཇིག་རྟེན་ལས་འདས་པས་བྱུང་བ་འམ། གང་ཡང་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་འབྱམ་ཀླས་པས་བྱུང་བ་འམ། གང་
D44.036.0014a04.01ཡང་མངོན་པར་འཚང་རྒྱ་བའི་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་བྱུང་བ་འམ། ཕྱི་མའི་མཐའི་བསྐལ་པར་མངོན་པར་འཚང་རྒྱ་བ་རྒྱུན་ཆད་པ་མེད་པའི་འཇིག་རྟེན་གྱི་ཁམས་ཀྱི་ཚུལ་ཐམས་ཅད་ཤིན་ཏུ་བསྟན་པ། ནམ་མཁའི་དབྱིངས་ཀྱིས་ཀླས་པ་ཆོས་ཀྱི་དབྱིངས་ཀྱི་མཐས་གཏུགས་པ་
D44.036.0014a05.01འཇིག་རྟེན་གྱི་ཁམས་ཐམས་ཅད་འབྱམ་ཀླས་པ་མ་འོངས་པའི་དུས་མཐའ་ཡས་པའི་རིགས་སུ་བསྟན་པ་མ་འོངས་པའི་ལམ་གྱི་རྒྱུད་རྣམ་པ་ཐ་དད་པ་གྲངས་མེད་པ་བརྗོད་པ། མ་འོངས་པའི་དུས་རྒྱུན་ཆད་པ་མེད་ཅིང་ས་མཚམས་ཀྱི་མཐའ་མེད་པ། དེ་བཞིན་གཤེགས་པའི་ཡེ་ཤེས་ཀྱིས་མངོན་པར་བསྒྲུབས་པས་
D44.036.0014a06.01ཐུགས་སུ་ཆུད་པ། མ་འོངས་པའི་དུས་ཀྱི་སྐད་ཅིག་རྒྱུན་ཆད་པ་མེད་པ། ཆོས་ཀྱི་དབྱིངས་དང་། འཇིག་རྟེན་གྱི་ཁམས་དང་། བསྐལ་པ་གཅིག་ནས་གཅིག་ཏུ་བརྒྱུད་པ་ཐམས་ཅད་མཐའ་ཡས་པ་དང་། དེ་བཞིན་གཤེགས་པའི་སྟོབས་ཀྱིས་མངོན་པར་འཚང་རྒྱ་བ་ཚད་མེད་པར་གྱུར་པ་དང་།
D44.036.0014a07.01