完整藏文原文 · 德格版页 当前仅加载第 36 函德格 329a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི་རྒྱ་མཚོ་ལ་ཞེན་པར་འགྲོའོ། །ཇི་ལྟར་ཆུ་ཀླུང་ཆེན་པོ་སིན་དྷུ་གླང་གི་ཁ་གསེར་གྱི་ཁ་དོག་ཏུ་འདུག་པ་ནས་གསེར་གྱི་བྱེ་མ་འདྲེན་ཅིང་འབབ་པ་དེ་བཞིན་དུ་བྱང་ཆུབ་སེམས་དཔའི་ངེས་པའི་ཚིག་ཐ་དད་པ་ཡང་དག་པར་ཤེས་པ་
D44.036.0329a01.01སེམས་ཅན་གྱི་ཚོགས་ཐམས་ཅད་ཁོང་དུ་ཆུད་པར་བྱེད་ཅིང་འགལ་བ་མེད་པ་དང་། འགྲོ་བ་ཐམས་ཅད་ཚིམ་པར་བྱེད་པ། ཤིན་ཏུ་འགྲོ་བ་ཡང་ཚུལ་རྣམ་པར་དག་པའི་ཡན་ལག་གིས་ཡོངས་སུ་སྨིན་པར་བྱ་བ་དང་། འདུལ་བ་ལ་
D44.036.0329a02.01རྟག་ཏུ་བརྩོན་པར་འབབ་སྟེ། རྟེན་ཅིང་འབྲེལ་བར་བྱུང་བའི་ཚུལ་གྱི་རྒྱ་མཚོ་ལ་ཞེན་པར་འགྲོའོ། །ཇི་ལྟར་ཆུ་ཀླུང་ཆེན་པོ། པཀྴུ་རྟའི་ཁ་བཻ་ཌཱུརྱ་སྔོན་པོའི་ཁ་དོག་དུ་འདུག་པ་ནས། བཻ་ཌཱུཪྻ་སྔོན་པོའི་བྱེ་མ་འདྲེན་ཅིང་འབབ་པ་དེ་བཞིན་
D44.036.0329a03.01དུ་བྱང་ཆུབ་སེམས་དཔའི་སྤོབས་པ་ཐ་དད་པ་མི་ཟད་པ་ཡང་ཆོས་བརྗོད་དུ་མེད་པ་བྱེ་བ་ཁྲག་ཁྲིག་བརྒྱ་སྟོང་རབ་ཏུ་སྣང་བར་བྱ་བ་དང་། དམ་པའི་ཆོས་ཀྱི་ཆུ་ཀླུང་རྒྱུན་དུ་འབབ་པར་བྱ་བའི་ཀླུང་རབ་ཏུ་བསྐྱེད་པར་བྱེད་ཅིང་ཆོས་ཐམས་ཅད་ཀྱི་རྒྱ་མཚོ་ལས་
D44.036.0329a04.01གཞོལ་བར་འབབ་སྟེ། བྱང་ཆུབ་སེམས་དཔའ་ཐམས་ཅད་ཀྱི་ཆོས་རྒྱ་མཚོ་ལ་ཞེན་པར་འགྲོའོ། །ཇི་ལྟར་ཆུ་ཀླུང་ཆེན་པོ་བཞི་པོ་དེ་དག་གིས་མཚོ་ཆེན་པོ་མ་དྲོས་པ་ལ་གཡས་ཕྱོགས་སུ་བསྐོར་བ་བྱས་ཏེ། ཕྱོགས་བཞི་ནས་རྒྱ་མཚོ་ལ་ཞེན་པར་
D44.036.0329a05.01འདོད་པ་དེ་བཞིན་དུ། བྱང་ཆུབ་སེམས་དཔའི་ཡང་ལུས་ཀྱི་ལས་མཐུན་པ་དང་ལྡན་པ་ཡིན། ངག་གི་ལས་མཐུན་པ་དང་ལྡན་པ་ཡིན། ཡིད་ཀྱི་ལས་མཐུན་པ་དང་ལྡན་པ་ཡིན། མཐུན་པའི་ཡེ་ཤེས་སྔོན་དུ་འགྲོ་བ་དང་ལྡན་པ་ཡིན། ཇི་ལྟར་དེ་དག་
D44.036.0329a06.01ཕྱོགས་བཞི་ནས་རྒྱ་མཚོ་ཆེན་པོ་ལ་ཞེན་པར་འདོད་པ་དེ་བཞིན་དུ། བྱང་ཆུབ་སེམས་དཔའ་ཡང་ཕྱོགས་བཞི་ནས་ཐམས་ཅད་མཐོང་བའི་ཡེ་ཤེས་ཀྱི་རྒྱ་མཚོ་ལ་ཞེན་པར་འགྲོ་བ་ཡིན་ཏེ། བཞི་གང་ཞེ་ན། འདི་ལྟ་སྟེ། སངས་རྒྱས་རྣམ་པར་དམིགས་
D44.036.0329a07.01