完整藏文原文 · 德格版页 当前仅加载第 36 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། སངས་རྒྱས་ལྟ་བ་དང་མི་འབྲལ་བར་གྱུར་ཅིག །སེམས་ཅན་ཐམས་ཅད་སངས་རྒྱས་ཐམས་ཅད་ལྟ་བ་ཡིད་ལ་བྱ་བ་དང་། མ་བྲལ་ཞིང་སངས་རྒྱས་བལྟ་བར་བརྩོན་པའི་ཡིད་དང་ལྡན་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཀྱི་གསུང་དང་།
D44.036.0070b01.01ཆོས་ཀྱི་མཛོད་ཡང་དག་པར་འཛིན་ཅིང་ཡེ་ཤེས་སྒོམ་པ་ཤིན་ཏུ་མང་བར་གྱུར་ཅིག །སེམས་ཅན་ཐམས་ཅད་ཆོས་ཉན་པ་དང་མི་འབྲལ་ཞིང་བསྐལ་པ་ཐམས་ཅད་དུ་བྱང་ཆུབ་སེམས་དཔའི་སྤྱོད་པ་ལ་ཡང་དག་པར་གནས་པའི་ཕྱིར། སངས་རྒྱས་
D44.036.0070b02.01ཀྱི་ཆོས་ཀྱི་སྒྲ་འབྱིན་པར་གྱུར་ཅིག །སེམས་ཅན་ཐམས་ཅད་སངས་རྒྱས་འབྱུང་བ་ཐམས་ཅད་མཐོང་ཞིང་ཡེ་ཤེས་ཡང་དག་པར་གཟུང་བའི་ཕྱིར། དྲན་པ་ཉེ་བར་གཞག་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཡིད་ལ་བྱ་བ་དང་མཆོད་
D44.036.0070b03.01པར་བྱ་བའི་མཐུ་ལ་བརྩོན་ཞིང་ཡིད་ལ་བྱ་བ་ལས་གཞན་མེད་པར་གྱུར་ཅིག །སེམས་ཅན་ཐམས་ཅད་ནམ་མཁའི་དབྱིངས་ཀུན་ཏུ་སངས་རྒྱས་མཐོང་བའི་འབྱུང་གནས་ལ་ཞུགས་ཤིང་། ཕྱོགས་ཀུན་ཏུ་སངས་རྒྱས་མཐོང་བ་རབ་ཏུ་ཐོབ་པར་
D44.036.0070b04.01གྱུར་ཅིག །སེམས་ཅན་ཐམས་ཅད་འཇིག་རྟེན་གྱི་ཁམས་ཀུན་ཏུ་སངས་རྒྱས་འབྱུང་བ་བརྗོད་པ་ལ་བརྩོན་ཞིང་སངས་རྒྱས་ཀྱི་སྐུས་བྱིན་གྱིས་བརླབས་པར་གྱུར་ཅིག །སེམས་ཅན་ཐམས་ཅད་མོས་པ་དང་། དད་པ་མི་ཤིགས་པ་དང་།
D44.036.0070b05.01སྙིང་ཐག་པའི་བསམ་པས་སངས་རྒྱས་ཐམས་ཅད་དང་འགྲོགས་པར་གྱུར་ཏེ། དགེ་བའི་བཤེས་གཉེན་གྱིས་སངས་རྒྱས་ཀྱི་ཆོས་རྫོགས་པར་ཐོབ་པར་གྱུར་ཅིག །སེམས་ཅན་ཐམས་ཅད་སངས་རྒྱས་སྐྱེ་བ་དོན་ཡོད་པས་འགྲོ་བ་ཐམས་ཅད་རྣམ་
D44.036.0070b06.01པར་སྦྱང་བའི་ཕྱིར་སངས་རྒྱས་སྐྱེ་བ་ཐམས་ཅད་རབ་ཏུ་བརྗོད་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་སྐྱེ་བ་བརྗོད་པས་ཡང་དག་པར་བཟུང་བའི་དགེ་བའི་རྩ་བ་དེ་དག་སེམས་ཅན་ཐམས་ཅད་ཀྱིས་སངས་
D44.036.0070b07.01