完整藏文原文 · 德格版页 当前仅加载第 36 函德格 337a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་རྫོགས་པ། ཡུལ་ལ་ཐོགས་པ་མེད་པ། ཡེ་ཤེས་ཀྱི་རྣམ་པའི་འབྱུང་གནས་སུ་གྱུར་པ། འཇིག་རྟེན་ཐམས་ཅད་ལས་མངོན་པར་འཕགས་པ། སྐྱེ་བ་མེད་པ་ཡང་དག་པར་བྱུང་བ། རྣམ་པར་འཕྲུལ་པས་སྐྱེ་བ་
D44.036.0337a01.01ཀུན་ཏུ་སྟོན་པ། བྱིན་གྱི་རླབས་ཀྱི་ཡུལ་ལ་མཁས་པ། ཡོན་ཏན་མཆོག་གིས་རྣམ་པར་དག་པ། བསམ་པ་འོད་གསལ་བའི་སྙིང་པོ་ཅན། མོས་པ་ཤིན་ཏུ་དགེ་པས་ཡེ་ཤེས་ནམ་མཁའི་དབྱིངས་ཀུན་ནས་ཁེབས་པ་དང་ལྡན་པ།
D44.036.0337a02.01འཕགས་པའི་ཚོགས་ཀྱིས་བལྟ་བར་འོས་པ། སྨོན་ལམ་མངོན་དུ་གྱུར་པ། འདོད་པ་ཡོངས་སུ་རྫོགས། ཡོན་ཏན་བསྔགས་པ་ཟད་མི་ཤེས་པ། སངས་རྒྱས་ཐམས་ཅད་ཀྱི་ལྷག་མཐོང་གི་མཛོད་དུ་གྱུར་པ། སངས་རྒྱས་ཀྱི་བྱང་
D44.036.0337a03.01ཆུབ་ཀྱི་འབྱུང་གནས་རྒྱ་མཚོར་གྱུར་པ་ཡེ་ཤེས་རིན་པོ་ཆེ་ཐམས་ཅད་ཀྱིས་ཤིན་ཏུ་བརྒྱན་པ། ཡེ་ཤེས་ཀྱི་སྐྱེས་བུ་པུན་ད་རི་ཀར་བྱུང་བ། སེམས་ཅན་གྱི་དོན་མཐའ་དང་དབུས་མེད་པར་རབ་ཏུ་སྒྲུབ་པ། སངས་རྒྱས་ཀྱི་ཡེ་ཤེས་མུ་མེད་པ་ལ་
D44.036.0337a04.01ཞུགས་པའི་འོད་གཟེར་གྱིས་སྣང་བར་གྱུར་པ། ཡེ་ཤེས་ཀྱི་འོད་ཡོངས་སུ་སྣང་བ། ཆོས་རྣམ་པར་དག་པ་སྣང་བས་ཀུན་ཏུ་སྤྱོད་པ། ཤིན་ཏུ་དབེན་པའི་སྒོར་གྱུར་པ། སངས་རྒྱས་ཀྱི་ཆོས་ཐམས་ཅད་ལ་ཐོགས་པ་མེད་པར་དམིགས་པའི་ཡེ་
D44.036.0337a05.01ཤེས་ཀྱི་མཐར་ཐུག་པ། སངས་རྒྱས་ཐམས་ཅད་ཀྱི་བྱང་ཆུབ་ཀྱི་ཐབས་དང་ལྡན་པ། ཡོན་ཏན་གྱི་སྤྱོད་པ་ལས་བྱུང་བ། སྐྱེས་བུ་དམ་པ་བྱང་ཆུབ་སེམས་དཔའི་ཚུལ་རབ་ཏུ་ཤེས་པ། བྱང་ཆུབ་སེམས་དཔའི་བཙུན་སྤུ་
D44.036.0337a06.01ལ་རབ་ཏུ་གནས་པ། སངས་རྒྱས་ཐམས་ཅད་ཀྱིས་ཡང་དག་པར་དགོངས་པས། རབ་ཏུ་ཞུགས་པ། སངས་རྒྱས་ཀྱི་ཆོས་ཀྱི་སྐུའི་བྱིན་དང་། སྙིང་པོ་ཅན། དྲན་པ་བསམ་གྱིས་མི་ཁྱབ་པ་རྩེ་གཅིག་ཏུ་
D44.036.0337a07.01