完整藏文原文 · 德格版页 当前仅加载第 36 函德格 96a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་ཡང་དག་པར་གཞོག་པ། དགེ་བ་ཡོངས་སུ་བསྡུ་བ་ལ་ཡང་དག་པར་བརྩོན་པ། བྱང་ཆུབ་ཏུ་སེམས་བསྐྱེད་པའི་བྱིན་གྱི་རླབ་དང་ལྷག་པའི་བསམ་པ་རྡུལ་མེད་པས་ཡོངས་སུ་བཟུང་བ་དེ། དགེ་བའི་རྩ་བ་དེ་དག་
D44.036.0096a01.01སྤྱོད་པའི་ཚེ། །སེམས་འདི་ལྟར་བསྐྱེད་དེ་དགེ་བའི་རྩ་བ་བྱང་ཆུབ་ཏུ་སེམས་བསྐྱེད་པས་ཡང་དག་པར་བཟུང་བ་དང་། བྱང་ཆུབ་ཏུ་སེམས་བསྐྱེད་པས་བསམ་པ་དང་། བྱང་ཆུབ་ཏུ་སེམས་བསྐྱེད་པས་བསྟན་པ་དང་། བྱང་ཆུབ་ཏུ་སེམས་བསྐྱེད་པའི་
D44.036.0096a02.01བསམ་པ་ལས་བྱུང་བ་དང་། བྱང་ཆུབ་ཏུ་སེམས་བསྐྱེད་པས་ཕན་པ་ལ་ཞུགས་པ་དང་། འགྲོ་བ་ཐམས་ཅད་མ་ལུས་པ་ལ་སྙིང་བརྩེ་བར་བྱེད་པ་དང་། ཐམས་ཅད་མཁྱེན་པའི་སྤྱོད་ཡུལ་དུ་ཡང་དག་པར་བསྒྲུབས་པ་དང་། སྟོབས་བཅུ་ལ་དམིགས་པར་བརྩོན་པ་
D44.036.0096a03.01དང་། སྟོབས་བཅུའི་དབྱིངས་སུ་ཡང་དག་པར་བསྒྲུབས་པ་དང་། དགེ་བའི་རྩ་བའི་དབྱིངས་སུ་མངོན་པར་བསྒྲུབས་པ་དང་། དགེ་བའི་རྩ་བ་དེ་ལྟར་ཡང་དག་པར་བསྒྲུབས་པ། དེ་དག་ལས་རྣམ་པར་སྨྱིན་པར་གང་བྱུང་བ་དེ་ཕྱི་མའི་མཐའི་བསྐལ་
D44.036.0096a04.01པའི་མུར་ཐུག་པར་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། འགྲོ་བ་ཐམས་ཅད་ལ་ཡོངས་སུ་གཏང་བར་བྱ་བ་ཡོངས་སུ་གཏང་བའི་ཕྱིར་སེམས་ཅན་ཐམས་ཅད་ལ་ཡོངས་སུ་བསྔོ་སྟེ། སེམས་ཅན་གྱི་ཁམས་ཐམས་ཅད་ལས་སེམས་ཅན་གཅིག་ཀྱང་
D44.036.0096a05.01མ་ཆུད་པ་མེད་པར་བྱས་ཏེ། སེམས་ཅན་གཅིག་ལ་ཇི་ལྟ་བ་དེ་བཞིན་དུ་སེམས་ཅན་ཐམས་ཅད་མ་ལུས་པ་ལ་ཡང་ཡོངས་སུ་བསྔོ་བར་བྱེད་དེ། འདི་ལྟར་ཡོངས་སུ་བསྔོའོ། །འཇིག་རྟེན་གྱི་ཁམས་གྲངས་མེད་པ་རིན་པོ་ཆེས་ཡོངས་སུ་རྒྱས་པ་དང་།
D44.036.0096a06.01རིན་པོ་ཆེ་ཐམས་ཅད་ཀྱིས་ཆལ་པར་གང་བ་དང་། འཇིག་རྟེན་གྱི་ཁམས་གྲངས་མེད་པ་གོས་ཀྱིས་རྣམ་པར་དག་ཅིང་གོས་ཀྱིས་ཡོངས་སུ་གང་བ་དང་། འཇིག་རྟེན་གྱི་ཁམས་གྲངས་མེད་པ། སྤོས་ཐམས་ཅད་ཀྱིས་ཡིད་དུ་འོང་ཞིང་དྲི་ཞིམ་པོས་ཡོངས་སུ་རྒྱས་པ་དང་།
D44.036.0096a07.01