完整藏文原文 · 德格版页 当前仅加载第 36 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་གྱི་ཁམས་གྲངས་མེད་པ་རྒྱན་ཐམས་ཅད་ཀྱིས་རྣམ་པར་མཛེས་ཤིང་ལྷབ་ལྷུབ་ཀྱིས་ཡོངས་སུ་རྒྱས་པ་དང་། འཇིག་རྟེན་གྱི་ཁམས་གྲངས་མེད་པ་ནོར་བུ་རིན་པོ་ཆེ་མཐའ་ཡས་པ་ཁྱད་པར་དུ་འཕགས་ཤིང་ནོར་བུ་རིན་པོ་ཆེས་ཡོངས་སུ་
D44.036.0096b01.01རྒྱས་པ་དང་། འཇིག་རྟེན་གྱི་ཁམས་གྲངས་མེད་པ་མེ་ཏོག་སྣ་ཚོགས་ཀྱི་ཁ་དོག་དུ་མ་དང་ལྡན་པར་གྱུར་ཅིང་། མེ་ཏོག་ཐམས་ཅད་ཀྱིས་ཡོངས་སུ་རྒྱས་པ་དང་། འཇིག་རྟེན་གྱི་ཁམས་གྲངས་མེད་པ་ཁ་ཟས་ཞིམ་པོ་སྣ་ཚོགས་རྣམ་པ་ཐ་དད་པ་དང་ལྡན་
D44.036.0096b02.01ཞིང་ཁ་ཟས་ཞིམ་པོ་ཕུན་སུམ་ཚོགས་པ་དང་། འཇིག་རྟེན་གྱི་ཁམས་གྲངས་མེད་པ་གསེར་དང་དངུལ་དང་ནོར་གྱི་དབྱིག་གིས་དག་ཅིང་ནོར་གྱི་དབྱིག་གིས་ཡོངས་སུ་རྒྱས་པ་དང་། འཇིག་རྟེན་གྱི་ཁམས་གྲངས་མེད་པ་རིན་པོ་ཆེའི་བ་དན་སྣ་ཚོགས་ཀྱིས་
D44.036.0096b03.01བརྒྱན་ཅིང་ལྷ་རྫས་ཀྱི་གོས་ཐམས་ཅད་ཀྱིས་ཀུན་ནས་ཡོག་སྟེ། གྲགས་པས་ཡོངས་སུ་རྒྱས་པ་དང་། འཇིག་རྟེན་གྱི་ཁམས་གྲངས་མེད་པ་རིན་པོ་ཆེ་སྣ་ཚོགས་ཀྱི་ཅོད་པན་གྱིས་རྣམ་པ་སྣ་ཚོགས་ཀྱིས་ཡོངས་སུ་བརྒྱན་ཅིང་རིན་པོ་ཆེའི་ཅོད་པན་གྱིས་
D44.036.0096b04.01ཡོངས་སུ་རྒྱས་པ་དག་སློང་བ་རེ་རེ་ལ་ཕྱི་མའི་མཐའི་བསྐལ་པའི་མུར་ཐུག་པར། སྦྱིན་པས་ངོམས་པར་མ་གྱུར་ཅིག །རྒྱུན་གཅོད་པར་མ་གྱུར་ཅིག །སློང་བ་གཅིག་ལ་ཇི་ལྟ་བ་དེ་བཞིན་དུ་སློང་བ་ཐམས་ཅད་མ་ལུས་པ་ལ་ཡོངས་སུ་གཏོང་ཞིང་
D44.036.0096b05.01སློང་བ་རེ་རེ་ལ་ཡང་ཕྱི་མའི་མཐའི་བསྐལ་པའི་མུར་ཐུག་པར་ཤིན་ཏུ་ཚིམ་པར་བྱེད་ཀྱང་ཡོངས་སུ་སྐྱོ་བར་མ་གྱུར་ཅིག །ཕྱིར་ལྡོག་པར་མ་གྱུར་ཅིག །དེ་ཡང་འདི་ལྟར་སྒྱུ་མེད་པའི་སེམས་དང་། འདོད་ཅིང་སྲེད་པ་མེད་པའི་སེམས་དང་།
D44.036.0096b06.01གྲགས་པ་འདོད་པ་མེད་པའི་སེམས་དང་། འགྱོད་པ་མེད་པའི་སེམས་དང་། མྱ་ངན་མེད་པའི་སེམས་དང་། ཐམས་ཅད་མཁྱེན་པའི་ལམ་ལ་ཐེ་ཙོམ་མེད་པའི་སེམས་དང་། གཏོང་བཤིན་ཏུ་གཏོང་བའི་སེམས་དང་སྙིང་བརྩེ་བའི་སེམས་དང་
D44.036.0096b07.01