完整藏文原文 · 德格版页 当前仅加载第 36 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་གྲུབ་པར་བྱ་བ་དང་། ཆོས་ཀྱི་དབྱིངས་ཚད་མེད་པའི་སེམས་ཅན་གྱི་དོན་གྱི་དགེ་བའི་རྩ་བ་ཡོངས་སུ་རྫོགས་པར་བྱ་བ་ཐོབ་པར་གྱུར་ཅིག །དགེ་བའི་རྩ་བ་དེས་ཆོས་འདི་དག་ཡོངས་སུ་རྫོགས་པར་གྱུར་ཅིག །ཇི་ལྟར་བདག་གིས་ཐོབ་པར་གྱུར་པ་དེ་བཞིན་དུ་སེམས་ཅན་ཐམས་
D44.036.0144b01.01ཅད་ཀྱིས་ཀྱང་ཐོབ་པར་གྱུར་ཅིག །ཐོབ་པ་འདི་དང་། མཉམ་པ་ཉིད་འདི་དང་། ཡོངས་སུ་རྫོགས་པ་འདིས་སེམས་ཅན་ཐམས་ཅད་བདག་དང་སྤྱོད་པ་མཉམ་པར་གྱུར་ཅིག །བསོད་ནམས་མཉམ་པ་དང་ཡེ་ཤེས་མཉམ་པ་དང་། སྟོབས་མཉམ་པ་དང་།
D44.036.0144b02.01མི་འཇིགས་པ་མཉམ་པ་དང་། རྣམ་པར་དག་པ་མཉམ་པ་དང་། རྣམ་པར་འཕྲུལ་བ་མཉམ་པ་དང་། མངོན་པར་བྱང་ཆུབ་པ་མཉམ་པ་དང་། ཆོས་བསྟན་པ་མཉམ་པ་དང་། དོན་མཉམ་པ་དང་རྣམ་པར་ངེས་པ་མཉམ་པ་དང་། མངོན་
D44.036.0144b03.01པར་ཤེས་པ་ཐམས་ཅད་མཉམ་པས་མཉམ་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དེ་དག་ཡོངས་སུ་བསྔོའོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་
D44.036.0144b04.01བ་དེ་དག་འདི་ལྟར་ཡོངས་སུ་བསྔོ་སྟེ། ཇི་ལྟར་ཆོས་ཀྱི་དབྱིངས་ཚད་མེད་པ་དེ་བཞིན་དུ་དགེ་བའི་རྩ་བ་དེ་དག་ཚད་མེད་པའི་ཡེ་ཤེས་ཡོངས་སུ་བསྒྲུབ་པའི་ཕྱིར་ཡོངས་སུ་བསྔོའོ། །ཇི་ལྟར་ཆོས་ཀྱི་དབྱིངས་མཐའ་དང་དབུས་མེད་པ་དེ་བཞིན་
D44.036.0144b05.01དུ་དགེ་བའི་རྩ་བ་དེ་དག་སངས་རྒྱས་མཐའ་དང་དབུས་མེད་པ་ཐམས་ཅད་མཐོང་བ་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོའོ། །ཇི་ལྟར་ཆོས་ཀྱི་དབྱིངས་ལ་མུས་གཅད་པ་མེད་པ་དེ་བཞིན་དུ་དགེ་བའི་རྩ་བ་དེ་དག་སངས་རྒྱས་ཀྱི་
D44.036.0144b06.01ཞིང་མུས་གཅད་པ་མེད་པ་ཐམས་ཅད་དུ་འགྲོ་བར་ཡོངས་སུ་བསྔོའོ། །ཇི་ལྟར་ཆོས་ཀྱི་དབྱིངས་ས་མཚམས་མེད་པ་དེ་བཞིན་དུ་དགེ་བའི་རྩ་བ་དེ་དག་འཇིག་རྟེན་གྱི་ཁམས་ས་མཚམས་མེད་པ་ཐམས་ཅད་དུ་བྱང་ཆུབ་སེམས་དཔའི་སྤྱོད་པ་སྤྱད་པར་
D44.036.0144b07.01