完整藏文原文 · 德格版页 当前仅加载第 36 函德格 312b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱ་ཕྲག་དུ་མ་ཡིད་དུ་འོང་ཞིང་རྒྱ་ཆེ་བ་བརྗོད་དུ་མེད་པའི་ཡང་བརྗོད་དུ་མེད་པར་བྱིན་གྱིས་རློབ་བོ། །འདི་ལྟ་སྟེ་སེམས་ཅན་མོས་པའི་ཚུལ་བཞིན་ཡོངས་སུ་སྨིན་པར་བྱ་བའི་ཕྱིར། སྤྲུལ་པའི་རྒྱུད་རྣམ་པ་སྣ་ཚོགས་རྣམ་པར་དག་པ་དང་། ཁྱུ་
D44.036.0312b01.01མཆོག་གི་མཐུ་དང་རྣམ་པར་འཕྲུལ་པའི་སྤྲུལ་པ་དུ་མ་བརྗོད་དུ་མེད་པའི་ཡང་བརྗོད་དུ་མེད་པ་ལ་རབ་ཏུ་རྟེན་ཏོ། །འདི་ལྟ་སྟེ། །ཕྱོགས་བཅུར་སངས་རྒྱས་ཀྱི་ཆོས་རྣམ་པ་ཐ་དད་པ་སྣ་ཚོགས་ཡོངས་སུ་དྲི་བའི་ཕྱིར་གོམ་པ་རེ་རེས་འཇིག་རྟེན་
D44.036.0312b02.01གྱི་ཁམས་བརྗོད་དུ་མེད་པའི་ཡང་བརྗོད་དུ་མེད་པ་ཡོངས་སུ་འདའ་བར་བྱེད་དོ། །འདི་ལྟ་སྟེ། མཐོང་བ་དང་། ཐོས་པ་དང་། མཆོད་པ་ཐམས་ཅད་དོན་ཡོད་པར་བྱ་བའི་ཕྱིར་སྤྱི་གཙུག་བལྟར་མི་སྣང་བའི་ལུས་རྣམ་པར་དག་པ་དང་།
D44.036.0312b03.01གཟུགས་དང་མཚན་སྣ་ཚོགས་རྣམ་པར་དག་པ་བརྗོད་དུ་མེད་པའི་ཡང་བརྗོད་དུ་མེད་པ་རབ་ཏུ་འཐོབ་པོ། །འདི་ལྟ་སྟེ། སྒྲ་སྐད་སྣ་ཚོགས་དང་། སྒྲ་སྐད་དུ་མས་འགྲོ་བ་རྣམས་རྣམ་པར་བསྟན་པའི་ཕྱིར། སྒྲ་དང་སྐད་དང་ང་རོ་དང་།
D44.036.0312b04.01དབྱངས་ཀྱི་ཡན་ལག་བརྗོད་དུ་མེད་པའི་ཡང་བརྗོད་དུ་མེད་པ་རབ་ཏུ་བརྗོད་དོ། །དེ་ལྟར་བྱང་ཆུབ་སེམས་དཔའ་ལུས་ཀྱི་གཟི་བརྗིད་ཕུན་སུམ་ཚོགས་ཤིང་། རྣམ་པར་དག་པ་བཅུ་རབ་ཏུ་འཐོབ་པོ། །བྱང་ཆུབ་སེམས་དཔའ་དེ་ནི་སེམས་
D44.036.0312b05.01ཅན་བྱིན་གྱིས་བརླབ་པ་ཡོངས་སུ་རྫོགས་པར་བྱ་བ་བཅུ་རབ་ཏུ་འཐོབ་སྟེ། བཅུ་གང་ཞེ་ན། འདི་ལྟ་སྟེ། སངས་རྒྱས་མཐོང་ཞིང་རྣམ་པར་དམིགས་པར་བྱ་བའི་ཕྱིར། སེམས་ཅན་རྣམས་བྱིན་གྱིས་རློབ་བོ། །འདི་ལྟ་སྟེ། སངས་
D44.036.0312b06.01རྒྱས་ལ་དད་པ་རབ་ཏུ་འཐོབ་པར་བྱ་བའི་ཕྱིར། སེམས་ཅན་རྣམས་བྱིན་གྱིས་རློབ་བོ། །འདི་ལྟ་སྟེ། ཆོས་ཉན་ཅིང་ཁོང་དུ་ཆུད་པར་བྱ་བའི་ཕྱིར། སེམས་ཅན་རྣམས་བྱིན་གྱིས་རློབ་པོ། །འདི་ལྟ་སྟེ། སངས་རྒྱས་དང་བཅས་པའི་འཇིག་
D44.036.0312b07.01