完整藏文原文 · 德格版页 当前仅加载第 36 函德格 380a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་རྣམ་པར་དུལ་བ་ཉེ་བར་སྟོན། །གླང་པོ་རྟ་དང་བ་གླང་ཕྱུགས་དང་ཤིང་རྣམས་དང་། །མེ་ཏོག་འབྲས་བུ་བཟང་དང་ལྡན་པའི་མཚོ་ཡང་སྟོན། །ཐབས་ཀྱི་རྣམ་པ་སྣ་ཚོགས་མང་བར་སྒྱུ་མའི་
D44.036.0380a01.01སེམས། །སྣ་ཚོགས་གནས་ལ་འང་སྒྱུ་མ་ཡོངས་སུ་གནས་པ་མེད། །སྒྱུ་མ་དབེན་ལ་གཞོལ་ཞིང་ཤིན་ཏུ་ཞི་བ་ཡང་། །འཇིག་རྟེན་རྣམ་པར་རྟོག་པ་སྣ་ཚོགས་མང་པོ་སྟོན། །དེ་བཞིན་རྒྱལ་སྲས་བཙུན་པ་རིགས་དང་ལྡན་པ་
D44.036.0380a02.01རྣམས། །འཇིག་རྟེན་སྒྱུ་མ་སྣ་ཚོགས་ཇི་བཞིན་སྟོན་པ་བྱེད། །བསྒོམ་དང་རྣམ་པར་བསྒོམ་པའི་དངོས་པོའི་སེམས་ཀྱང་མེད། །དངོས་པོ་དངོས་{མྱེད་,མེད་}སྒྱུ་མ་ཇི་བཞིན་རབ་ཏུ་ཤེས། །ཞིང་དང་སེམས་ཅན་ཆོས་ཀྱི་རྣམ་པ་
D44.036.0380a03.01མང་པོར་བཅས། །ལས་རྣམས་སྣ་ཚོགས་རྣམ་པས་ཡོངས་སུ་བསྩགས་པ་ལ། །གནས་པར་མི་བྱེད་མངོན་པར་ཆགས་པ་དེ་བཞིན་མེད། །ཆགས་མེད་མཐའ་ཡི་སྒྱུ་མའི་ཚུལ་ནི་དེས་ཤེས་སོ། །དེ་ལྟར་རྒྱལ་སྲས་མཁས་པ་
D44.036.0380a04.01རྣམས། རབ་ཏུ་ཞི་ལ་དགའ་ཞིང་སྤྲོས་པ་མེད་པ་སྟེ། །གནས་མེད་ས་དང་ཡང་དག་ལྡན། །ཆོས་དབྱིངས་གནས་ལ་དེ་དག་རབ་དུ་ཞུགས། །དེ་ནི་ཆོས་ཉིད་རྟོགས་པ་སྟེ། །བརྟན་པ་དེ་དག་རྒྱལ་བའི་སྐུ་སྐྱེས་སྲས་ཡིན་ནོ། །འདུ་ཤེས་སྒྱུ་ལ་
D44.036.0380a05.01མཁས་པ་སྟེ། །འགྲོ་བ་ཐམས་ཅད་འདུ་ཤེས་འདྲ་བར་ཤེས། །སྨིག་རྒྱུའི་འདུ་ཤེས་འདྲ་བ་སྟེ། །འགྲོ་བ་ཐམས་ཅད་དེ་ལྟར་འདུ་ཤེས་ཕྱིན་ཅི་ལོག །འདུ་ཤེས་རྣམས་ཕྱེ་མཁས་པ་སྟེ། །དེ་ནི་འགྲོ་ཀུན་འདུ་ཤེས་སྤངས་པ་
D44.036.0380a06.01ཡིན། །སེམས་ཅན་སྣ་ཚོགས་ཁོང་དུ་ཆུད། །འཇིག་རྟེན་ཀུན་གྱི་སྣ་ཚོགས་རྣམ་པ་ཀུན་དང་བྲལ། །འཇིག་རྟེན་འདུ་ཤེས་རབ་ཏུ་ཤེས། །འཇིག་རྟེན་འདུ་ཤེས་མེད་མིན་འདུ་ཤེས་ལྡན། །ཕྱོགས་རྣམས་འདུ་ཤེས་འདྲ་བ་སྟེ། །
D44.036.0380a07.01