sangs rgyas phal po che zhes bya ba shin tu rgyas pa chen po'i mdo/
当前为德格木刻版 41a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 41a
- 可引用原文
- 7 行
- 全文规模
- 全经 21606 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 36 函 · 德格 41a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཐམས་ཅད་དང་། ཁྱུ་མཆོག་གི་མཐུ་ཕྱུང་བ་ཡང་དག་པར་སྟོན་པའི་ཕྱིར། རིན་པོ་ཆེ་ཐམས་ཅད་ཀྱི་སྟན་དང་སྤོས་ཐམས་ཅད་ཀྱི་སྟན་དང་། མེ་ཏོག་ཐམས་ཅད་ཀྱི་སྟན་དང་། གོས་ཐམས་ཅད་ཀྱི་སྟན་དང་། ཕྲེང་བ་ཐམས་ཅད་ཀྱི་སྟན་དང་། ནོར་བུ་རིན་པོ་ཆེ་ཐམས་ཅད་ཀྱི་སྟན་དང་། བཻ་ཌཱུརྱ་སྣ་ཚོགས་བསམ་གྱིས་མི་ཁྱབ་པའི་སྟན་དང་། འཇིག་རྟེན་གྱི་ཁམས་བརྗོད་དུ་{མྱེད་,མེད་}པའི་ཡང་བརྗོད་དུ་{མྱེད་,མེད་}པ་ལྟར་ཚད་{མྱེད་,མེད་}པའི་སྟན་དང་འགྲོ་བ་ཐམས་ཅད་མ་ལུས་པར་རྒྱན་གྱིས་རྣམ་
པར་དག་པའི་སྟན་དང་། རྡོ་རྗེའི་གདན་ཐམས་ཅད་ལ་འཁོད་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སྟན་གྱི་སྦྱིན་པས་ཡང་དག་པར་བཟུང་བའི་དགེ་བའི་རྩ་བ་དེ་དག་སེམས་ཅན་ཐམས་ཅད་འགྲོ་བ་ཐམས་ཅད་ཀྱིས་མ་གོས་པའི་བྱང་ཆུབ་ཀྱི་སྟན་རབ་ཏུ་ཐོབ་ཅིང་། སངས་རྒྱས་ཀྱི་ཆོས་ཐམས་ཅད་རྣམ་པར་འཚང་རྒྱ་བའི་ཕྱིར་ཡོངས་སུ་བསྔོའོ། །འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གདུགས་ཀྱི་སྦྱིན་པ་བྱེད་ཅིང་དབང་ཕྱུག་གི་ལུས་ལ་དགབ་པའི་གདུགས་རིན་པོ་
ཆེའི་རྒྱན་ཆེན་པོས་ཤིན་ཏུ་བརྒྱན་པ་བྱེ་བ་ཁྲག་ཁྲིག་བརྒྱ་སྟོང་ཁྱད་པར་དུ་འཕགས་ཤིང་དབང་ཆེ་བའི་ཡོ་བྱད་དུ་བྱ་བ། རིན་པོ་ཆེའི་རྩ་བ་ཅན་དྲིལ་བུའི་དྲ་བས་ཀུན་ནས་བསྐོར་བ། རིན་པོ་ཆེའི་སྲད་བུས་གསེར་གྱི་དྲིལ་བུ་སྦྱངས་བའི་སྒྲ་འབྱུང་བ། རིན་པོ་ཆེའི་བཻ་ཌཱུརྱའི་ཕྲེང་བ་རབ་ཏུ་སྦྱངས་པ། ཉེན་ཀོར་ནས་རྔའི་སྒྲ་དབྱངས་ཡིད་དུ་འོང་བ་འབྱུང་བ། གསེར་གྱི་དྲ་བ་རྣམ་པར་དག་པས་གཡོགས་ཤིང་བརྒྱན་པ། རིན་པོ་ཆེའི་དྲ་བ་བརྒྱ་ཕྲག་སྟོང་གི་བླ་རེ་བྲེས་པ། ནོར་བུ་རིན་པོ་ཆེའི་འབྲུ་གྲངས་{མྱེད་,མེད་}པས་
སྤྲས་པ། རིན་པོ་ཆེ་བྱེ་བ་ཁྲག་ཁྲིག་བརྒྱ་སྟོང་དུ་མས་སྣ་ཚོགས་སུ་བྲེས་ཤིང་བརྒྱན་པ། ཨ་ག་རུ་དང་། ཙན་དན་དང་། སྤོས་ཀྱི་དམ་པ་སྣ་ཚོགས་བྱེ་བ་ཁྲག་ཁྲིག་བརྒྱ་སྟོད་དུ་མས། ཉེན་ཀོར་དྲི་ཞིམ་པར་བསྒོས་ཤིང་བདུགས་པ། འཛམ་བུ་ཆུ་ཀླུང་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D44
- 德格版页
- 41a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0044 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。