完整藏文原文 · 德格版页 当前仅加载第 36 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དེ་ནས་བྱང་ཆུབ་སེམས་དཔའ་རྣམ་པར་གྲོལ་བའི་ཟླ་བས་འཁོར་དེ་དག་གི་སེམས་དང་བསམ་པའི་རྒྱུད་ཤེས་ནས་བྱང་ཆུབ་སེམས་དཔའ་རྡོ་རྗེའི་སྙིང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་འཁོར་འདི་དག་ཐེ་ཙོམ་
D44.036.0271b01.01དུ་གྱུར་ན། དེ་དག་གི་ཐེ་ཙོམ་གཅོད་པའི་ཕྱིར་བྱང་ཆུབ་སེམས་དཔའི་ཆོ་འཕྲུལ་རྣམ་པར་ཕྱེ་བ་{ཆུང་ཟད་,ཅུང་ཟད་}ཅིག་མི་བསྟན་ཏམ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་
D44.036.0271b02.01ཉི་ཤུ་གཅིག་པ། དེ་ནས་བྱང་ཆུབ་སེམས་དཔའ་རྡོ་རྗེའི་སྙིང་པོ་དེའི་ཚེ། བྱང་ཆུབ་སེམས་དཔའི་ཏིང་ངེ་འཛིན་སངས་རྒྱས་ཀྱི་ཞིང་ཐམས་ཅད་ཀྱི་ལྷུན་དང་། རང་བཞིན་ཡང་དག་པར་སྟོན་པ་ཞེས་བྱ་བ་ལ་སྙོམས་པར་
D44.036.0271b03.01ཞུགས་སོ། །དེ་ལྟར་བྱང་ཆུབ་སེམས་དཔའ་རྡོ་རྗེའི་སྙིང་པོ་བྱང་ཆུབ་སེམས་དཔའི་ཏིང་ངེ་འཛིན་སངས་རྒྱས་ཀྱི་ཞིང་ཐམས་ཅད་ཀྱི་ལྷུན་དང་། རང་བཞིན་ཡང་དག་པར་སྟོན་པ་ལ་སྙོམས་པར་ཞུགས་མ་ཐག་ཏུ་དེ་ནས་དེ་ཉིད་ཀྱི་ཚེ། བྱང་
D44.036.0271b04.01ཆུབ་སེམས་དཔའི་འཁོར་དེ་དག་ཐམས་ཅད་དང་། ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་། བརྒྱ་བྱིན་དང་། ཚངས་པ་དང་། འཇིག་རྟེན་གྱི་མགོན་པོ་དང་། དབང་ཕྱུག་ཆེན་པོ་དང་། གཙང་མའི་གནས་ཀྱི་རིས་སུ་གཏོགས་
D44.036.0271b05.01པའི་འཁོར་དེ་དག་ཐམས་ཅད་བྱང་ཆུབ་སེམས་དཔའ་རྡོ་རྗེའི་སྙིང་པོའི་ལུས་ཀྱི་ནང་ན་འཁོད་པ་རང་རང་གིས་ཤེས་པར་གྱུར་ཏེ། དེར་སངས་རྒྱས་ཀྱི་ཞིང་མངོན་དུ་གྲུབ་པར་ཤེས་སོ། །སངས་རྒྱས་ཀྱི་ཞིང་དེའི་རྣམ་པ་དང་། རྒྱན་ཇི་སྙེད་པ་
D44.036.0271b06.01དེ་དག་ཀྱང་བསྐལ་པ་ཁྲག་ཁྲིག་ཚང་བས་ཀྱང་བརྗོད་པར་མི་ནུས་པར་མཐོང་སྟེ། དེར་བྱང་ཆུབ་ཀྱི་ཤིང་སྟོང་གསུམ་བརྒྱ་སྟོང་ཕྲག་བཅུར་ཁྱབ་པའི་ལྷུན་ཅན་སྟོང་གསུམ་ཁྲག་ཁྲིག་ཡོངས་སུ་ཚང་བ་ཙམ་དུ་ཡངས་ཤིང་། ཚད་མེད་པའི་ཡལ་
D44.036.0271b07.01