完整藏文原文 · 德格版页 当前仅加载第 36 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་རྟེན་ལ་སྤྱོད་པ་དང་། བླ་མའི་རྟེན་ལ་སྤྱོད་པ་དང་། ལེགས་པར་སྤྱོད་པའི་རྟེན་ལ་སྤྱོད་པ་དང་། བྱམས་པ་ཆེན་པོའི་རྟེན་ལ་སྤྱོད་པ་དང་། སྙིང་རྗེ་ཆེན་པོའི་རྟེན་ལ་སྤྱོད་པ་དང་། ཕ་རོལ་ཏུ་ཕྱིན་པ་དྲུག་གི་རྟེན་ལ་སྤྱོད་པ་དང་། བྱང་ཆུབ་ཀྱི་སེམས་
D44.036.0027b01.01ཤིན་ཏུ་ཡངས་པའི་རྟེན་ལ་སྤྱོད་པ་དང་། བྱང་ཆུབ་སེམས་དཔའ་ཐམས་ཅད་ཀྱི་ལམ་གྱི་རྟེན་ལ་སྤྱོད་ཅིང་། སངས་རྒྱས་ཐམས་ཅད་ཀྱི་རྟེན་ལ་སྤྱོད་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྒྱབ་རྟེན་གྱི་སྦྱིན་པ་བྱེད་པའི་ཚེ།
D44.036.0027b02.01དགེ་བའི་རྩ་བ་དེ་དག་སེམས་ཅན་ཐམས་ཅད་ཡོན་ཏན་ཐམས་ཅད་རྣམ་པར་དག་པར་འགྱུར་བ་དང་། ཤིན་ཏུ་དག་པར་འགྱུར་བ་དང་། ཡེ་ཤེས་རྣམ་པར་དག་པར་འགྱུར་བ་དང་། ལམ་རྣམ་པར་དག་པར་འགྱུར་བ་དང་། ཆོས་རྣམ་པར་དག་པར་འགྱུར་བ་
D44.036.0027b03.01དང་། བསམ་པ་རྣམ་པར་དག་པར་འགྱུར་བ་དང་། མོས་པ་རྣམ་པར་དག་པར་འགྱུར་བ་དང་། སྨོན་ལམ་རྣམ་པར་དག་པར་འགྱུར་བ་དང་། མངོན་པར་ཤེས་པའི་ཡོན་ཏན་དང་། ཡེ་ཤེས་རྣམ་པར་དག་པར་འགྱུར་བར་བྱ་བའི་ཕྱིར་ཡོངས་སུ་བསྔོའོ། །བྱང་
D44.036.0027b04.01ཆུབ་སེམས་དཔའ་སེམས་དཔའ་ཆེན་པོ་འདི་ལྟ་སྟེ། ཏིལ་མར་གྱི་མར་མེ་འམ། མར་གྱི་མར་མེ་འམ། རིན་པོ་ཆེའི་མར་མེ་འམ། ནོར་བུའི་མར་མེ་འམ། རོའི་མར་མེ་འམ། མར་མེ་ཆེན་པོ་འམ། ཨ་ག་རུའི་མར་མེ་འམ། ཙན་དན་གྱི་མར་མེ་འམ།
D44.036.0027b05.01སྤོས་ཀྱི་རོ་ཐམས་ཅད་ཀྱི་མར་མེ་འམ། ཁ་དོག་མཐའ་ཡས་པར་སྣང་བའི་མར་མེ་འམ། རྣམ་པ་དེ་ལྟ་བུའི་མར་མེ་དག་དེ་ཡོངས་སུ་གཏོང་ཞིང་སྦྱིན་པ་བྱེད་པ་ན། དགེ་བའི་རྩ་བ་དེ་དག་འགྲོ་བ་ཐམས་ཅད་ལ་ཕན་པ་དང་། འགྲོ་བ་ཐམས་ཅད་ལ་བདེ་བ་དང་། འགྲོ་བ་ཐམས་ཅད་བསྡུ་བའི་ཕྱིར་འདི་
D44.036.0027b06.01ལྟར་ཡོངས་སུ་བསྔོ་སྟེ། མར་མེའི་སྦྱིན་པས་ཡོངས་སུ་བསྡུས་པའི་དགེ་བའི་རྩ་བ་འདིས་སེམས་ཅན་ཐམས་ཅད་སངས་རྒྱས་ཐམས་ཅད་(གྱི་,ཀྱི་)ཆོས་ལ་སྣང་བ་མཐའ་ཡས་པར་གྱུར་ཅིག །སེམས་ཅན་ཐམས་ཅད་འཇིག་རྟེན་ཐམས་ཅད་ཤིན་ཏུ་ཕྲ་བ་{དམྱིགས་,དམིགས་}པར་བྱ་བའི་
D44.036.0027b07.01