完整藏文原文 · 德格版页 当前仅加载第 36 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཡང་དག་པར་འཛིན་པ་དང་། སྣང་བ་ལྟ་བུར་བདག་སེམས་ཅན་ཐམས་ཅད་ལ་ཡོངས་སུ་གཏོང་བ་དང་། འགྲོ་བ་ཐམས་ཅད་ཀྱི་མིག་ཡོར་ལྟ་བུར་བདག་སེམས་ཅན་ཐམས་ཅད་ལ་སྣང་བར་བྱེད་པ་དང་། དགེ་བའི་རྩ་བའི་རྒྱུ་ལྟ་བུར་
D44.036.0075b01.01བདག་འགྲོ་བ་ཐམས་ཅད་ལ་སྟོན་པ་དང་། དགེ་བའི་བཤེས་གཉེན་ལྟ་བུར་བདག་སེམས་ཅན་ཐམས་ཅད་ལ་སྟོབས་པ་དང་། ལམ་ལྟ་བུར་བདག་སེམས་ཅན་ཐམས་ཅད་ལ་ཡང་དག་པར་སྟོན་པ་དང་། བླ་ན་མེད་པའི་བདེ་བའི་རྣམ་པ་རབ་ཏུ་ཐོབ་པ་ལྟ་
D44.036.0075b02.01བུར་བདག་སེམས་ཅན་ཐམས་ཅད་ལ་ཡོངས་སུ་སྦྱོང་བ་དང་། ཉི་མ་ལྟ་བུར་བདག་འགྲོ་བ་ཐམས་ཅད་ལ་སྙོམས་པར་བྱེད་པ་དང་། དེ་ལྟ་བུའི་ཆོས་དང་ལྡན་པར་བདག་སེམས་ཅན་ཐམས་ཅད་ལ་ཡོངས་སུ་གཏོང་བའི་ཚེ། བདག་བཏང་བས་
D44.036.0075b03.01བྱུང་བའི་དགེ་བའི་རྩ་བ་དེ་དག་སེམས་ཅན་ཐམས་ཅད་ལ་འདི་ལྟར་ཡོངས་སུ་བསྔོ་སྟེ། དགེ་བའི་རྩ་བ་འདིས་སེམས་ཅན་ཐམས་ཅད་སངས་རྒྱས་ཀྱི་ཡེ་ཤེས་ཀྱི་སར་རབ་ཏུ་ཕྱིན་པར་གྱུར་ཅིག །སེམས་ཅན་ཐམས་ཅད་བླ་ན་མེད་པ་ཡང་དག་
D44.036.0075b04.01པར་རྫོགས་པའི་བྱང་ཆུབ་ཀྱི་ཡེ་ཤེས་དང་ལྡན་པར་གྱུར་ཅིག །སེམས་ཅན་ཐམས་ཅད་དེ་བཞིན་གཤེགས་པའི་འཁོར་གྱི་དཀྱིལ་འཁོར་དུ་དུལ་བ་ཐོབ་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཀྱི་ཕྱིར་སྤྱོད་པ་ལ་མཁས་ཤིང་སྤྱོད་པ།
D44.036.0075b05.01ཕུན་སུམ་ཚོགས་པ་དང་ལྡན་པར་གྱུར་ཅིག །སེམས་ཅན་ཐམས་ཅད་དོན་དང་ཆོས་དང་ཡེ་ཤེས་དང་མངོན་པར་ཤེས་པ་དང་ལྡན་ཞིང་མྱ་ངན་ལས་འདའ་བའི་མཐུ་ཡོད་པར་གྱུར་ཅིག །སེམས་ཅན་ཐམས་ཅད་དེ་བཞིན་གཤེགས་པའི་རིགས་སུ་
D44.036.0075b06.01འབྱུང་བས་རབ་ཏུ་ཚིམ་པར་གྱུར་ཅིག །སེམས་ཅན་ཐམས་ཅད་དེ་བཞིན་གཤེགས་པའི་དགོངས་པ་དགེ་བས་མ་རིག་པའི་བསམ་པ་སྤང་བར་གྱུར་ཅིག །སེམས་ཅན་ཐམས་ཅད་བྱང་ཆུབ་ཀྱི་ཤིང་དྲུང་དུ་དགེ་བའི་རྩ་བ་དང་ལྡན་པས་
D44.036.0075b07.01