完整藏文原文 · 德格版页 当前仅加载第 36 函德格 333a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཞུགས་པའི་ཚེ་ལུས་ཀྱི་ལས་ཆགས་པ་མེད་པར་ཡང་དག་པར་གནས་སོ། །ངག་གི་ལས་ཆགས་པ་མེད་པར་ཡང་དག་པར་གནས་སོ། །ཡིད་ཀྱི་ལས་ཆགས་པ་མེད་པར་ཡང་དག་པར་གནས་སོ། །སངས་རྒྱས་ཀྱི་
D44.036.0333a01.01ཞིང་མཉམ་པ་ཉིད་ཆགས་པ་མེད་པར་ཡང་དག་པར་གནས་སོ། །སེམས་ཅན་ཡོངས་སུ་སྨིན་པར་བྱ་བའི་ཡེ་ཤེས་ཆགས་པ་མེད་པ་ལ་ཡང་དག་པར་འཇུག་གོ །སེམས་ཅན་འདུལ་བའི་ཡེ་ཤེས་ཆགས་པ་མེད་པར་ཡང་དག་པར་
D44.036.0333a02.01གནས་སོ། །འོད་གཟེར་ཀུན་ཏུ་དགྱེ་བ་ཆགས་པ་མེད་པ་རབ་ཏུ་འགྱེད་དོ། །འོད་ཀྱི་དཀྱིལ་འཁོར་ཆགས་པ་མེད་པ་རབ་ཏུ་གཏོང་ངོ་། །སྤྲུལ་པ་མང་པོ་ཆགས་པ་མེད་པ་རབ་ཏུ་འགྱེད་དོ། །ཆོས་ཀྱི་འཁོར་ལོ་ཆགས་པ་མེད་པ་
D44.036.0333a03.01རབ་ཏུ་སྐོར་རོ། །བྱང་ཆུབ་སེམས་དཔའི་ཁྱུ་མཆོག་གི་མཐུ་ཕྱུང་བའང་རབ་ཏུ་ཐོབ་པར་བྱེད་དོ། །སངས་རྒྱས་ཀྱི་སྟོབས་རྣམས་ལའང་ཡང་དག་པར་འཇུག་གོ །སངས་རྒྱས་ཀྱི་ཡེ་ཤེས་ཀྱང་རབ་ཏུ་འཐོབ་པར་བྱེད་དོ། །སངས་
D44.036.0333a04.01རྒྱས་ཀྱི་བཞེངས་པས་རྣམ་པར་ལྡང་ངོ་། །སངས་རྒྱས་ཀྱི་རྣམ་པར་འཕྲུལ་བ་སྣང་བས་ཉེ་བར་སྤྱོད་དོ། །བྱང་ཆུབ་སེམས་དཔའི་དེ་ཏིང་ངེ་འཛིན་འདི་ལ་གནས་པའི་ཚེ་ཐམས་ཅད་མཁྱེན་པ་ཉིད་ལ་རབ་ཏུ་རྟོག་གོ །ཐམས་ཅད་མཁྱེན་པ་
D44.036.0333a05.01ཉིད་ལ་ཡོངས་སུ་ལྟའོ། །ཐམས་ཅད་མཁྱེན་པ་ཉིད་ཁོང་དུ་ཆུད་པར་བྱེད་དོ། །ཐམས་ཅད་མཁྱེན་པ་ཉིད་རྟོགས་པར་བྱེད་དོ། །ཐམས་ཅད་མཁྱེན་པ་ཉིད་དམིགས་པར་བྱེད་དོ། །ཐམས་ཅད་མཁྱེན་པ་ཉིད་ལ་རབ་ཏུ་ལྟའོ། །
D44.036.0333a06.01ཐམས་ཅད་མཁྱེན་པ་ཉིད་ལ་རྗེས་སུ་ལྟའོ། །ཐམས་ཅད་མཁྱེན་པ་ཉིད་ལ་རྣམ་པར་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བྱང་ཆུབ་སེམས་དཔའ་ཀུན་ཏུ་བཟང་པོའི་སྨོན་ལམ་ཆེན་པོ་དང་། བྱང་ཆུབ་སེམས་དཔའི་
D44.036.0333a07.01