完整藏文原文 · 德格版页 当前仅加载第 36 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའི་སྤྱད་པ་སྤྱོད་པར་སྣང་བ་ཡིན་ཏེ། ཚིག་རབ་ཏུ་ཕྱེ་བ་ཐམས་ཅད་ལ་མཁས་པ་དང་ལྡན་པའི་གཟུངས་ཀྱང་རབ་ཏུ་ཐོབ་ཅིང་ཁོང་དུ་ཆུད་དོ། །ཕྱི་མའི་མཐའི་བསྐལ་པའི་མུར་ཐུག་པར་རྒྱུན་ཆད་པ་མེད་པའི་ཆོས་བསྟན་པའི་དཀྱིལ་འཁོར་གྱིས་སེམས་
D44.036.0104b01.01ཅན་ཐམས་ཅད་དགའ་བར་བྱ་བ་ཡོངས་སུ་རྫོགས་པར་བྱེད་པས། སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པར་ཡོངས་སུ་སྦྱང་བའི་དོན་དུ་སེམས་ཀྱི་སྐད་ཅིག་རེ་རེ་ལ་མིག་ཡོར་སྣང་བའི་ཚུལ་དུ་སྐྱེ་བ་ཡིན། འཇིག་རྟེན་གྱི་ཁམས་ཐམས་
D44.036.0104b02.01ཅད་དུ་སངས་རྒྱས་ཀྱི་ཞིང་ཡོངས་སུ་དག་པ་བརྗོད་དུ་མེད་པའི་ཡང་བརྗོད་དུ་མེད་པ་སེམས་ཀྱི་སྐད་ཅིག་རེ་རེ་ལ་ཡོངས་སུ་རྫོགས་པར་བྱེད་ཀྱང་། སངས་རྒྱས་ཀྱི་ཞིང་ཡོངས་སུ་སྦྱང་བར་རྣམ་པར་དཔྱོད་པའི་ཡེ་ཤེས་ཀྱིས་ངོམས་མི་ཤེས་པ་ཡིན། སེམས་
D44.036.0104b03.01ཅན་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པའི་ཡང་བརྗོད་དུ་མེད་པ་མཉམ་པ་ཉིད་གང་ལ་བདག་ཉིད་གནས་པ་དེ་ལ་ཡོངས་སུ་རྫོགས་པར་བྱེད་པ་ཡིན། ཡོངས་སུ་སྒྲུབ་པ་ཡིན། ཡོངས་སུ་སྦྱོང་བ་ཡིན། ཕ་རོལ་ཏུ་ཕྱིན་པ་ཐམས་ཅད་ལ་རབ་ཏུ་བརྩོན་
D44.036.0104b04.01པར་བྱེད་ཅིང་སེམས་ཅན་རྣམས་ཡོངས་སུ་སྡུད་པ་ཡིན། ལས་ཇི་ལྟར་རྣམ་པར་དག་པའི་ཚུལ་བཞིན་དུ་འང་ཡང་དག་པར་འབྱུང་བ་ཡིན། ཐོགས་པ་མེད་པའི་རྣ་བ་མངོན་པར་བསྒྲུབ་པ་ཡང་རབ་ཏུ་འཐོབ་པ་ཡིན། སངས་རྒྱས་ཀྱི་ཞིང་བརྗོད་དུ་མེད་པའི་
D44.036.0104b05.01ཡང་བརྗོད་དུ་མེད་པར་ཆོས་ཀྱི་འཁོར་ལོ་བསྐོར་ཏེ། ཆོས་མཐའ་ཡས་པ་བསྟན་ཅིང་། བརྗོད་པ་ཐོས་ནས་དེ་དག་ཐམས་ཅད་འཛིན་པ་ཡིན་ཏེ། ཆོས་བསྟན་པ་དེ་ལ་རིང་བའི་འདུ་ཤེས་ཉེ་བར་མི་གཞོག་གོ །སེམས་སྐད་ཅིག་གིས་བྱུང་བ། དངོས་པོ་
D44.036.0104b06.01མེད་པ་ལ་རབ་ཏུ་གནས་པ་རྟེན་པ་མེད་ཅིང་། མངོན་པར་འདུ་བྱ་བ་མེད་པ་དང་། གནས་པ་མེད་པའི་བྱང་ཆུབ་སེམས་དཔའི་རྫུ་འཕྲུལ་ལ་གནས་ཤིང་། སངས་རྒྱས་ཀྱི་ཞིང་བརྗོད་དུ་མེད་པར་འགྲོ་བ་དང་། སངས་རྒྱས་ཀྱི་ཞིང་མང་པོ་རྣམ་པར་ཕྱེ་བ་ཐམས་
D44.036.0104b07.01