完整藏文原文 · 德格版页 当前仅加载第 36 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
རིག་པ་དང་། བློ་དང་ཡེ་ཤེས་དམ་པ་དང་། སྤོབས་པ་རྣམ་པར་དག་ཅིང་ཁ་ན་མ་ཐོ་བ་མེད་པའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དེ་དག་ཡོངས་སུ་བསྔོ་སྟེ། སེམས་ཅན་ཐམས་ཅད་ཀྱི་ལུས་རྣམ་པ་དེ་ལྟར་ཡོངས་སུ་དག་ཅིང་ལུས་
D44.036.0151b01.01ཡོངས་སུ་དག་པ་ཤིན་ཏུ་གསལ་བ་རྙོག་པ་མེད་པ་རྣམ་པར་དང་བ། རྣམ་པར་དག་པ་རྡུལ་མེད་པ་དྲི་མ་དང་བྲལ་བ་འོད་གསལ་ཞིང་དང་བ། ཡིད་དུ་འོང་བ་བསྒྲིབས་པ་མེད་པ་དེ་ལ་འཇིག་རྟེན་གྱི་ཁམས་ཐམས་ཅད་གཟུགས་བརྙན་གྱི་ཚུལ་དུ་སྣང་བར་གྱུར་ཅིག །མིག་ཡོར་གྱི་རྣམ་
D44.036.0151b02.01པར་{དམྱིགས་,དམིགས་}པས་འགྲོ་བ་ཐམས་ཅད་སྣང་བར་གྱུར་ཅིག །མིག་ཡོར་གྱི་གནས་ཀྱི་རྣམ་པ་ཐམས་ཅད་སྣང་བར་གྱུར་ཅིག །འདི་ལྟ་སྟེ་དཔེར་ན། མེ་ལོང་གི་དཀྱིལ་འཁོར་ཤིན་ཏུ་དག་པ་ལ་ཚིགས་སུ་མི་འགྱུར་བར་གདོང་དུ་{དམྱིགས་,དམིགས་}པ་རྣམ་པར་སྣང་བ་དེ་ལྟ་བུའི་ལུས་
D44.036.0151b03.01ཡོངས་སུ་དག་པ། སེམས་ཅན་ཐམས་ཅད་ཀྱིས་རབ་ཏུ་ཐོབ་པར་གྱུར་ཅིག །སེམས་ཅན་ཐམས་ཅད་བྱང་ཆུབ་སེམས་དཔའི་སྤྱོད་པ་ཡང་དག་པར་སྟོན་པ་དང་། ཆོས་ཡང་དག་པར་སྟོན་པ་དང་། ཡོན་ཏན་ཡང་དག་པར་སྟོན་པ་དང་། ནན་ཏན་ཡང་དག་
D44.036.0151b04.01པར་སྟོན་པ་དང་། འགྲུབ་པ་ཡང་དག་པར་སྟོན་པ་དང་། བྱང་ཆུབ་སེམས་དཔའི་སྤྱོད་ཡུལ་དང་། སྨོན་ལམ་ཡང་དག་པར་སྟོན་པ་དང་། འཇིག་རྟེན་གྱི་ཁམས་གཞན་ན་བཞུགས་པའི་སངས་རྒྱས་ཐམས་ཅད་ཡང་དག་པར་སྟོན་པ་དང་། སངས་རྒྱས་
D44.036.0151b05.01ཐམས་ཅད་ཀྱི་རྣམ་པར་འཕྲུལ་པ་དང་། ཆོ་འཕྲུལ་ཡང་དག་པར་སྟོན་པ་དང་། བྱང་ཆུབ་སེམས་དཔའི་རྣམ་པར་ཐར་པ་བསམ་གྱིས་མི་ཁྱབ་པའི་བྱིན་གྱི་རླབས་ཡང་དག་པར་སྟོན་པ་དང་། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་དང་སྨོན་ལམ་ཡོངས་
D44.036.0151b06.01སུ་རྫོགས་པས་ཐམས་ཅད་མཁྱེན་པ་ཡང་དག་པར་སྟོན་པར་གྱུར་ཅིག །དེ་ལྟར་ཡོངས་སུ་དག་པའི་ལུས་ཀྱི་རྣམ་པས་སེམས་ཅན་ཐམས་ཅད་མ་ལུས་པར་ཡོངས་སུ་བཟུང་སྟེ། ཐམས་ཅད་མཁྱེན་པའི་བསོད་ནམས་ཀྱི་སྐུ་ཡོངས་སུ་དག་པ་དང་ལྡན་པར་
D44.036.0151b07.01