完整藏文原文 · 德格版页 当前仅加载第 36 函德格 2a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བ་སྐྱེ་བ། རབ་ཏུ་དགའ་བར་གནས་པ། སྤྲོ་བ་རབ་ཏུ་འབྱུང་བ་ཡིད་མི་བདེ་བ་རྣམ་པར་བཟློག་པ། སེམས་བདེ་བར་འགྱུར་བ། ཉམས་དགའ་བར་འགྱུར་བ། བསམ་པ་འཇམ་པར་འགྱུར་བ་དང་། དབང་པོ་སིམ་པར་འགྱུར་བའི་
D44.036.0002a01.01གཟུགས་གང་ཇི་སྙེད་ཡོད་པ་དེ་དག་ཐམས་ཅད་མཐོང་བར་གྱུར་ཏེ། དེ་བདེ་བའི་འདུ་ཤེས་དེ་དག་མཐོང་བའི་ཚེ། འདི་ལྟར་ཡོངས་སུ་བསྔོ་སྟེ། བདག་གི་བདེ་བ་ཡོངས་སུ་བསྔོ་བ་འདིས་སངས་རྒྱས་བཅོམ་ལྡན་འདས་དེ་དག་སངས་རྒྱས་ཀྱི་རྣམ་པར་སྤྱོད་པའི་བདེ་བ་བསམ་
D44.036.0002a02.01གྱིས་མི་ཁྱབ་པ་དང་། ཕྱི་ཕྱིར་ཞིང་ཡང་ལྡན་པར་གྱུར་ཅིག །སངས་རྒྱས་ཀྱི་ཏིང་ངེ་འཛིན་གྱི་བདེ་བ་མཚུངས་པ་{མྱེད་,མེད་}པས་ཡང་དག་པར་གཟུང་བར་གྱུར་ཅིག །སངས་རྒྱས་ཀྱི་ཐུགས་རྗེ་ཆེན་པོའི་བདེ་བ་མཐའ་ཡས་པ་ཕྱིར་ཞིང་ཡང་ཤིན་ཏུ་བརྟན་པར་གྱུར་ཅིག
D44.036.0002a03.01སངས་རྒྱས་ཀྱི་རྣམ་པར་ཐར་བའི་བདེ་བ་ཚད་མེད་པ་དང་ཡང་དག་པར་ལྡན་པར་གྱུར་ཅིག །སངས་རྒྱས་ཀྱི་ཆོ་འཕྲུལ་ཚད་{མྱེད་,མེད་}པས་ཤིན་ཏུ་གཟུང་བར་གྱུར་ཅིག །སངས་རྒྱས་ཀྱི་ཁྱུ་མཆོག་གི་མཐུ་ཕྱུང་བའི་བདེ་བ་རྙེད་པར་དཀའ་བས་ཤིན་ཏུ་ཁྱབ་པར་གྱུར་ཅིག །སངས་
D44.036.0002a04.01རྒྱས་ཀྱི་སྟོབས་ཀྱི་བདེ་བ་ཚད་{མྱེད་,མེད་}པས་ཤིན་ཏུ་བདེ་བར་གྱུར་ཅིག །ཚོར་བ་ཐམས་ཅད་ཞི་ཞིང་སྐྱེ་བ་མེད་པའི་བདེ་བས་འགྱུར་བ་མེད་པར་བདེ་བར་གྱུར་ཅིག །ཆགས་པ་མེད་པར་གནས་པ་རྟག་ཏུ་མཉམ་པར་གཞག་པའི་དེ་བཞིན་གཤེགས་པའི་བདེ་བ་གཉིས་སུ་མེད་ཅིང་
D44.036.0002a05.01ཡང་དག་པར་སྤྱོད་པས་འཁྲུག་པ་{མྱེད་,མེད་}པའི་བདེ་བར་གྱུར་ཅིག་ཅེས་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་དགེ་བའི་རྩ་བ་དེ་དག་དེ་བཞིན་གཤེགས་པ་རྣམས་ལ་ཡོངས་སུ་བསྔོས་ནས། བྱང་ཆུབ་སེམས་དཔའ་རྣམས་ལ་ཡོངས་སུ་བསྔོ་བ་བྱེད་དེ།
D44.036.0002a06.01