完整藏文原文 · 德格版页 当前仅加载第 36 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
འོངས་པ་དང་། སློང་བ་དེ་དང་དེ་དག་ཡུལ་དེར་འོངས་ཤིང་དུས་གཞན་དང་གཞན་དུ་ཕྱིན་པ། དམིགས་པའི་དངོས་པོ་རྣམ་པ་ཐ་དད་པ་སློང་བ་དང་སློང་བའི་སེམས་ཅན་སྣ་ཚོགས་བསམ་པ་འཐུན་པས་གདོང་དུ་ལྟ་བ་དང་། སེམས་ཅན་སློང་བ་
D44.036.0088b01.01གྲངས་མེད་པར་འདུས་ཤིང་། བྱང་ཆུབ་སེམས་དཔས་སྐབས་ཕྱེ་བ་ལ་གནས་པ་དང་། སྦྱིན་པ་འཐོབ་པ་ལ་སྡོད་པའི་སློང་བ་སྣ་ཚོགས་དང་། ལེན་པ་སྣ་ཚོགས་དང་། སེམས་ཅན་སྣ་ཚོགས་དང་། གང་ཟག་གཞན་དང་གཞན་སེམས་སྣ་ཚོགས་དང་ལྡན་པ་
D44.036.0088b02.01ཕྱོགས་གཞན་དང་གཞན་ནས་འོངས་པའི་མི་རྣམ་པ་ཐ་དད་པ་གཞན་དང་གཞན་དུ་གྱུར་པ། སྐྱེ་གནས་ཐ་དད་པས་ཟིན་པ་སྦྱིན་པའི་གནས་གཞན་དང་གཞན་དུ་གྱུར་པ། དེ་ལྟ་བུའི་སློང་པའི་ཚོགས་ཆེན་པོ་སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་ཀུན་
D44.036.0088b03.01ནས་འདུས་པ་མཐོང་ན་སློང་བ་དེ་དག་ཐམས་ཅད་ལ་སེམས་དགའ་བ་དང་། སེམས་དད་པ་དང་། སློང་བ་ལ་བྱམས་པ་དང་། དགེ་བའི་བཤེས་གཉེན་མཐོང་བའི་འདུ་ཤེས་ཀྱི་སྙིང་རྗེ་ཆེན་པོས་རིམ་གྲོ་བྱེད་པའི་སེམས་དང་། ཡིད་རབ་ཏུ་སྤྲོ་བ་དང་། སེམས་
D44.036.0088b04.01ཤིན་ཏུ་ཚིམ་པ་རབ་ཏུ་ཐོབ་སྟེ། ཕྱིར་ལྡོག་པ་མེད་པའི་དད་པས་གཏོང་བ་རྒྱུན་མཱི་ཆད་པར་བྱ་བའི་སེམས་དང་། སྐྱོ་བ་མེད་ཅིང་ཁྱད་པར་དུ་འཕེལ་བར་གཏོང་བའི་སེམས་ཀྱིས་སློང་བ་ཇི་ལྟར་འོངས་པ་དང་། དངོས་པོ་ཇི་སློང་བ་དེ་དག་ཡོངས་སུ་ཚིམ་པ་དང་།
D44.036.0088b05.01ཡོངས་སུ་རྒྱས་པ་དང་། ལག་གང་བ་དང་། སྣོད་གང་བ་དང་། བསམ་པ་གང་བ་དང་། ཅི་འདོད་པའི་དངོས་པོ་ཐོབ་པ་དང་། ཡིད་བདེ་བ་མཐའ་ཡས་པས་རྒྱས་པ་དང་། དབུལ་བོར་བ་དང་། ནོར་དང་ཡོ་བྱད་ཐམས་ཅད་བསྡུད་པས་བརྟན་
D44.036.0088b06.01པ་དང་། དངོས་པོ་ཡོངས་སུ་གཏང་བ་ཐམས་ཅད་ཀྱིས་ཤིན་ཏུ་བསྡུད་པ་དང་། ཅི་བསླངས་པའི་དངོས་པོ་ཐམས་ཅད་ཐོབ་པས་ཡིད་བདེ་སྟེ། སྒྲ་ཆེ་ཞིང་མཐོ་བ་འབྱིན་པ་དང་། ཇི་བདེར་འདོང་ཞིང་སྤྱོད་པ་དང་། བསམ་པ་ཇི་བཞིན་དུ་ཤིན་ཏུ་ཚིམ་པ་དང་
D44.036.0088b07.01