完整藏文原文 · 德格版页 当前仅加载第 36 函德格 350a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་སྤྲིན་གྱི་ཆར་འབེབས་ཤིང་བྱང་ཆུབ་སེམས་དཔའི་སྤྱད་པ་སྤྱོད་པ་དང་། རྣམ་པ་འདི་ལྟ་བུའི་ཏིང་ངེ་འཛིན་ཆེན་པོ་ལ་སྙོམས་པར་འཇུག་པ་དེ་ཙམ་དུ་སེམས་ཅན་རྣམས་ཤིན་ཏུ་རྣམ་པར་དག་པར་འགྱུར་ཏེ།
D44.036.0350a01.01ཤིན་ཏུ་མཐར་ཐུག་པར་འགྱུར་བ་དང་། ཤིན་ཏུ་བདེ་བ་ཕུན་སུམ་ཚོགས་པ་དང་ལྡན་པ་དང་། མཆོག་ཏུ་བྱ་བ་ཤིན་ཏུ་འཐོབ་པ་དང་། ཤིན་ཏུ་ཕ་རོལ་ཏུ་ཕྱིན་པ་དང་། འཇིག་རྟེན་ཐམས་ཅད་ཤིན་ཏུ་ཚིམ་པར་བྱེད་པ་དང་། སྐྱེ་དགུ་ཐམས་ཅད་ཀྱི་བྱ་བ་ཐམས་ཅད་
D44.036.0350a02.01ལ་ཐེ་ཙོམ་ཤིན་ཏུ་གཅོད་པ་དང་། སྦྱིན་བསྲེག་ཡོངས་སུ་བཟུང་ཞིང་སྦྱིན་པ་ཡོངས་སུ་སྦྱོང་བས་བསོད་ནམས་རྨད་དུ་བྱུང་བ་དང་། ཕྱིར་མི་ལྡོག་པའི་འཁོར་ལོ་ལ་རབ་ཏུ་གཞོག་པའི་ཕྱིར་ཐམས་ཅད་མཁྱེན་པ་ཉིད་དུ་སྐལ་བ་ཤིན་ཏུ་མཉམ་པར་འགྱུར་བ་དང་། སེམས་
D44.036.0350a03.01ཅན་ཐམས་ཅད་ཁམས་གསུམ་ལས་བསྒྲལ་བའི་ཕྱིར་ཡེ་ཤེས་ཤིན་ཏུ་རྣམ་པར་དག་པར་བྱེད་པ་ཡིན། ཐམས་ཅད་མཁྱེན་པའི་ཡེ་ཤེས་ལ་སེམས་ཅན་རྣམས་དགོད་པའི་ཕྱིར་ཆོས་ཀྱི་འཁོར་ལོས་སྒྱུར་བ་དམ་པར་འགྱུར་བ་ཡིན། དེ་
D44.036.0350a04.01ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི་རང་བཞིན་གྱི་ཆོས་ཀྱི་དབྱིངས་རྣམ་པར་ཕྱེ་བ་སྟེ། བསམ་གྱིས་མི་ཁྱབ་པའོ། །ཚད་མེད་པའོ། །བྱང་ཆུབ་སེམས་དཔའི་སྤྱོད་པ་རྣམ་པར་སྦྱོང་བའོ། །ཐམས་ཅད་མཁྱེན་པ་ཉིད་ཀྱི་ཕྱིར་
D44.036.0350a05.01ཡེ་ཤེས་སྦྱོང་བའོ། །ཡོངས་སུ་འདུལ་བས་སེམས་ཅན་སྦྱོང་བའོ། །ཡོངས་སུ་བསྔོ་བས་ཞིང་སྦྱོང་བའོ། །རབ་ཏུ་གཞོག་པས་ཆོས་སྦྱོང་བའོ། །ཞུམ་པ་མེད་པས་མི་འཇིགས་པ་སྦྱོང་བའོ། །རབ་ཏུ་བསྟན་པ་ཐ་དད་པ་ཡང་དག་
D44.036.0350a06.01པར་ཤེས་པ་སྦྱོང་བའོ། །ཤིན་ཏུ་བསྟན་པས་ཆོས་སྦྱོང་བའོ། །ཆོས་ཐམས་ཅད་ལས་ཕྱིར་མི་ལྡོག་པར་གཟུངས་སྦྱོང་བའོ། །སངས་རྒྱས་ཀྱི་འབྱུང་བ་ཐམས་ཅད་ཀྱི་དོན་དུ་སངས་རྒྱས་ཀྱི་བསྟན་པ་སྦྱོང་བའོ། །དེ་ལྟར་བྱང་ཆུབ་སེམས་
D44.036.0350a07.01