完整藏文原文 · 德格版页 当前仅加载第 36 函德格 361a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པ་ཐོབ་པ་ཡིན། སེམས་ལྟར་མགྱོགས་པ་ཐོབ་པ་ཡིན། ཐུབ་པ་མེད་པ་ཐོབ་པ་ཡིན། ལྡོག་པ་མེད་པ་ཐོབ་པ་ཡིན། མི་གཡོ་བ་ཐོབ་པ་ཡིན། རྣམ་པར་འཕེལ་བ་ཐོབ་པ་ཡིན། རྗེས་སུ་འགྲོ་བ་ཐོབ་
D44.036.0361a01.01པ་ཡིན། དེ་འཇིག་རྟེན་གྱི་ཁམས་ཇི་སྲིད་དུ་རིང་ཡང་རུང་སྟེ། དེ་དག་ན་བཞུགས་པའི་སངས་རྒྱས་བཅོམ་ལྡན་འདས་དེ་དག་གི་གསུང་ཐོས་ཏེ། འཇིག་རྟེན་གྱི་ཁམས་ཐམས་ཅད་ན་བཞུགས་པ་དང་། འཇིག་རྟེན་གྱི་ཁམས་ཚད་མེད་པ་ན་
D44.036.0361a02.01བཞུགས་པ་དང་། འཇིག་རྟེན་གྱི་ཁམས་གྲངས་མེད་པ་ན་བཞུགས་པ་དང་། འཇིག་རྟེན་གྱི་ཁམས་དཔག་ཏུ་མེད་པ་ན་བཞུགས་པ་དང་། འཇིག་རྟེན་གྱི་ཁམས་མཚུངས་པ་མེད་པ་ན་བཞུགས་པ་དང་། འཇིག་རྟེན་གྱི་ཁམས་བསམ་
D44.036.0361a03.01གྱིས་མི་ཁྱབ་པ་ན་བཞུགས་པ་དང་། འཇིག་རྟེན་གྱི་ཁམས་གཞལ་དུ་མེད་པ་ན་བཞུགས་པ་དང་། འཇིག་རྟེན་གྱི་ཁམས་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ན་བཞུགས་པ་དེ་དག་ཐམས་ཅད་
D44.036.0361a04.01ཀྱི་གསུང་ཉན་ཏོ། །ཐོས་ནས་ཀྱང་འཇིག་རྟེན་གྱི་ཁམས་དེར་བདག་ཉིད་ཕྱིན་པར་བྱེད་དེ། དེ་ཡང་གང་ན་སངས་རྒྱས་སྐྱེ་བ་སངས་རྒྱས་ཀྱི་ཞིང་རྡུལ་ཤིན་ཏུ་ཕྲ་བ་སྙེད་ཡོད་པའི་འཇིག་རྟེན་གྱི་ཁམས་དེ་དང་དེ་དག་གཅིག་ནས་གཅིག་ཏུ་བརྒྱུད་པའི་
D44.036.0361a05.01ཕྱོགས་བཅུའི་རྒྱུད་ཕྱོགས་རྣམ་པ་ཐ་དད་པར་གནས་པ་དང་། ཕྱོགས་བཅུའི་དྲ་བའི་འཁོར་སྣ་ཚོགས་སྦྱིའུ་ཚུགས་སུ་རྒྱུ་བའི་ཕྱོགས་ཀྱི་ཚུལ་དང་། སྣྲེལ་ཞིར་རྒྱུ་བའི་ཕྱོགས་ཀྱི་ཚུལ་དང་། ཕྱོགས་རྒྱ་མཚོ་སངས་རྒྱས་ཀྱི་ཞིང་བརྗོད་དུ་
D44.036.0361a06.01མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ཕྱོགས་ལ་འཇུག་པ་རྣམ་པ་སྣ་ཚོགས་དང་། ཕྱོགས་ཀྱི་མཚན་ཉིད་ཐ་དད་པར་རྗེས་སུ་འབྲང་བར་བྱ་བ་སངས་རྒྱས་མུ་མེད་པ་སྐྱེ་བ་དང་ལྡན་པ་སངས་རྒྱས་ཀྱི་ཞིང་རྣམ་པ་ཐ་དད་པ་
D44.036.0361a07.01