完整藏文原文 · 德格版页 当前仅加载第 36 函德格 370b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་རྒྱལ་བའི་སྲས་དག་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྨིག་རྒྱུ་ལྟ་བུའི་བཟོད་པ་ཐོབ་པ་ལྔ་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་ཐམས་
D44.036.0370b01.01ཅད་སྨིག་རྒྱུ་ལྟ་བུར་རབ་ཏུ་ཤེས་ཏེ། འདི་ལྟ་སྟེ་དཔེར་ན། སྨིག་རྒྱུ་ནི་ཡུལ་ནའང་མི་གནས་ཕྱོགས་ནའང་མི་གནས་པའོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་ཡུལ་ན་ཡང་མི་གནས། ཕྱོགས་ནའང་མི་
D44.036.0370b02.01གནས་པའི་ཆོས་ཉིད་རབ་ཏུ་ཤེས་ཏེ། འཇིག་རྟེན་ནང་ནའང་མི་གནས། ཕྱི་རོལ་ནའང་མི་གནས་པ་དང་། ཡོད་པའང་མ་ཡིན། མེད་པའང་མ་ཡིན་པ་དང་། རྟག་པའང་མ་ཡིན། ཆད་པའང་མ་ཡིན་པར་རྣམ་པར་རིག་པར་གྱུར་པ་
D44.036.0370b03.01རབ་ཏུ་ཤེས་སོ། །ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ནང་ཞེས་བྱ་བ་ནང་ན་གནས་པ་མ་ཡིན་པ་དང་། ནང་ཞེས་བྱ་བ་ཕྱི་རོལ་ན་གནས་པ་མ་ཡིན་པ་དང་། ཁ་དོག་གཅིག་པ་མ་ཡིན་པ་དང་། ཁ་དོག་ཐ་དད་པ་མ་ཡིན་
D44.036.0370b04.01པའང་རབ་ཏུ་ཤེས་ཏེ། ཆོས་ཐམས་ཅད་ཁ་དོག་མེད་པའི་ས་ཐོབ་པར་བྱ་བའང་རབ་ཏུ་རྫོགས་པར་བྱེད་དོ། །ཀྱེ་རྒྱལ་བའི་སྲས་དག་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྨིག་རྒྱུ་ལྟ་བུའི་བཟོད་པ་ཐོབ་པ་སྟེ།
D44.036.0370b05.01ལྔ་པའོ། །ཀྱེ་རྒྱལ་བའི་སྲས་དག་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་རྨི་ལམ་ལྟ་བུའི་བཟོད་པ་ཐོབ་པ་དྲུག་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་
D44.036.0370b06.01ཐམས་ཅད་རྨི་ལམ་ལྟ་བུར་རབ་ཏུ་ཤེས་ཏེ། འདི་ལྟ་སྟེ། དཔེར་ན། རྨི་ལམ་ནི་འཇིག་རྟེན་ལས་བྱུང་བའང་མ་ཡིན། འཇིག་རྟེན་ལས་འདས་པའང་མ་ཡིན། རྨི་ལམ་ནི་འདོད་པའི་ཁམས་ཀྱང་མ་ཡིན།
D44.036.0370b07.01