完整藏文原文 · 德格版页 当前仅加载第 36 函德格 342a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་མཐར་ཕྱིན་པའི་སེམས་མི་བསྐྱེད་དེ་ཏིང་ངེ་འཛིན་དེ་དང་དེ་དག་གི་རྒྱུན་ཡོངས་སུ་མི་གཅོད་དོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་ནི་སྒྱུ་མའི་དཀྱིལ་འཁོར་ཡངས་ཤིང་རྒྱ་ཆེ་བ་ཚད་མེད་པ་ལ་
D44.036.0342a01.01ཞུགས་པས་ཀུན་ཏུ་བཟང་པོའི་སྤྱོད་པ་དོན་ཡོད་པ་ངེས་པར་རྟོགས་པ་ལ་གནས་པ་དང་། མངོན་པར་བསྒྲུབ་པ་ཁོང་དུ་ཆུད་པའི་ཡེ་ཤེས་ཀྱི་སྒོ་དང་ལྡན་པས་དེ་ལ་རྒྱས་པར་འགྱུར་བ་འམ། འབྲི་བར་འགྱུར་བ་མེད་དོ། །འདི་ལྟ་སྟེ་དཔེར་ན།
D44.036.0342a02.01བྱིས་པ་སོ་སོའི་སྐྱེ་བོ་རྣམས་ནི་སེམས་ཀྱི་སྒོ་མུ་མེད་པ་སྟེ། དེ་དག་གི་སེམས་ནི་མ་སྐྱེས་མི་སྐྱེ་སྐྱེ་བར་མི་འགྱུར་བ་ཡིན་ཡང་། དེ་དག་གི་སེམས་སྐྱེ་བ་དང་། སྐྱེ་བར་འགྱུར་བའང་མཐའ་མེད་པ་སྟེ། ཐུག་པ་མེད་པའོ། །
D44.036.0342a03.01ཟད་པར་མི་འགྱུར་བའོ། །སེམས་ཀྱི་རྒྱུད་ཡོངས་སུ་རྒྱུན་ཆད་པ་མེད་དེ་བསམ་གྱིས་མི་ཁྱབ་པའོ། །དེ་བཞིན་དུ་བྱང་ཆུབ་སེམས་དཔའ་ཏིང་ངེ་འཛིན་གྱི་རྣམ་པ་སྒྱུ་མའི་སྒོ་མང་པོ་ཀུན་དང་ལྡན་པ་འདི་ལྟ་བུ་ལ་སྙོམས་པར་ཞུགས་པ་ལའང་
D44.036.0342a04.01མུར་ཐུག་པ་མེད་དོ། །ཚད་ཀྱིས་གཅལ་བ་མེད་དོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ཀུན་ཏུ་བཟང་པོས་དེ་སྙེད་དུ་ཚད་མེད་པའི་ཆོས་ཀྱི་ཚུལ་གྱི་སྒོ་ཁོང་དུ་ཆུད་པའི་ཕྱིར་རོ། །འདི་ལྟ་སྟེ་དཔེར་ན། ཀླུའི་རྒྱལ་པོ་རྒྱ་
D44.036.0342a05.01མཚོ་ཆེན་པོ་དང་། དགའ་བོ་དང་བསྙེན་དགའ་བོ་དང་། ཡིད་དུ་འོང་བ་དང་། ཀླུའི་རྒྱལ་པོ་ཆེན་པོ་དེ་མ་ཡིན་པ་དག་གིས་ཆར་ཕབ་ན་ཆར་བའི་ཐིགས་པ་རེ་རེ་ཞིང་བ་རུ་རའི་འབྲས་བུ་ཙམ་གྱི་རྒྱུན་དུ་ཕབ་ཀྱང་། ཆར་པ་དེ་ལ་ཟད་ཅེས་བྱ་བ་མེད་
D44.036.0342a06.01དོ། །སྔར་བབ་པ་དེ་ཉིད་ཕྱིར་འབབ་ཅེས་བྱ་བ་མེད་དོ། །སྤྲིན་གྱི་མངོན་པར་འདུ་བྱ་བ་ལ་ཟད་ཅེས་བྱ་བ་{མྱེད་,མེད་}དོ། །དེ་བཞིན་དུ་བྱང་ཆུབ་སེམས་དཔའ་ཀུན་ཏུ་བཟང་པོའི་ཏིང་ངེ་འཛིན་གྱི་སྒོ་དང་ཡེ་ཤེས་ཀྱི་སྒོ་དང་། ཆོས་ཀྱི་སྒོ་དང་སངས་
D44.036.0342a07.01