完整藏文原文 · 德格版页 当前仅加载第 36 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
གྱ་ནོམ་པར་གཏོང་བ་དང་ཕུལ་དུ་གཏོང་བ་དང་། བླ་ན་མེད་པར་གཏོང་བ་དང་། མཉམ་པ་མེད་པར་གཏོང་བ་དང་། འཇིག་རྟེན་ཐམས་ཅད་ལས་འཕགས་པའི་གཏོང་བ་དང་། སངས་རྒྱས་ཐམས་ཅད་ཀྱིས་བསྔགས་པའི་ཆོས་
D44.036.0086a01.01གཏོང་བ་དང་ལྡན་ཞིང་སྦྱིན་བདག་གི་དམ་པ་སེམས་ཅན་གྱི་ཁམས་ཐམས་ཅད་ངན་སོང་ནས་འདོན་པ། ཡེ་ཤེས་ཀྱི་ལམ་ལ་རབ་ཏུ་གཞོག་པའི་སྨོན་ལམ་མཉམ་པ་མེད་པ་དང་ལྡན་པ། དགེ་བའི་རྩ་བ་ནོར་བ་མེད་པ་དང་ལྡན་པ། བདག་མཉམ་པ་མེད་པའི་ཡེ་ཤེས་
D44.036.0086a02.01རྗེས་སུ་སངས་རྒྱས་པ་དང་ལྡན་ཞིང་སེམས་ཅན་ཐམས་ཅད་ཞི་བའི་ཡེ་ཤེས་ལ་རབ་ཏུ་གཞོག་པ། མངོན་པར་ཤེས་པའི་ཡེ་ཤེས་ཉམས་པ་མེད་པས་འགྲོ་བ་ཐམས་ཅད་ལ་ཤིན་ཏུ་མཁས་པར་བྱས་པ། ཡེ་ཤེས་ཀྱི་ས་དང་སངས་རྒྱས་ཀྱི་ཆོས་ལ་གཞོལ་བ།
D44.036.0086a03.01སངས་རྒྱས་ཐམས་ཅད་ཀྱི་རྒྱན་གྱི་ཕ་རོལ་ཏུ་ཕྱིན་པ་དང་ལྡན་པ། སངས་རྒྱས་ཀྱི་ཆོས་ཐམས་ཅད་ཕྱིར་མི་ལྡོག་པས་རྒྱུན་ཆད་པ་མེད་པར་གྱུར་ཏེ། མཆོད་སྦྱིན་ཤིན་ཏུ་བྱས་པར་གྱུར་ཅིག །སེམས་ཅན་ཐམས་ཅད་འགྲོ་བ་ཀུན་ལ་རིམ་གྲོ་བྱེད་ཅིང་
D44.036.0086a04.01བླ་ན་མེད་པའི་ཡེ་ཤེས་ཀྱི་མཐར་ཐུག་པར་རྒྱུན་ཆད་པ་མེད་པས་ཕྱིར་མི་ལྡོག་པའི་མཆོད་སྦྱིན་བྱེད་པར་གྱུར་ཅིག །སེམས་ཅན་ཐམས་ཅད་ཚད་མེད་མཐའ་ཡས་པའི་བསོད་ནམས་བསྩགས་པའི་ཕ་རོལ་ཏུ་ཕྱིན་ཅིང་དགེ་བའི་རྩ་བ་ལེགས་པར་བསྐྱེད་པ་དང་ལྡན་
D44.036.0086a05.01པར་གྱུར་ཅིག །སེམས་ཅན་ཐམས་ཅད་བསོད་ནམས་ཀྱི་དཀྱིལ་འཁོར་གྱིས་ཆོས་ཀྱི་དབྱིངས་ཚད་མེད་པར་བླ་ན་མེད་པར་སྣང་བའི་བདེ་བ་ཡོངས་སུ་གཏོང་ཞིང་སངས་རྒྱས་ཐམས་ཅད་ཀྱིས་བསྔགས་པར་འགྲོ་བ་ཐམས་ཅད་ཀྱི་སྦྱིན་བདག་ཏུ་གྱུར་ཅིག །སེམས་
D44.036.0086a06.01ཅན་ཐམས་ཅད་སེམས་ཅན་གྱི་ཁམས་སུ་སྙོམས་པར་དགེ་བའི་རྩ་བས་ཡང་དག་པར་འཛིན་པའི་ཕ་རོལ་ཏུ་ཕྱིན་པ་ཐོབ་ཅིང་མཉམ་པའི་སེམས་ཀྱིས་མཆོད་སྦྱིན་བྱེད་པར་གྱུར་ཅིག །སེམས་ཅན་ཐམས་ཅད་ཐེག་པའི་མཆོག་ལ་འགྲོ་བ་ཐམས་ཅད་རབ་
D44.036.0086a07.01