完整藏文原文 · 德格版页 当前仅加载第 36 函德格 376b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་ཆོས་ཀྱི་གནས་ཐམས་ཅད་ལ་གནས་ཏེ། བྱང་ཆུབ་ཀྱི་སེམས་ནི་མཐའ་ཡོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་ནི་བདག་ཉིད་ནམ་མཁའ་དང་མཉམ་པར་བྱས་ཏེ།
D44.036.0376b01.01ཡོངས་སུ་བསྒོམས་པ་དང་། རྣམ་པར་སྦྱངས་པ་དང་། ཤིན་ཏུ་བསྒྲུབས་པ་དང་། མཉམ་པ་ཉིད་དུ་བྱས་པ་དང་། རྒྱུད་ཀྱི་ཚུལ་གཅིག་ཏུ་བྱས་པ་དང་། རོ་གཅིག་ཏུ་བྱས་པ་དང་། ཚད་གཅིག་ཏུ་བྱས་པ་དང་། ནམ་མཁའ་
D44.036.0376b02.01ལྟ་བུར་དག་པའི་ཁ་དོག་ཏུ་བྱས་པ་དང་། ཐམས་ཅད་དུ་འགྲོ་བར་བྱས་པའི་ཕྱིར་རོ། །ཆོས་ཐམས་ཅད་ལ་ཡང་དག་པར་སེམས་པ་དང་། ཁོང་དུ་ཆུད་པར་བྱེད་པ་དང་། ཆོས་ཐམས་ཅད་ཐ་མི་དད་པ་རབ་ཏུ་ཐོབ་པར་བྱེད་པ་
D44.036.0376b03.01དང་། ཞིང་ཐམས་ཅད་དུ་འགྲོ་བར་བསྒྲུབ་པ་དང་། ལུས་ཐམས་ཅད་ལ་གནས་པ་མེད་པ་ཡོངས་སུ་རྫོགས་པར་བྱེད་པ་དང་། ཕྱོགས་ཐམས་ཅད་ཀྱི་འབྱུང་གནས་རབ་ཏུ་ཐོབ་པར་བྱེད་པ་དང་། སྟོབས་ཐམས་ཅད་ཐ་མི་དད་པར་
D44.036.0376b04.01བསྒྲུབ་པ་དང་། ཡོན་ཏན་ཐམས་ཅད་ཡུལ་མཐའ་ཡས་པར་ཡོངས་སུ་རྫོགས་པར་བྱེད་པ་དང་། ཆོས་ཐམས་ཅད་ཀྱི་འབྱུང་གནས་རབ་ཏུ་ཐོབ་པར་བྱེད་པ་དང་། དཔག་ཏུ་མེད་པ་ཐོབ་པར་བྱེད་པ་དང་། རྡོ་རྗེ་ལྟར་
D44.036.0376b05.01བརྟན་པ་ལ་རབ་ཏུ་གཞོལ་བ་དང་། དབྱངས་ཀྱི་ཡན་ལག་ཚད་མེད་པ་ཐམས་ཅད་མངོན་པར་བསྒྲུབ་པ་དང་། འཇིག་རྟེན་ཐམས་ཅད་དུ་ཕྱིན་ཅིང་ཆོས་ཀྱི་འཁོར་ལོ་ཡོངས་སུ་མི་གཏོང་བའི་ཕྱིར་རོ། །ཀྱེ་རྒྱལ་བའི་སྲས་དག་འདི་
D44.036.0376b06.01ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ནམ་མཁའ་ལྟ་བུའི་བཟོད་པ་ཐོབ་པ་སྟེ། བཅུ་པའོ། །བཟོད་པ་དེ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་འགྲོ་བ་མེད་པའི་ཚུལ་དུ་འགྲོ་བ་མེད་
D44.036.0376b07.01