完整藏文原文 · 德格版页 当前仅加载第 36 函德格 349a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་གཞན་དུ་སྨྲ་བ་མ་ཡིན་ཏེ། བྱང་ཆུབ་སེམས་དཔའ་རྣམས་ནི་ཇི་སྐད་དུ་སྨྲས་པ་དེ་བཞིན་དུ་བྱེད་པའོ། །དེ་ཅིའི་ཕྱིར་ཞེ་ན། འདི་ལྟ་སྟེ་དཔེར་ན། རྡོ་རྗེ་ནི་གཅོག་ཏུ་མི་རུང་བར་བརྗོད་པ་སྟེ། མི་ཆོགས་པའི་རང་བཞིན་
D44.036.0349a01.01ཡོངས་སུ་མི་གཏོང་ངོ་། །དེ་བཞིན་དུ་བྱང་ཆུབ་སེམས་དཔའ་ཡང་ཆོས་འདི་དག་ལས་བརྗོད་པ་སྟེ། འདི་ལྟ་བུའི་ཆོས་ལ་གནས་པ་ཡོངས་སུ་མི་གཏོང་ངོ་། འདི་ལྟ་སྟེ་དཔེར་ན། གསེར་ནི་ཁ་དོག་ཤིན་ཏུ་བཟང་བར་བརྗོད་པ་སྟེ། གསེར་
D44.036.0349a02.01གྱི་ཁ་དོག་བཟང་པོ་རྣམ་པར་དག་པ་ཡོངས་སུ་མི་གཏོང་ངོ་། །དེ་བཞིན་དུ་བྱང་ཆུབ་སེམས་དཔའ་ཡང་དེ་ལྟར་དགེ་ཞིང་བཟང་བའི་ཆོས་ཀྱིས་བརྗོད་པ་སྟེ། དེ་ལྟར་དགེ་ཞིང་བཟང་བའི་ཆོས་ལ་གནས་པ་ཡོངས་སུ་མི་གཏོང་ངོ་། །འདི་
D44.036.0349a03.01ལྟ་སྟེ་དཔེར་ན། ལྷའི་བུ་ཉི་མ་ནི་སྣང་བའི་དཀྱིལ་འཁོར་གྱིས་བརྗོད་པ་སྟེ། སྣང་བ་ཡོངས་སུ་མི་གཏོང་ངོ་། །དེ་བཞིན་དུ་བྱང་ཆུབ་སེམས་དཔའ་ཡང་འགྲོ་བ་ཐམས་ཅད་དུ་སྣང་བས་བརྗོད་པ་སྟེ། བྱང་ཆུབ་སེམས་དཔའི་སྣང་བ་ཡོངས་
D44.036.0349a04.01སུ་མི་གཏོང་ངོ་། །འདི་ལྟ་སྟེ་དཔེར་ན། རིའི་རྒྱལ་པོ་རི་རབ་ནི་རིན་པོ་ཆེ་བཞིའི་ཕུང་པོས་རྒྱ་མཚོ་ལས་ཤིན་ཏུ་འཕགས་པར་བརྗོད་པ་སྟེ། རྒྱ་མཚོ་ལས་ཤིན་ཏུ་འཕགས་པ་ཡོངས་སུ་མི་གཏོང་ངོ་། །དེ་བཞིན་དུ་བྱང་ཆུབ་སེམས་དཔའ་ཡང་འཇིག་
D44.036.0349a05.01རྟེན་ཐམས་ཅད་ལ་དགེ་བའི་རྩ་བས་ཤིན་ཏུ་འཕགས་པར་བརྗོད་པ་སྟེ། འཇིག་རྟེན་ཐམས་ཅད་ལས་ཤིན་ཏུ་འཕགས་པ་ཡོངས་སུ་མི་གཏོང་ངོ་། །འདི་ལྟ་སྟེ་དཔེར་ན། ས་ཆེན་པོ་ནི་འགྲོ་བ་ཐམས་ཅད་ཡོངས་སུ་རྟོན་པར་བརྗོད་པ་
D44.036.0349a06.01སྟེ། རྟོན་པའི་རང་བཞིན་ཡོངས་སུ་མི་གཏོང་ངོ་། །དེ་བཞིན་དུ་བྱང་ཆུབ་སེམས་དཔའ་ཡང་འགྲོ་བ་ཐམས་ཅད་ཡོངས་སུ་འགྲེལ་པས་བརྗོད་པ་སྟེ། སྙིང་རྗེ་ཆེན་པོ་ཡོངས་སུ་མི་གཏོང་ངོ་། །འདི་ལྟ་སྟེ་དཔེར་ན། རྒྱ་མཚོ་ཆེན་
D44.036.0349a07.01