完整藏文原文 · 德格版页 当前仅加载第 36 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་གཏོང་བའི་སེམས་དང་། བདག་ཉིད་ཡངས་པའི་སེམས་དང་། ཟབ་པའི་སེམས་དང་། ལེགས་པར་ཡོངས་སུ་སྡུད་པའི་སེམས་དང་། མངོན་པར་མ་ཞེན་པའི་སེམས་དང་། ཆོས་ལ་སྲོག་མེད་པའི་སེམས་
D44.036.0098a01.01དང་། ཡིད་ཤིན་ཏུ་ཐུལ་བའི་སེམས་དང་། མ་འཁྲུགས་པའི་སེམས་དང་། གཡེང་བ་མེད་པའི་སེམས་དང་། རིན་པོ་ཆེའི་རིགས་སྣ་ཚོགས་ཐོབ་པའི་སེམས་དང་། ལས་ཀྱི་རྣམ་པར་སྨིན་པ་ཐམས་ཅད་ལ་རེ་བ་མེད་པའི་སེམས་དང་། ཆོས་ཐམས་
D44.036.0098a02.01ཅད་མ་ལུས་པ་མངོན་པར་འཚང་རྒྱ་བར་བྱ་བའི་སེམས་དང་། བསྔོ་བ་ཆེན་པོའི་རྗེས་སུ་འབྲང་བའི་སེམས་དང་། དོན་གྱི་ཆོས་ཤིན་ཏུ་རྟོགས་པའི་སེམས་དང་། ཡེ་ཤེས་ཆེན་པོའི་ས་རབ་ཏུ་ཐོབ་པའི་སེམས་དང་། སེམས་ཅན་ཐམས་ཅད་ཐམས་ཅད་མཁྱེན་
D44.036.0098a03.01པའི་ཡེ་ཤེས་ལ་དགོད་པའི་སེམས་དང་། ཆོས་ཀྱི་སྣང་བ་ཆེན་པོ་ཡང་དག་པར་བསྐྱེད་པའི་སེམས་དང་། ཐམས་ཅད་མཁྱེན་པའི་ཡེ་ཤེས་ལ་འཇུག་པ་ཡང་དག་པར་བསྒྲུབས་པའི་སེམས་ཀྱིས་སྦྱིན་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་
D44.036.0098a04.01སེམས་དཔའ་ཆེན་པོ་སེམས་ཀྱི་སྐད་ཅིག་རེ་རེ་ལ་ཉེ་བར་བསྩགས་པའི་དགེ་བའི་རྩ་བ་དེ་དག་ཡོངས་སུ་བསྔོ་སྟེ། སེམས་ཅན་དེ་དག་ལོངས་སྤྱོད་ཀྱིས་ཕོངས་པ་མེད་པ་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོའོ། །དེ་དག་གིས་བསོད་
D44.036.0098a05.01ནམས་མི་ཟད་པ་ཡང་དག་པར་བསྡུ་བའི་ཕྱིར་ཡོངས་སུ་བསྔོའོ། །དེ་དག་གིས་བདེ་བར་གཏོགས་པའི་བདེ་བ་ཐམས་ཅད་རབ་ཏུ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །དེ་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོའི་ལས་ཀྱི་ཚོགས་ཀྱི་ཕྱིར་
D44.036.0098a06.01ཡོངས་སུ་བསྔོའོ། །དེ་དག་གིས་ཆོས་ཐམས་ཅད་ཀྱི་ཕུང་པོ་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོའོ། །དེ་དག་ཐེག་པ་ཐམས་ཅད་ལས་ཕྱིར་མི་ལྡོག་པར་བྱ་བའི་ཕྱིར་ཡོངས་སུ་བསྔོའོ། །དེ་དག་གིས་སངས་རྒྱས་ཐམས་ཅད་མཐོང་ཞིང་
D44.036.0098a07.01